Imatiwu 25:30 - IWE ỌNỊNỊ

³⁰ Ozi ahụ kẹnẹ-kẹnẹ ọnọnị, tụ́ ọ ụvọ tụ́ ẹhẹ ịnị ịrahụ ruma-ruma nịnị, ịzọọ ázaā yàa nowu, dị aa rị anyị nị.”

Imatiwu 25:30 ပူးပေါင်းရင်းမြစ်များ

Ahẹ Ụgama 112:10

Aza edivi vavọọ vee re e, dị ayị anị pooro, di e du ẹngụ ẹnịnị ha nị. Avaba ịsa ana aza edivi aa tụra eyi anị vị ana vaa tụ́ osusu.

Imatiwu 13:42

Dị ẹ kụ́ wa na và hi ịnị ịra ọbanyị. Dị ẹ yà ịzọọ, dị ẹyaa jị òrèrè, dị ẹ rẹ yaa rị anyị.

Imatiwu 13:50

dị ọ kụ́ wa và hi ịnị ịra ọbanyị. Dị e hi ịzọọ, dị ẹyaa jị òrèrè, dị ẹ rẹ yaa rị anyị.”

Imatiwu 22:13

Dị ohinọyị ọnọọ kà a yị ezi ahụ anị ka: ‘Sụ́ ọọ ahụ ọnịrị ụvọ nịnị, dị ụ wa sị ọọ ne ne ngụ ịnị ịrahụ ruma-ruma nịnị, ịzị aza yàā nowu, dị ẹyaa rị anyị.’

Imatiwu 24:51

Dị ọga anị za a, dị ọ sẹ̀ ẹ rugu-rugu, dị ọ sị ọgụ ọmọzakụyẹ yọ. Ịzọọ di ee nowu, dị aa rị anyị.”

Imatiwu 3:10

Booro aanị, á raa sị ịraga pe ọchị nịnị ẹpa, avaba ọchị ẹnẹ ẹ̀ yị tụ́ ẹtụtụ ozoza vị ana á vaa má, dị e ne e ngụ ịnị ịra.

Imatiwu 5:13

“Ẹwụ nịnị ọ vị anọ yị anẹhẹ nị. Ama anọ ọ̀ọ sị uhine anị ne ta, sị a kụkụ aa sịị vara a ka ò hine? Ẹ yị kụkụ nyị ịsị ọ rụra mẹ, à yị vị ka è ne e ta, dị aza ẹ̀ẹ kụ́ ahụụ hi ọọ.

Imatiwu 8:12

Ama dị a dụ ezi anaa vọrọ ka ẹ̀ yà ịnị ịjọva ọnọọ obooro jịnẹ và hi ẹhẹ ịnị ịrahụ. Dị ẹ yà ịzọọ aa jị òrèrè, dị ẹyaa rị anyị.”

Iruuku 13:28

Ụ vaa jị òrèrè nịnị, dị ụ waa rị anyị nịnị, Ịjị u wèe re ka Abụrahamị ọnịrị Ayiziiki beri Ijekọvụ ọnịrị avaba ọnịsẹ nịnị hi ịzị Ohomorihi yà aa mẹ ịjọva, di a sị ẹwụ nịnị dụ tụ́ ẹhẹ nị.

Ịjọọnụ 15:6

Ọza ẹnẹ ẹ̀ yị zẹẹ ka ẹmịrị ọnị ọ̀ vị ọnya, dị a dà a ne ta anka avọ́ ọchị avọọ. Dị ọ wụ, dị aza va tọ̀ọ́ yọ, dị ẹ kụ́ wa va hi ịnị ịra, dị ẹ rị ịra.

Ịtayịtọsị 3:14

Sị zụ̀ aza ayị nịnị, dị ẹ̀ yẹ ka aa vọrọ ka ẹnị ẹ̀ ẹ mẹ̀ ịsa ozozaa yị aza ẹnẹ ẹ̀ yị nyị ịsa. Ẹnịnị ẹ̀ vavọọ mẹ, agụvị asị ẹhẹ ẹnịnị vị kẹnẹ-kẹnẹ.

2Ipita 2:17

Onireche ẹnẹẹ vị ana sị mẹẹ anka ịkangga ẹnẹ ẹ̀ yị nyị enyi avọọ. Vị ẹ rẹ yà anka eguhi ọnị ahị aa kụ́ụ zịịzị nị. Ịnị ịrahụ ruma-ruma Ohomorihi sị eehi ẹnịnị tụ́ pooro zịna-zịna nị.

Ijudi 1:13

Eē si ka ẹnị ẹ̀ sị ebira odivi ẹnịnị tụ́ ẹhẹ anka enyi ini òkū mẹ̀ẹ̄ da, dị ọ kụ́ ịdọtị tụ́ ẹhẹ avọọ. Vị́ ẹ rẹ sị mẹẹ anka ụzọmị anaa ngwọọ zịịzị nị. Ịnị ịrahụ ruma-ruma a sị eehi aza ẹnẹnị tụ́ nị. Ịzọọ a vaa kụ́ wa hi pooro zịna-zịna nị.

Ẹtore 21:8

Ama anangwahi ọnịrị aza ẹnẹ ẹ̀yị vị ọdọwụ, beri aza ana aā mẹ̀ ịsa enyisi, ọnịrị ọwọza nịnị beri ọsẹrẹka nịnị beri ẹnẹbẹ ọnịrị aza anaā hẹkẹ ori, ọnịrị avaba onireche nịnị vaa nyị aha ẹnịnị ini adagu ịra anaa sị ohuru tụ́; ọnọọ ọ vị isu ụpẹ ọhụva nị.”