Imatiwu 25:21 - IWE ỌNỊNỊ

²¹ Dị ọga anị ka: ‘Akọrọ! Ozi ahụ obooro ana nyị ịzẹyịza ụ vị nị. Agụvị ka wâ nyị ịzẹyịza tụ́ ịnị ịsa oweyi, mị vaa sị wụụ mẹ ọga ịsa ọrụrụ-ọrụrụ. Wa vẹ, ẹwụrị ọga awụ ò duduu jẹ!’

Imatiwu 25:21 ပူးပေါင်းရင်းမြစ်များ

Ụhịrẹyị 14:35

Ayị ohinọyị vị ene hine tu ọza anaa mẹ ẹtẹẹrẹ, ama vị ọọ sị ụya rị ọza anaa mẹ̀ẹ ụhị nyị ọ nị.

Ụhịrẹyị 28:20

Ọnịzẹyịza vị ọnị óo zee yị, ama ọza anaā dụ ẹkẹhị ịjịjọọ vị ana vaa rị ụya anị.

Imatiwu 24:45

Ẹnẹ vị ozi ahụ ọnịrẹyịzẹyịza ana yẹ ịrẹyị, ọnị ọga anị vaa sị ezi ahụ ana vọ chire ụvọ ka ọ̀ọ sị ịsọyịrịị yị wa ịnị ụmẹ ana vọrọ?

Imatiwu 24:47

Ịzẹyịza m maa kà a wụ nịnị nị, ozi ahụ ọnọọ ọ́ga anị vaa kụ́ avaba ogu anịị chire ụvọ nị.

Imatiwu 25:23

Dị ọga anị ka: ‘Akọrọ! Ozi ahụ obooro ana nyị ịzẹyịza ụ vị nị. Agụvị ka wâ nyị ịzẹyịza tụ́ ịnị ịsa oweyi, mị rẹ vaa sị wụụ mẹ ọga ịsa ọrụrụ-ọrụrụ. Wa vẹ, ẹwụrị ọga awụ ò duduu jẹ!’

Imatiwu 25:46

Dị aa kụ́ aza ẹnẹẹ ne hi ịnị ụyọrị ẹnẹ ẹ̀ yị mā ta pooro zịna-zịna, ama dị ọnịrẹyịzẹyịza nịnị ẹnị aa nọ ịnị ẹhẹ ẹnẹ ẹ̀ yị mā ta pooro zịna-zịna.”

Iruuku 12:44

Ịzẹyịza m maa kà a wụ nị, ozi ahụ ọnọọ ọ́ga anị vaa kụ́ avaba ogu anịị chire ụvọ nị.

Iruuku 16:10

Ọza ana àa nyị ịzẹyịza tụ́ ịnị ịsa kiiki, ọ rẹ vaa nyị ịzẹyịzaa tụ́ ịnị ịsa ọbanyị. Ọza ana àa rẹ vị onirikichi ịnị ịsa kiiki, vị ọ raa yịị mẹ irikichi ịnị ịsa ọbanyị nị.

Ịjọọnụ 12:26

Ọza ana àaa hẹkẹ mị, ọ̀ rẹẹ dụ mị ịrẹma! Ịzị màa yà, ịzọọ aza ana aa hẹkẹ mị ọnị rẹ vaa yà nị. Ọza ana àaa hẹkẹ mị, ọnị Áda amị vaa sị ụbanyị yị nị.”

Ịjọọnụ 14:3

Màa na sị aha tenyi tịtẹ wụ nịnị, mị raa vaavẹ, dị ma va sị wụ nịnị ne pe ẹngụ, agụvị ịzị màa yà, dị ẹwụ nịnị ọ̀ rẹ yà ịzọọ.

Ịjọọnụ 17:24

“Ọga, mị yaanị sì ka ẹnị ọnị ụ raà sị mị, ẹ̀ yà ịzị màa yà, dị ẹnịnị è zuu re igirima amị, ọnị ụ sị yị mị, agụvị ka wê sì ịrẹyị amị hụrẹ ụmọrụmọ, dị a va yẹ ka aa mẹ ẹhẹ.

Aniroomi 2:29

Aniju obooro ọ vị ọza ana vị Aniju ịnị ayị anị nị. Ọza ana jị ụvẹvẹnẹ obooro ọ vị ọza ana vara ayị anị nị. Ụhwẹ Ọnịnị ọọ̄ mẹ̀ ọsọnị nị, ayị vị ọda anaa chẹrẹ tịtẹ. Ohomorihi ọnị ụvọta aa ga ẹngụ aza ẹnẹẹ nị, ayị vị aza.

1 Anịkọrịntị 4:5

Agụvị avọọ, asị ụ mẹ̀ ọkarẹyị yị ọzọnyị-ọzọnyị nịnị, ama jẹẹ tù ụmẹ ana Ananyị yị vaa vaa vẹ nịnị! Ọnị ọ vaa sị avaba ụkọrọ eweree vẹ ini eyigede nị, dị ọ rẹ sị ịsa ana aza sị tụ́ ịnị ayị tụ́ ẹhẹ. Ịhị ọnọọ, Ohomorihi vaa ga ọzọza, ọ mẹ̀ vọrọ.

2 Anịkọrịntị 10:18

Ọza ana àa ga ẹngụ anị, ọza ọ mā kà ọdaa yọ, ẹ̀ yị vị ọza ọnị Ananyị yị ga.

2 Anịkọrịntị 5:9

Ịsa ene hu keekere ọ vị ka, yee sì ka yaa mẹ̀ ịsa ene zé Ananyị yị eyi, yàa yà ẹhẹ ọnọnị, yàa yà ẹbẹẹba;

Anihwiripi 1:23

Ịrẹyị ẹyịva vị ene ee tura mị ị zị oze eyi ẹnyị eyi ọsa. Ama ịsị mee sì ọ vị ka ma hụụnị ẹhẹ ọnọnị, dị ị ma na yà ịdị Ikirisiti nị; ọnọọ ọ vị ene zoza hu nị.

1 Itimoti 3:13

Aza ana àa mẹ̀ ụkọrọ anị ẹtẹẹrẹ anka ọnọgụvọ, vaa nyị udi; ẹ rẹ va zụụ nyị ọtụtụrụma, ẹ màa sị ayịị tụra Ijeesu Ikirisiti.

2 Itimoti 2:12

Yàa yịị sị ẹngụụ dọ ụya, ẹyịrị ọọ rẹ vaa rị ohinọyị. Yàa kà ka yẹ yị yẹẹ, ọnị rẹ vaa kà a ka ọnị ọ yị rẹ yẹ ẹyị.

Anihiburu 12:2

À vẹ ya sị eyi pe Ijeesu! Ọnị ọ mẹ ka ye nyima ẹdọwụ, dị ọ rẹ mẹ ka ẹdọwụ ayị ọnọọ ọ̀ gụ nị. Ộ dọ ka oni ò sú isu ụhị ị́rẹsụ ọchị apavahị. Ọ yị za ụhị ọnọọ ịrịka tụ́ ịnị ịsọnyị-ịsọnyị agụvị ịrajẹ ọyịjẹ oni Ohomorihi sị tịtẹ ee zí ọọ. Ọ yaayịtẹ éyi ụvọrị ịnị aga Ohomorihi ohinọyị booro aanị.

Ẹtore 2:10

Asị u hí angwa ọnyọọnyị ịnị ụya ọnị ụ waa vaa rị! Re, Echu vaa zama wụ nịnịị re, dị ọ kụ́ aza ẹnyị awụ nịnị ne hi ịnị ẹngwa. Ụ vaa rị ụya nịnịị mẹ̀ ẹkụhị ẹẹwụ. Sị sị ayị yị mị nịnị pooro, wàa daka ee sú nịnị! Mị vaa sị ọgụụ wụ nịnị, ọnị ọ vị ka mị vaa mẹ ka wa yàra nịnị pooro zịna-zịna ị́dị Ohomorihi.

Ẹtore 21:7

Ọza ana àa nyị ehuna, ọnị ọ vaa dọ ịsa ẹnẹnịị hụụnị ụvọ amị nị: Mị vaa vị Ohomorihi anị, dị ọnị vị ozi emi.

Ẹtore 3:21

Ọza ana àa nyị ehuna, mị vaa sị oze yọ ka ọ̀ yaayịtẹ pe mi ịnị aga ohinọyị amị, anka ẹ́mị mẹ̀ rẹ nyị ehuna, dị mị yaayịtẹ pe Ada amị ịnị aga ohinọyị anị.

Ẹtore 7:17

Agụvị ka Ozi Atẹmẹ ana yà ọvịdị aga ohinọyị vaa tẹsị ẹnịnị anka oseratẹmẹ. Dị aa kụ́ waa nọ aha ene enyi ẹtẹ anaā mẹ ka ọza ọ̀ yàra pooro zịna-zịna yà. Ohomorihi vee nyee avaba ẹgọọ hụụnị eyi ẹnịnị.