Imatiwu 25:14 - IWE ỌNỊNỊ

¹⁴ “Oze ana Ada ayị ẹbẹẹba aa zịị mẹ ịjọva vị ana sị mẹẹ anka ọza ịnya aanị ana aa hụrẹ eehi. Ộ hị́ ezi ahụ anị, dị ọ kụ́ ogu chire wa ụvọ nị.

Imatiwu 25:14 ပူးပေါင်းရင်းမြစ်များ

Imatiwu 21:33

“Re wụ́ ụhịrẹyị ọsa nịnị! Â nyị adarehi ọnya aanị ana dà ụbazị, dị ọ họ̀ kara a nị. Dị ọ jị ụkọ ịzị a vaa yàa kwọrọ ẹtụtụ ọchị ene hi ịnị anị nị. Di o re hi ụta oserẹtẹ tụ́ ọọ nị. Di o si rere aza ẹnyị ka ọnị ọ̀ọ dọ wa ọtụrọsarẹsụ anị nị. Di o si hu aa hụrẹ eehi nị.

Ịmaakị 13:34

Vị ọ sị mẹẹ anka ọza ana aa hụrẹ eehi, dị ọ sị irehi anị chire ezi ahụ anị ụvọ, dị ọ ka è sị eyi pee nị. Dị ọ sị ụkọrọ yị ọzọza, dị ọ rẹ ka oserẹtẹ òo sere ẹtẹ nị.

Iruuku 20:9

Dị Ijeesu nyima aa sị ụhịrẹyị ọnọnịị kà ịrẹyị yị wa nị. Dị ọ ka, “Â nyị ọza ịnya aanị ana dà ụbazị, di o si rere aza anaā sịị eyii pe ụbazị nị. Di o si hu aa hụrẹ eehi nee kù nị.

1 Anịkọrịntị 12:4

Ụkata ọnị Ụhwẹ Ohomorihi sịị yị ọdọwụ nịnị vị irenyi-renyi. Ama Ụhwẹ Ohomorihi ọnyọọnya ọ yị sị wa yị ọzọza nị.

1 Anịkọrịntị 3:5

Ẹnẹ vị Ịpọọrụ? Ẹnẹ vị Aporo? Avaba ayị vị ezi ahụ Ohomorihi kẹnẹ. Yáa kụ́ wụ nịnị va dọ Ijeesu wụ́. Ọzịnya-ọzịnya ayị vị ana aa mẹ̀ ụkọrọ oni Ohomorihi sị yọ.

Anẹhwẹsọsị 4:11

Ọnị ọ sị ụkata yị aza ẹnyị ka ẹ̀ vị odeyi, dị aza ẹnyị ẹ̀ vị ọnịsẹ, dị aza ẹnyị ẹ̀ rẹ vị enenubọyịza nị. Ọ rẹ sị ụkata yị aza ẹnyị ka ẹ̀ vị aza ana sị eyi pe aza Ohomorihi, dị aza ẹnyị ẹ̀ẹ zụ̀ aza ịsa nị.