Imatiwu 24:7 - IWE ỌNỊNỊ

⁷ Anẹkụra ẹnyị vaa kwẹẹtẹ tù ọsa, dị ẹkụra ohinọyị ẹnyị rẹ kwẹẹtẹ tù ọsa. Ụngwẹ vaa kụ̀, ẹtẹ vee henyi jigi-jigi aha ọrụrụ-ọrụrụ.

Imatiwu 24:7 ပူးပေါင်းရင်းမြစ်များ

2 Ịtọpa 15:6

Á kụ́ ẹnịnị ga hi keni-keni ánẹkụra ẹnyị maa mẹ̀ ehunaa yị ọsa, dị anẹkụra ọbanyị ẹnyị aa mẹ̀ ehunaa yị ọsa, agụvị ka Ohomorihi aà kụ́ ẹngụkata ọnịrị ayodu tù wa nị.

Ayịsaya 19:2

Ẹnẹyịmavara kà ọnị vaa mẹ ka Anijipiti ẹ̀ kwẹẹtẹ tù ẹngụ. Ịrẹkụ vaa chị yị ẹyịnyara. Anokokooro ẹnyị vaa kwẹẹtẹ tù ọsa, dị anẹkụra ẹnyị rẹ kwẹẹtẹ tù ọsa. Avọọ ohinọyị nịnị mẹ̀ vaa kwẹẹtẹ tù ẹngụ dị ẹ yaa kụ̀ ịrẹkụ nị.

Ayịsaya 29:6

Ẹnẹyịmavara Ochẹtẹẹngụ vaa mẹ ka apaana ihinẹba ọ̀ há, di ẹtẹ ò henyi jigijigi. Ẹtẹ vaa sụ́ ịrẹyị, di opomi aa tụ́ kukuku, dị ịra aa dà kẹnẹ. Dị ọ vavọọ vẹ dị ọ va dọ wụ tụ́.

Ezikẹẹrị 14:21

Ẹnẹyịmavara Ananyị ụkata hu ka, ọnị vaa zị oze ẹẹna ene divi hu kere-kere ọnị ọnị zị sị ụya rị ọza, dị ọnị sị ụya rị Ijerusarẹmị, oze ẹẹna ẹnẹẹ ẹ vị ịrẹkụ, ụngwẹ ọbanyị, uye edivi ọnịrị ụkụ nị. Dị ọnị sị wụ̀ aza ẹnịrị ịsụpa nịnị và ha.

Ezikẹẹrị 21:27

Evu-ẹtẹ! Evu-ẹtẹ aa vẹ nịnị o! Ẹnẹyịmavara kà ọnị aa jị Ijerusarẹmị eburu. Ama ọnị ẹ́ yị vaa mẹẹ, ẹ̀ yị vị ịjị ọza ọnị ọnị nyị ka ọ̀ va sị ụya rị ọ ọ̀ọ vẹ. Ọ̀ọ vẹ, dị ọnị sị Ijerusarẹmị chire e ụvọ.

Ịzakaraya 14:13

Ịhị ọnọọ Ẹnẹyịmavara vaa va wa zi, dị angwa hi wa, dị ọzọza va ịraazị ka ọnọhụva anị.

Iruuku 21:11

Ẹtẹ vee henyi jigi-jigi aha ọrụrụ-ọrụrụ, ụngwẹ vaa kụ̀, ụkụ vee hi ẹtẹ. Apọtẹrẹwa irenyi-irenyi anaā sịị angwaa hí ọza, vaa jịnẹẹ hi ẹbẹẹba.

Odeyi 11:28

Ọnya ịnị ẹnịnị ana aā hị́ Agabọsị, ộ kwẹẹtẹ, dị Ụhwẹ Ọnịnị sị ụkata yọ, dị ọ kà ịsẹ ka ụngwẹ ọbanyị aa vẹ ịnị avaba ẹhẹ nị. Ụngwẹ ọnọọ ộ vẹ ịnị ụmẹ oni Ịkịrawụdịyọsị sị rị ohinọyị.

Odeyi 2:19

Ọnị vaa mẹ̀ ụkọrọ ohyozirenu ini eguhi ẹbẹẹba, dị ọnị rẹ sị apọtẹrẹwa zụ̀ ini eteesu: A vaa nyị anya ọnịrị ịra beri areyi ọbanyị.

Anihiburu 12:27

Ịjị ọ kà a ka, “re venee”, ọ́ọ sị zụ̀ ka e vee henyi ịsa ana a mẹ, dị a kụ́ wa kwooze. Dị a hị́ ka ịsa ọnị ọza ò yi zụ henyi, ọ kụkụ yà ịzọọ nị.

Ẹtore 6:12

Di mi re re, ọ mẹ̀ hụ̀ ịsa ọhụhịnọnyị ana a sị vá iwe ọnọọ nị. Dị ẹtẹ henyi jigi-jigi, dị ọyị kuku ee mine anka ịta ojooji avọọ nị. Dị ụhwẹ ọnị ee ví pooo anka anya avọọ nị.

Ẹtore 6:5

Ịjị Ozi Atẹmẹ rẹ hụ̀ ịsa ọhụta ana a sị vá iwe ọnọọ, dị mị rẹ wụ ọhụta ịsa ẹẹna ẹnẹẹ ana nyị ụhwẹ avọọ, dị ọ ka: vẹ. Dị mị kana eyi, di mi re umaata ojooji ọnya nị. Ọza ana rẹ tụra ọnọọ, ộ nyị ịngọ onyeyẹva rị ụvọ.

Ẹtore 6:6

Dị mị wụ́ ịrẹyị ẹnyị aanị anka ọngwẹ avọọ ịnị akakana ịsa ẹẹna ẹnẹẹ ana nyị ụhwẹ nị. Dị ọ ka: Akụ ẹnya ọnya vị Ịnayịra ẹẹva, apaapa ẹnya ẹẹta rẹ vị Ịnayịra ẹẹva. Asị ụ zẹẹ ka angwẹ ọnịrị eche ẹ̀ zwọ!

Ẹtore 6:8

Dị mị kana eyi, di mi re umaata ọnya ana achẹrẹ anị sị mẹẹ anka areyi avọọ nị. Ịrẹha ọza ana tụra a ọ rị Iswọọza nị. Di ẹkụra aa dụ ọ ịrẹma nị. Â sị ọda yị wa tụ́ ịrẹsụ achena anẹhẹ ka ẹ̀ sị ịrẹkụ ọnịrị ụngwẹ beri ụkụ ọnịrị uye edivi ene hi ẹhẹ, dị ẹ̀ sị wụ̀ wa nị.