Imatiwu 24:48 - IWE ỌNỊNỊ

⁴⁸ Ama àa vị ozi ahụ odivi ọnọọ kà a ka: ‘Ọga amị ee kù ọyịvẹ’,

Imatiwu 24:48 ပူးပေါင်းရင်းမြစ်များ

2 Ohinọyị 5:26

Ama Erisa ộ kà a yọ ka, ụhwẹ anị ộ saasa a na ngụ ịzọọ ịjị ọnọrụ ọnọọ chí hụụ ịnị ịkẹkẹ ịrẹkụ anị ve tu ọ. Ụmẹ ọnọnị áa vọrọ ka à sị dọ ọza ẹkẹhị nị? Ụmẹ aanị áa vọrọ ka a sị dọ ịta nị? Ụmẹ aanị áa vọrọ ka à sị dọ aarẹ ana a kụ́ orivi ọnịrị ịvayịnị tụ nị? Ụmẹ aanị áa vọrọ ka à sị dọ ọkọnị atẹmẹ ọnịrị ọkọnị imaaru beri ezida ọnọrụ ọnịrị anẹẹ nị?

Ịrẹyị Ọzwọzịsa 8:11

Dị ọnị ka agụvị ka aza anaa mẹ̀ ịsa odivi ẹ ma hụra rị ụya anị ọ mẹ ka aza ẹẹ mẹ̀ ẹ hu avọ nị.

Ayịsaya 32:6

Ọnụra vi ana aā kà ebira ụra, di ee ro ebira odivi ọnị ọ vaa mẹ. Ebira ẹnị Ẹnẹyịmavara ò yi sì ọọ̄ mẹ nị, dị aa tụ́ aza ịrẹyị ka asị ẹ kụkụ sị ayị yị ẹnẹ ẹ̀ yị mā vara. Aza ọnị ụngwẹ àaa kụ̀, ẹ mā dà ịsa yọ, ẹ ma rẹ ká enyi yi aza oni onyi aa kụ̀.

Ezikẹẹrị 12:22

Ozi-ọza, sị ẹ vẹ dị Anisirẹrị nịnị maanị aa vàa tụra ụhịrẹyị ọnọnị kẹ? Ẹnịnị ka, ụmẹ aa nịị na, ama avaba ịsị a ka ọ vaa mẹ ẹ́ẹ yị va mẹ.

Ezikẹẹrị 12:27

Ozi-ọza vị́ Ansirẹrị nịnị ee rò o ka ịrẹyị ụmẹ anaa vẹ u re ẹtẹ anị nị, ọnịrị ka vị ịsị ụ ka ọ vaa mẹ̀ aanị vee ku di e mẹ nị.

Imatiwu 18:32

Ịjọnọọ dị ọga anị va hị́ ọọ, dị ọ kà a yọ ka: ‘Ẹwụ ozi ahụ odivi ọnọnị, mâ vagu wu ịnị avaba ụta awụ ọnị ụ rị mị agụvị ka wâ dá ịpẹ mị.

Imatiwu 24:47

Ịzẹyịza m maa kà a wụ nịnị nị, ozi ahụ ọnọọ ọ́ga anị vaa kụ́ avaba ogu anịị chire ụvọ nị.

Imatiwu 24:49

di o nyima di ee tụ́ ezi ahụ ana vọ, dị aa rị dị ọnịrị ohweche nịnị ee hú eche nị,

Imatiwu 25:26

Dị ọga anị ka: ‘Ẹwụ ozi ahụ odivi ana vị onuworo aanị!’ Wâ yẹ ka ịzị mè yi chire ịsa tụ́, mịị̄ há ịsaa hụrẹ nị; dị mị rẹẹ̄ kụ́ ịsa ọnị mẹ̀ yị gara tịtẹ nị.

Ịmaakị 7:21

agụvị ka ịnị ayị aza áriro odiviī hụrẹẹ vẹ nị, anaā mẹ ka ẹ̀ẹ sẹ̀ ịrẹka, di èe yi oyi, dị ẹ̀ẹ rẹẹ wụ̀ ọza,

Iruuku 12:45

Ama àa vị ozi ahụ ọnọọ kà a ịnị ayị anị ka: ‘Ọga amị ee kù ọyịvẹ’, di o nyima di ee tụ́ ozi ahụ anọrụ ẹnịrị anẹẹ ana vọ, dị aa rị, di ee hú, dị aa mẹrị eche nị,

Iruuku 19:22

Dị ọga anị kà a yọ ka: ‘Ẹwụ ozi ahụ odivi ọnọnị! Ịrẹyị irenu awụ m maa sịị mẹ̀ ọkarẹyị awụ nị. Wâ yẹ ka ọza ọkatẹngụ mị vị nị; dị maa sị ịsa ọnị mẹ̀ yị sị tịtẹ, dị mị raa há ịsa oni mè yi chire nị.

Ịjọọnụ 13:2

Ijeesu ọnịrị ezirẹma anị vị ana aa rị ịsa oruva. Echu ọ raà sị tụ́ ịnị ayị Ijudasi Isikarịyọtị ozi Ịsayịmọnị ka ọ̀ sị Ijeesu chire ọnịvị anị ụvọ.

Odeyi 5:3

Dị Ipita ka, “Ananịya! Sị ẹ vẹ dị ụ zẹẹ ka Echu ọ̀ dọ ayị awụ, dị ọ mẹ ka we cheeche yị Ụhwẹ Ọnịnị, dị ụ dà tẹ ịnị ẹkẹhị ọnị ụ dọ, ụ mẹ̀ ná ẹtẹ awụ?

Odeyi 8:22

Ro ịnẹ varẹma hụụnị ariro odivi awụ ọnọnị, dụ wa mẹ̀ aduwa hi Ohomorihi ka ọ̀ọ zụ vagu wu ịnị ịrẹyị oni u ro aanị!

Iwe Ọhụhị Imosiisi ana aa hị́ Ọyịvatụrọda 15:9

Asị e rò ka ịrayị ịhịmba anaā sịị sị eyi hụụnị ụta yị ọza ọ sị gụrị ẹtẹ, agụvị avọọ wẹ yị sị. Onosiye ọnọọ òo na owu hị́ Ẹnẹyịmavara, ọza ọnọọ aa mẹ̀ ịvị.

Iwe Ọhụhị Imosiisi ana aa hị́ Ọyịvatụrọda 9:4

Ịjị Ẹnẹyịmavara ọ vavọọ ra dụ wa jịnẹ hụụnị ẹtẹ ọnọọ, asị ọza ọnyọọnyị rò o ka ọnị ọ vavọọ ya nị, Ẹnẹyịmavara vị ana dụ wa jịnẹ kwooze yị wụ nịnị agụvị ebira odivi ẹnịnị.