Imatiwu 24:45 - IWE ỌNỊNỊ

⁴⁵ Ẹnẹ vị ozi ahụ ọnịrẹyịzẹyịza ana yẹ ịrẹyị, ọnị ọga anị vaa sị ezi ahụ ana vọ chire ụvọ ka ọ̀ọ sị ịsọyịrịị yị wa ịnị ụmẹ ana vọrọ?

Imatiwu 24:45 ပူးပေါင်းရင်းမြစ်များ

Ọyịkụra 36:4

Dị avaba anụkọrọ ụvọ ẹnẹẹ ana aā mẹ̀ ụkọrọ ajẹngụ ẹnẹẹ hụrẹ ụvọ hụụnị ụkọrọ

Ụhịrẹyị 14:35

Ayị ohinọyị vị ene hine tu ọza anaa mẹ ẹtẹẹrẹ, ama vị ọọ sị ụya rị ọza anaa mẹ̀ẹ ụhị nyị ọ nị.

Ụhịrẹyị 28:20

Ọnịzẹyịza vị ọnị óo zee yị, ama ọza anaā dụ ẹkẹhị ịjịjọọ vị ana vaa rị ụya anị.

Ezikẹẹrị 34:2

Ozi-ọza, ọnị ọ̀ và eyi ịrazị ka ẹnị ọdọvịdị Anisirẹrị nịnị, dị ọnị ò tụ́ wa ohuvọ. Ọ kà ọnị ọ̀ kà a yị wa ka, ọnị Ẹnẹyịmavara Ochẹtẹẹngụ ka, ẹwụ nịnị oseratẹmẹ Anisirẹrị ẹ́ sị da. Ịrayị ẹngụ awụ nịnị kẹnẹ ọ jị wụ nịnị areyi nị, ama wẹ́ yị tẹsị atẹmẹ anị nịnị.

Ezikẹẹrị 46:24

Ezikẹẹrị ka ọza ọnọnị ộ kà a yị ọnị ka, ẹsẹnị ẹ vị ịzị aza anaa mẹ̀ ụkọrọ ịnị irehi Ohomorihi vaa yaa chịnẹ uye ana aza sị va mẹ̀ ịsọvọ nị o.

Imatiwu 10:16

“Re, mị tụ́ wụ nịnị aa na anka atẹmẹ ana aa nọ ịnị akakana akatapooro nịnị avọọ nị. Agụvị avọọ â nyị ka wa tangwa yẹẹrẹ nịnị anka ẹwụ avọọ, ama dụ wa yà anka arivadi nịnị ẹnẹ ẹ̀ yị mā mẹ ọza ịrẹyị odivi avọọ.

Imatiwu 13:52

Dị Ijeesu rẹ kà a yị wa ka, “Avaba ọzwọzọda ana àa raà sị ịrẹyị ịjọva Ada ayị ẹbẹẹba zụ̀, vị ana sị mẹẹ anka adarehi ana nyẹngụ kụ́ ịsa ọwọọwa ọnịrị ọkụkụ hụụnị ụhwọ anị vẹ.”

Imatiwu 24:46

Ọga anị ọ̀ọ vẹ di o ve tù ka ọ vavọọ aa mẹ nị, ozi ahụ ọnọọ vaa daa jẹ.

Imatiwu 25:2

Ẹẹhị ịnị ẹnịnị ệ yẹ ịrẹyị; ẹnị ẹẹhị ana vọ vị ọnụra.

Imatiwu 25:21

Dị ọga anị ka: ‘Akọrọ! Ozi ahụ obooro ana nyị ịzẹyịza ụ vị nị. Agụvị ka wâ nyị ịzẹyịza tụ́ ịnị ịsa oweyi, mị vaa sị wụụ mẹ ọga ịsa ọrụrụ-ọrụrụ. Wa vẹ, ẹwụrị ọga awụ ò duduu jẹ!’

Imatiwu 25:23

Dị ọga anị ka: ‘Akọrọ! Ozi ahụ obooro ana nyị ịzẹyịza ụ vị nị. Agụvị ka wâ nyị ịzẹyịza tụ́ ịnị ịsa oweyi, mị rẹ vaa sị wụụ mẹ ọga ịsa ọrụrụ-ọrụrụ. Wa vẹ, ẹwụrị ọga awụ ò duduu jẹ!’

Imatiwu 7:24

“Agụvị avọọ ọza tụra ọza ana àa wụ́ ịrẹyị amị ẹnẹnị, dị ọ rẹ mẹ̀ ịsa ọnị mị kà nị, vị ana vaa sị mẹẹ anka ọyẹrẹyị ọnya aanị ana dà irehi anị tụ́ ịrẹsụ ịda.

Iruuku 19:17

Dị ọga anị kà a yọ ka: ‘Akọrọ, ozi ahụ obooro! Agụvị ka wâ nyị ịzẹyịza tụ́ ịnị ịsa oweyi, mị vaa sị wụụ mẹ ohinọyị tụ́ ịrẹsụ ẹkụra ẹẹwụ.’

Odeyi 20:28

Sị eyi pe ẹngụ awụ nịnị! Du we re sị eyi pe avaba aza Ohomorihi ọnị Ụhwẹ Ọnịnị si chire wu nịnị ụvọ! Waa tẹsị anịragụ Ohomorihi nịnị! Wâ yẹ nịnị ka anya ẹngụ anị ọ sị mẹ ka ẹ̀ vị áanị nị.

1 Itimoti 1:12

Máa kụ́ Ijeesu Ikirisiti Ananyị yị avọ, agụvị ka aa sị ụkataa mị. Ma rẹ kụ́ ọọ avọ, agụvị ka ộ za mị ịrịka ka máa nyị ịzẹyịza, dị ọ sị mị tụ́ ịnị ụkọrọ anị nị.

2 Itimoti 2:2

Wâ wụ́ ịrẹyị ọnị mị raà sị zụ̀ aza eyi aza ọrụrụ-ọrụrụ. Ẹ̀wà rẹ sị ịrẹyị ọnọọ, dị u we si chire aza ana á zụ sị ayị tụra ụvọ, dị ẹ́ rẹ yẹ, a mẹ̀ vọrọ ka ẹ̀ sịị zụ̀ aza ẹnẹsa.

Anihiburu 3:5

Imosiisi ộ nyị ịzẹyịza ịnị ụkọrọ ọnị ọ mẹ ịnị akakana avaba aza Ohomorihi. Ama ozi ahụ kẹnẹ ọ vị nị. Ộ sị zụ̀ ịsị Ohomorihi vaa kà ị́rẹma ụhwọọ.

Ẹtore 2:13

Ọnị ộ yẹ ịzị ụ ra nịnị, ịzọọ Échu sị aga ohinọyị anị yàatụ nị. Wâ nyị ịzẹyịza hi ọnị nịnị; wẹ yị kà ka wẹ yị kụkụ sị ayị tụra ọnị nịnị ịnị ụmẹ ana a daka sị wụ ọnọrụ ana aā hị́ Antipasi, ana a wụ agụvị ka ọ́ nyị ịzẹyịza hi ọnị. Ịzị Echu sị mẹ eehi anị ịdị awụ nịnị a yà wụ ọọ nị.

Iruutu 2:6

Dị ọ tụ ohi ka, “Ozi ọnẹẹ Animowabi ana saasa Inawomi hụrẹ ẹtẹ Imowabi vẹ yọ nị.