Imatiwu 24:36 - IWE ỌNỊNỊ

³⁶ “Ama ẹkụhị ọnọọ ọnịrị ụmẹ ọnọọ gẹdẹ-gẹdẹ ẹ yị nyị ọza ana yẹ. Anggẹẹrị nịnị ene hi ẹbẹẹba ẹ yị hyakụ yẹ, Ozi Ohomorihi ọnị ụvọta ọ yị hyakụ rẹ yẹ bẹẹ, ẹ̀ yị vị Ada amị ọnịnya kẹnẹ.

Imatiwu 24:36 ပူးပေါင်းရင်းမြစ်များ

Ịzakaraya 14:7

Ẹkụhị irenyi ọ vaa vị nị, ẹ yị nyị ọọdụ, nyị ịrahụ ẹtẹ vi ene ve hweyi pooro kẹnẹ, Ẹnẹyịmavara ọ yẹ ẹkụhị ọnọọ nị.

Imatiwu 24:42

Agụvị avọọ wee zí nịnị, agụvị ka wẹ yị yẹ ụmẹ ana Ananyị yị aa sịị vẹ.

Imatiwu 24:44

Agụvị avọọ ẹwụ nịnị ọ̀ rẹ vavọọ zị́, agụvị ka Ozi ọza onigirima vị ana vaa vẹ ịnị ụmẹ oni wè yi ro nịnị.

Imatiwu 25:13

Agụvị avọọ, wee zí nịnị, agụvị ka wẹ yị yẹ ụmẹ oni Ozi ọza onigirima vaa sị vẹ nịnị.”

Ịmaakị 13:32

“Ama ẹkụhị ọnọọ ọnịrị ụmẹ ọnọọ gẹdẹ-gẹdẹ, ẹ yị nyị ọza ana yẹ. Anggẹẹrị nịnị ene hi ẹbẹẹba ẹ yị hyakụ yẹ. Ozi Ohomorihi ọnị ụvọta ọ yị hyakụ rẹ yẹ bẹẹ, ẹ̀ yị vị Ada amị ọnịnya kẹnẹ.

Odeyi 1:7

Dị Ijeesu kà a yị wa ka, “Ada amị ọ nyị ụkata ẹkụhị ọnịrị ụmẹ nị, ẹ yị nyị áawụ nịnị rị ka wa yẹ ụmẹ ọnọọ nịnị.

1 Anịtẹsaronika 5:2

Ẹwụ ụvọta ọ́ọ yẹ ẹtẹẹtẹrẹ ka ẹkụhị ana Ananyị yị vaa sị vaa vẹ vị ana sị mẹẹ anka ẹkụhị oni oyi sịị nọ aha ịrahụ avọọ.

2Ipita 3:10

Ama Ananyị yị vaa vaa vẹ. Ịhị àaa vẹ, vị ọ vaa sị mẹẹ ẹkụhị oni oyi sịị nọ aha ịrahụ avọọ nị. Ịhị ọnọọ a vaa wụ̀ ẹtẹ ịrẹyị, dị ẹbẹẹba wú va ha. Dị avaba ịsa ene hí ẹbẹẹba rịra va ha saka-saka, dị ẹhẹ ọnọnị ọnịrị avaba ịsa ene hi ịnị anị ẹnị rẹ ta saka-saka.

Ẹtore 16:15

“Re! Mị vanaa vẹ anka oyi avọọ nị. Ọza eme èee zí di o tenyi ịta anị tịtẹ ka asị ọnị na yà ịnị ahwaahụ dị ụhị ọ̀ vaa nyị ọọ nị, vaa daa jẹ.”

Ẹtore 3:3

Tamayị ịsa ana a vịdị sị zụ̀ wụ nịnị, dị ụ rẹ dọ ọ. Sị ụvọ za a nịnị, di u we ro ịnẹ varẹma. Wè yi yee zí nịnị, mị vanaa vẹ kẹnẹ anka oyi avọọ nị, dị ụ wẹ yị yẹ ụmẹ ọnị mee sii vee tù wu nịnị nị.