Imatiwu 24:35 - IWE ỌNỊNỊ

³⁵ Ihinẹba ọnịrị ẹhẹ vaa ta, ama àa vị ịrẹyị amịị yọ, o yi vee vú.”

Imatiwu 24:35 ပူးပေါင်းရင်းမြစ်များ

Ahẹ Ụgama 102:26

Ẹhẹ ọnịrị ihinẹba vee bo anka awuru avọọ, dị ọ vara wa dị ẹ ta, ama ọnị Ohomorihi vị ana vaa yà ịzọọ pooro.

Ahẹ Ụgama 119:89

Ẹnẹyịmavara, ịrẹyị awụ vị ana jẹẹ pooro zịna-zịna. Vị ọ nyayịnẹ sị ahụ hi ẹtẹ ini ihinẹba nị.

Ahẹ Ụgama 19:7

Ọda Ẹnẹyịmavara ộ gụ ọ zụ sị ụkata ọza vị ọwọọwa Ọda Ẹnẹyịmavara ộ nị̄, ẹ yị nyị ireche ịnị anị.

Ahẹ Ụgama 89:34

Ụ ka ịrẹyị ọnị ụ ra kà tịtẹ ka ụ vaa mẹ vị ọnị ụ vaa mịị mẹ ka ịsa ọnị ụ raà sị irenu awụ kà, wẹ yị vàa hụụnị anị.

Ụhịrẹyị 30:5

Avaba ịrẹyị Ohomorihi vị ịzẹyịza. Ọnị ọọ̄ dọ aza ene zwe na rị ọ tụ anka ogonto avọọ nị.

Ayịsaya 34:4

Ọyị, ụhwẹ ọnịrị ụzọmị nịnị vaa sùu vaa hi ẹtẹ, dị a maanị kara ẹbẹẹba anka a mẹ̀ẹ kara ụvẹnẹ avọọ. Ụzọmị vi ana vaa sùu hi ẹtẹ anka avị ọchị ịvayịnị ọnịrị avị ọchị ihwigi ana kụ́ wụ avọọ.

Ayịsaya 40:8

Ịzẹyịza, avị ẹnẹ ẹ̀ yị mā jẹẹ dị è sú, di ododo anị wọ̀rọ̀ va ha. Ama àa vị ịrẹyị Ohomorihi ayịị ịzọọ pooro zịna-zịna.

Ayịsaya 51:6

Ẹnẹyịmavara kà ẹ kana eyi di e re ihinẹba ọnịrị ẹtẹ. Ihinẹba vaa ta anka areyi mẹẹ̄ ta hi ịnị ahị avọọ. Ẹtẹ ọnọnị vee bo anka ụsẹmụsẹ avọọ. Aza ana ra ịrẹsụ ẹtẹ vị ene vee su va ha anka ịsị avọọ. Ama ụkata ọnị ọnị sị dọ azaa ha o yi mē bo. Ọnị vaa nyị ẹbẹẹba pooro zịna-zịna nị.

Ayịsaya 54:10

Ataba ẹbanyị ọnịrị ataba eweyi e zụ wú va hi ẹtẹ, ama ẹmị vee sì ịrẹyị awụ pooro. Oto oni mi wo ka ụ vaa nyị ẹngwọọrọ vaa jẹẹ pooro. Ẹnẹyịmavara ene sì ịrẹyị awụ ọ kà avọọ nị.

Ayịsaya 55:11

Avọọ gẹdẹ-gẹdẹ ịrẹyị ọnị mị kà mẹ yà nị. Ẹ yị vaa vàa ka mịị vẹ osusu, ama ọ vaa mẹ ịsị mị mẹ eto anị; ọ vaa mẹ avaba ịsị mị tụ́ ọ ka ọ̀ na mẹ.

Ịdanịyẹrị 4:28

Ịzẹyịza avaba ịrẹyị ẹnẹnị vana yị va mẹ tù ohinọyị Inebukadineza anka á mẹ̀ kà a.

Ịrịka 23:19

Ohomorihi ọ yị vị ọzarẹyịrẹsụ. O yi mē cheeche, a vị dị ọ vara ayị anị. Ịsị ọ ka ọọ̄ mẹ̀ nị.

Imatiwu 5:18

Ịzẹyịza, mị kà wụ nịnị nị, pooro dị ẹbẹẹba ọnịrị ẹhẹ ọ̀ ta, ẹ yị nyị ikonya ịnị ọda ana vaa jịị ha vụrụ-vụrụ. Avaba anị saka-saka ọ vaa sẹ nị.

Ịmaakị 13:31

Ihinẹba ọnịrị ẹhẹ vaa ta, ama àa vị ịrẹyị amịị yọ, o yi vee vú.”

Iruuku 21:33

Ihinẹba ọnịrị ẹhẹ vaa ta, ama àa vị ịrẹyị amịị yọ, o yi vee vú.”

Ịtayịtọsị 1:2

Mị vavọọ aa mẹ, agụvị ka máa nyị ọyịtureyi ka ị vaa yàra ịdị Ohomorihi pooro zịna-zịna. Ịsị Ohomorihi kà hụrị ụmọrụmọ dị a va yẹ ka aa mẹ ẹhẹ ọ vị ọnọọ nị. Yáa yẹ ka Ohomorihi o mē cheeche.

1Ipita 1:25

Ama ịrẹyị Ohomorihi Ananyị vị ana yịị yọ pooro zịna-zịna. Ịrẹyị ọnọnị ọ vị enube ọyịza ana aa kà a wụ nịnị nị.

Ẹtore 20:11

Mée re aga ohinọyị ọnya aanị. Ọ́ọ banyị ẹtẹẹtẹrẹ, dị ọ vị ọvwọọvụ nị. Dị ọza ịnya yaayịtẹ ịnị anị nị. Dị ẹtẹ ọnịrị ẹbẹẹba ee zwee hụrẹ ọvịdị anị, dị ọza ò yi kuku re wa nị.

Ẹtore 3:14

Ọza oni mi re rẹ ka: Chẹrẹ iwe tụ́ hi anggẹẹrị ana sị eyi pe ịragụ Ohomorihi ana yà Irayodesiya ka: Ọza ana rị Aamị, anaā kà ịzẹyịza, dị a zụ sị ayị tụraa, ọ tụ́ ụtụ ọnọnị nị; avaba ịsa oni Ohomorihi tụ́ vị ana rẹ hụụnị ụvọ anị vẹ:

Ẹtore 6:14

Dị ẹbẹẹba kara kwooze, anka èe rere kara iwe kwooze avọọ nị. Dị ataba nịnị ẹnịrị ẹtẹ ene enyi kara, hụrẹ aha ẹnịnị nị.