Imatiwu 24:31 - IWE ỌNỊNỊ

³¹ Dị ọpanyị ọbanyị ọnya sụ́ ịrẹyị, dị mị tụ́ anggẹẹrị amị nịnị ka ẹ̀ nọ avaba ẹhẹ, dị ẹ̀ na kụ́ avaba aza amị gụ hụrẹ avaba aha ịzị ẹhẹ ọnịrị ẹbẹẹba na ta hi.

Imatiwu 24:31 ပူးပေါင်းရင်းမြစ်များ

Ahẹ Ụgama 22:27

Avaba anẹhẹ vaa tamayị Ẹnẹyịmavara, dị ẹ và ka a vẹ Avaba anẹhẹ vaa vẹ dị ẹ va tana tụra ẹtẹ yị ọnị.

Ahẹ Ụgama 67:7

Mị ka Ohomorihi ọ raà mẹ ka ò zee yi. Â vọrọ ka avaba anẹhẹ saka-saka ẹ̀ sị ụbanyị yọ.

Ahẹ Ụgama 81:3

Sị ọpanyị ịdẹba di wee hú ọ nịnị ịnị eche ụhwẹ ọwọọwa ọnịrị ini eche ana aā rị ụhwẹ ọ̀ọ sị hụrẹ.

Ọyịkụra 19:16

Ịnị ẹnẹnẹ, uhurenyi ọnọọ mè si tù, dị apaana ihinẹba aa ha, dị ịnyanya aa rị nị. Di eguhi chire jijiji kú ataba ọnọọ, dị ọpanyị aa kà boro-boro nị. Dị avaba aza ene hi ịnị ajẹngụ aa dá ẹgahị nị.

Ayịsaya 11:12

Ananyị yị vaa tana uyi anịị tụ́ ẹba dị ọ̀ sị zụ̀ anẹkụra ana vọ ka ọnị aa kụ́ Anisirẹrị vaa vẹ eehi. Ọ vaa kụ́ avaba Anijuda hụrẹ ịzị èe che ne hi ẹhẹ, dị ọ kụ́ wa vẹ eehi.

Ayịsaya 13:5

Ezirẹkụ ẹnẹẹ vị ana hụrẹ avaba ẹhẹ vẹ. Ẹnẹyịmavara vaa kụ́ ịrẹkụụ vẹ dị ọ sị va wụ̀ avaba anẹkụra ẹnẹẹ.

Ayịsaya 27:13

Ịhị ọnọọ ọpanyị ọbanyị vaa sụ́ ịrẹyị, dị aza ana a kụ́ ne hi Asiriya ọnịrị Ijipiti aa vàa vẹ eehi. Ẹ̀ẹ vẹ, dị ẹ vẹ ịnị ataba ọnịnị ana yà Ijerusarẹmị dị ẹ vaa hẹkẹ Ẹnẹyịmavara ịzọọ.

Ayịsaya 42:10

Jị ahẹ ọwọọwa gono Ẹnẹyịmavara nịnị. Jị ahẹ gono o avaba ẹwụ nịnị anẹhẹ. Ẹwụ nịnị anaā zị ụsẹ ini òkū ee gono o. Avaba ịsa ene hi ini òkū ee gama a Dị aza ana ra hị́ aha ẹnẹẹnẹ eni e ree gono o.

Ayịsaya 43:6

Mị vaa kà a yị Aneyi ẹbẹẹba ka ‘Hụrẹ wa ụvọ’, dị mị kà a yị Aneyi ụvẹtẹ ka, ‘A sị ụ za wa jẹẹ.’ Kụ́ ezi ọnọrụ amị hụrẹ aha ẹnẹẹnẹ vẹ, dị ụ wa kụ́ ezi anẹẹ amị hụụ ịzị ẹhẹ na ta hi vẹ.

Ayịsaya 45:22

Avaba anẹhẹ nịnị ẹ va ka ọnị, dị ẹ zụ ha. Ọnị ọ vị Ohomorihi nị. Ẹ yị nyị ịsa ọsa.

Ayịsaya 49:18

Kụra eyi tụ ẹba, dị ụ we re aza awụ nịnị ana vẹ eehi. Ẹnẹyịmavara kà ọnị ọ̀ọ yara, ẹnịnị va sị aza ẹnịnị mẹ eyi anka ọnyẹnẹẹ ọwọọwa ana a kụ ọmọ hi ẹngụ avọọ.

Ayịsaya 60:4

Kana eyi kara ẹngụ di e re ịsị ana mẹ. Aza awụ aa kụ́ ẹngụ gụ ka ẹnị aa vẹ eehi. Ezi anị vaa hụrẹ aha ẹnẹẹnẹ vẹ; Ezi anẹẹ anị vị ana a vaa kụ́ nọ ẹkụra ọsa anka ezinụvọ avọọ.

Ịdanịyẹrị 7:2

Ịdanịyẹrị ka, ọnị maa rá ụra ịrahụ, ọnị ô re ka ahị aa tụ́ kukuku hụrị eyi ụvọnị-ụvọnị ẹbẹẹba. Dị ọ mẹ ka enyi ịnị oku ộ dà vụụvụ nị.

Ịzakaraya 14:5

Anijerusarẹmị nịnị vee zwe zị oze ịnị upoporo ataba ẹyịva ẹnẹẹ. Upoporo anị ộ gọdọ na ngụ Azeeri. Ẹnịnị vee zwe anka ụmẹ ọnị ẹtẹ sị ziizi ịnị ụmẹ Uziya ohinọyị Ijuda. Ẹnẹyịmavara vaa vẹ, dị avaba anggẹẹrị ọnịnị saasa a vẹ.

Ịzakaraya 2:6

Ẹnẹyịmavara kà a ẹnịnị e juntu-juntu zwe hụụnị ẹtẹ eyi ẹbẹẹba agụvị ka ọnị ọ raa gara wa tụ́ oze ahị ẹbẹẹba ẹẹna.

Ịzakaraya 6:5

Dị anggẹẹrị tụ́ ohi, dị ọ ka, Ẹnị ẹyịna vị ụhwẹ ana hụrị ẹbẹẹba chi vẹ. Ẹnịnị vị ana aa jịnẹ tụ́ ẹhẹ ịrẹma ọnị ẹ raà jẹẹ ọvịdị Ẹnẹyịmavara ana nyị ẹhẹ ọnọnị.

Ịzakaraya 9:10

Ẹnẹyịmavara kà a ọnị vaa kụ́ ịkẹkẹ ịrẹkụ hụrẹ Ehwireemi, dị ọnị kụ́ umaata hụrẹ Ijerusarẹmị; Dị ọnị che ọkịta ana a sị kụ́ ịrẹkụ ha. Ohinọyị ẹnịnị vaa mẹ ẹngwọọrọ beri anẹkụra nịnị ana vọ. Ọ vaa mẹ ịjọva hụrẹ oku ẹnyị na ngụ ọsa, hụrẹ irehu ọnyị na ngụ ọsa.

Ịzakaraya 9:14

Ẹnẹyịmavara vaa sị ẹngụ zụ akẹbẹẹba aza anị, di ee ne ọpa ana zẹtẹ anka ịnyanya avọọ. Ẹnẹyịmavara Ananyịwa vee hu ịkakanchị, dị zị ụsẹ tụ ọvịdị ịnị opomi hụrị ẹyị ụvẹtẹ vẹ.

Imatiwu 13:41

Ẹmị Ozi ọza onigirima vaa tụ́ anggẹẹrị amị nịnị jịnẹ, dị ẹ tọ̀ọ́ avaba ịsa anaā mẹ ka ọza ọ̀ mẹ ịvịị ọnịrị avaba aza ana vọ anaā mẹ̀ ịsa edivi hụụnị aza oni Ohomorihi aa mẹ ịjọvaa tụra.

Imatiwu 24:22

Ẹ̀ yị vị Ohomorihi nyị hụụnị ẹkụhị ẹnẹẹ, ẹ yị hyakụ nyị ọza ikonya ana aa há. Ama agụvị aza oni Ohomorihi sị nyị, ộ nyị hụụnị ẹkụhị ẹnẹẹ.

Imatiwu 24:24

Agụvị ka onireche nịnị ana ka ẹnị vị ikirisiti, ọnịrị ọnịsẹ ireche nịnị vaa kwẹẹtẹ, dị ẹyaa mẹ̀ ụkọrọ ohyozirenu ẹbanyị-ẹbanyị, agụvị ẹ̀ nyẹngụ si vene aza oni Ohomorihi sị nyị, ẹ̀ẹ zụ mẹ̀ ẹ.

Imatiwu 24:32

“Agụvị avọọ, sị ọchị ezu zama ịrẹyị ọnọnị re nịnị: Ịjị àa há avọ, di ee nyị avị nị, wâ yẹ nịnị ka ị̀rẹ̀sụ̀ aa vẹ.

Imatiwu 25:31

“Ịhị Ozi ọza onigirima ọ̀ọ vẹ ini igirima anị beri avaba anggẹẹrị ọnịnị nịnị, ọ vaa yaayịtẹ ị́rẹsụ aga igirima anị.

Imatiwu 28:18

Dị Ijeesu ve tù wa, dị ọ kà a yị wa ka, “A raà sị avaba ụkata ịnị ẹhẹ ọnịrị ẹbẹẹba yị mị.

Ịmaakị 13:27

Dị mị tụ́ anggẹẹrị nịnị ka ẹ̀ nọ avaba ẹhẹ, dị ẹ̀ na kụ́ avaba aza amị ọnị mị nyị gụ hụrẹ avaba aha ịzị ẹhẹ ọnịrị ẹbẹẹba na ta hi.

Iruuku 24:47

Ịnị ịrẹha anị a vaa yàa kà enube ọyịzaa yị aza ka è ro ịnẹ varẹma hụụnị ebira odivi ẹnịnị, dị Ohomorihi ọ̀ vagu wa ịnị ịvị ẹnịnị nị. E vee nyimaa hụrẹ Ijerusarẹmị, dị ẹ vavọọ kà a pooro na ngụ avaba ẹhẹ.

Ịjọọnụ 11:52

Ẹ yị rẹ vị ịrẹyị ẹnịnya kẹnẹ, ama ka ọ rẹ vaa kụ́ avaba aza Ohomorihi ana gara hi avaba aha gụ tụ́ aha ọnya.

Aniroomi 10:18

Ama me ve họ̀ use ka aanị ka Aniju nịnị è yị wụ́ enube ọyịza da? Ẹnịnị ệ wụ́ ẹtẹẹtẹrẹ. Avaba anẹhẹ ẹ sị wụ́, a màa kà ịrẹyị ọnọọ. Ịrẹyị ẹnịnị ọ na sị ngụ avaba ẹhẹ.

1 Anịkọrịntị 15:52

ịnị ụmẹ keere aanị, dị ọza ọ̀ naa jị eyi. Ịhị ọpanyị ọdịrẹma ọ̀ọ sụ́, ọ vavọọ vaa yà nị. Ọpanyị ọ̀ọ vavọọ sụ́ kẹnẹ, dị a ha avaba oku nịnị hụụnị isu, dị ẹ nyị ọchẹngụ ene è yi kuku zụ du pooro zịna-zịna. Avọọ Óhomorihi mẹ vaa vara avaba ayị ẹngụ nị.

Anẹhwẹsọsị 1:10

Ịsa oni Ohomorihi mẹ eto anị ka ọnị vaa mẹ ịjị ụmẹ òo si tù ọ vị ka, ọnị vaa kụ́ avaba ịsa ene hi ẹbẹẹba ọnịrị ẹhẹẹ gụ tụ́ ịdị Ikirisiti nị. Dị ahịka Ikirisiti ọ vị ka Ikirisiti ọ vị ohirẹsụ avaba ẹnịnị nị.

Iwe Ọhụhị Imosiisi ana aa hị́ Ọyịvatụrọda 30:4

Ẹnịnị ẹ daka ne hi ẹtaha ẹhẹ, Ẹnẹyịmavara Ohomorihi ẹnịnị vaa kụ́ wa gụ, dị ọ kụ́ wa varẹma vavẹ eehi.

Iwe Ọhụhị Imosiisi ana aa hị́ Ọyịvatụrọda 4:32

Ọ kà e họ̀ use ịsa ana mẹ̀ ịyẹẹyẹ, dị a va yẹ ka â ma wa, e họ̀ use nee tu ụmẹ ọnị Ohomorihi sị tụ́ ọza vẹ ẹhẹ. Ẹ sị avaba ẹhẹ họ̀ use ka áá nyị ịsa ọbanyị ana vịdị maanị mẹ da? Áá nyị ọza ana vịdị wụ̀ ẹngụ ịrẹyị ọnọnị da?

1 Anịtẹsaronika 4:16

Ananyị yị vaa mẹ̀ ọda, dị ohirẹsụ anggẹẹrị nịnị nowu, dị ọpanyị Ohomorihi rẹ sụ́ ịrẹyị, dị Ananyị yị ọnị ụvọta chí hụrẹ ẹbẹẹba aa vẹ. Aza ana sị ayị tụra Ijeesu dị e ve sú, ẹ vịdị vaa haa hụụnị isu nị.

2 Anịtẹsaronika 2:1

Ẹwụ nịnị ẹyịnyara amị, ini oze ka Ijeesu Ikirisiti Ananyị yị vaa vaa vẹ ọnịrị ụmẹ ọnị ọ vaa sị kụ́ yị nee pe ẹngụ anị, aarịhịnị

Anihiburu 12:19

Ọpanyị raa sụ́, di a rẹ nyị ọngwẹ ana aa kà ịrẹyị nị. Aza ẹnẹẹ mẹ̀ wụ́ ọngwẹ ọnọọ, ệ da ịpẹ ẹtẹẹtẹrẹ ka asị ọ kụkụ kà ịrẹyị yị ẹnị.

Ẹtore 1:20

Ụzọmị ịhịmba ẹnẹẹ oni u re ịnị ụvọrị amị ọnịrị ịzị aā sị ozotupaa tụ́ ịhịmba ana a sị igooru mẹ avọọ, ịsị ẹ jẹẹ yị ana ahịka ọza ọyị yẹ, yị: Ụzọmị ịhịmba ẹnẹẹ ệ jẹẹ yị anggẹẹrị ịhịmba ana sị eyi pe ịragụ Ohomorihi ịhịmba ẹnẹẹ. Ịzị aā sị ozotupaa tụ́ ịhịmba ẹnẹẹ vị ana rẹ jẹẹ yị ịragụ Ohomorihi ịhịmba ẹnẹẹ.”

Ẹtore 11:15

Anggẹẹrị ọhụhịmba ô hú ọpanyị anị. Dị ọngwẹ ẹbanyị-ẹbanyị aa kà ịrẹyị ẹ́bẹẹba nị, dị ẹ ka, “Ịjọva ẹhẹ ọnọnị, ọ sị vara ịjọva Ohomorihi ọnịrị Óohinọyị anị ọnị ọ nyị ka ọ̀ dọ ọza há. Ọnị ọ vaa vị ohinọyị pooro zịna-zịna nị!”

Ẹtore 7:1

Ịjị ịsa ẹnẹẹ sị mẹ kwooze, di mi re anggẹẹrị ẹẹna, ẹ mẹ̀ jẹẹ eyi ẹẹna ẹnẹ ẹhẹ kụ́ ịrẹsụ gẹ nị. Dị ẹ za ahị eyi ẹẹna ẹhẹ ka asị ẹ tụ́ ku ẹhẹ, àa vị oku, àa daka vị ọchị ọnyọọnyị.

Ẹtore 8:2

Di mi re anggẹẹrị ịhịmba ana jẹẹ ọvịdị Ohomorihi, dị a sị ọpanyị ịhịmba yị wa nị.