Imatiwu 24:29 - IWE ỌNỊNỊ

²⁹ “Ịjị ụmẹ ụyọrị ẹnẹnị ọ̀ọ ta kẹnẹ, ọyị vee hozi, ụhwẹ ọ yị kụkụ vaa vwẹtẹ, dị ụzọmị nịnị jị hụụnị ihinẹba, dị ụkata ẹbẹẹba re henyi.

Imatiwu 24:29 ပူးပေါင်းရင်းမြစ်များ

Ịrẹyị Ọzwọzịsa 12:2

Ịjị wee si bo ọnị we yị kuku ve zuu re ọyị anaa ha ọnịrị ụhwẹ beri ụzọmị ana aa za ẹtẹ. Ịjọnọọ wa sị eyi guu.

Ayịsaya 13:10

Avaba ụzọmị ene hi ẹbẹẹba ẹ yị kụkụ vaa zẹtẹ. Ọ yị ana hụrẹ vi ene vee hozi, dị ụhwẹ ọ yị zẹtẹ.

Ayịsaya 24:23

Ụhwẹ ọ yị kụkụ vaa zẹtẹ ịnị ụmẹ ọnọọ. Ọyị ọnị ọ yị rẹ kụkụ vaa ha. Ẹnẹyịmavara Ochẹtẹẹngụ ọ vaa vị ohinọyị nị. Ọ vaa yà ịnị ataba ini Ijerusarẹmị dị aa mẹ ịjọva. Ọdọvịdị aza nịnị vee re ụbanyị anị.

Ayịsaya 34:4

Ọyị, ụhwẹ ọnịrị ụzọmị nịnị vaa sùu vaa hi ẹtẹ, dị a maanị kara ẹbẹẹba anka a mẹ̀ẹ kara ụvẹnẹ avọọ. Ụzọmị vi ana vaa sùu hi ẹtẹ anka avị ọchị ịvayịnị ọnịrị avị ọchị ihwigi ana kụ́ wụ avọọ.

Ijowẹrị 2:10

Dị ẹtẹ ọnịrị ẹbẹẹba ee ziizi; dị ọyị ọnịrị ụhwẹ ẹ yị re oze sị ẹtẹ hweyi, dị ụzọmị nịnị ẹ yị kụkụ zẹtẹ nị.

Ijowẹrị 3:15

Ọyị ọnịrị ụhwẹ vee hozi, dị ụzọmị nịnị ẹ yị kụkụ za ẹtẹ.

Emọsị 5:20

Ịzẹyịza, ẹkụhị Ẹnẹyịmavara ọnọọ vaa nyị ẹngụ anị. A yi nyị ọza ana vaa ha ịnị ẹnịnị.

Emọsị 8:9

Ịnị ụmẹ ọnọọ, dị Ẹnẹyịmavara Ohomorihi mẹ ka ọyị ọ ngụ ẹtẹ, dị ẹtẹ hozi ịnị ọọdụ ọnọọ.

Imatiwu 24:21

Agụvị ka ịhị ọnọọ ụya ene vee chí hi ẹtẹ, ẹ̀ yị vịdị vavọọ nyị ụya da, Óhomorihi mẹ̀ hụrẹ mẹ ẹhẹ pooro ve tù ọyaanị. A mā rẹ vana vavọọ nyị ị́rẹma anị.

Imatiwu 24:8

Avaba ẹsẹnị aa sịị zụ̀ ka vị ụyọrị sẹsẹ nyima avọọ nị.

2Ipita 3:10

Ama Ananyị yị vaa vaa vẹ. Ịhị àaa vẹ, vị ọ vaa sị mẹẹ ẹkụhị oni oyi sịị nọ aha ịrahụ avọọ nị. Ịhị ọnọọ a vaa wụ̀ ẹtẹ ịrẹyị, dị ẹbẹẹba wú va ha. Dị avaba ịsa ene hí ẹbẹẹba rịra va ha saka-saka, dị ẹhẹ ọnọnị ọnịrị avaba ịsa ene hi ịnị anị ẹnị rẹ ta saka-saka.

Ẹtore 8:12

Dị anggẹẹrị ọhụna oni re hú ọpanyị anị nị, dị a sị ịsa nya achẹta ọyị ọnịrị achẹta ụhwẹ ne beri achẹta ụzọmị nịnị, dị achẹta ẹtohweyi ẹnịnị sị hozi nị. Achẹta ụmẹ ọọdụ ọnịrị achẹta ịrahụ ẹnị ẹ yị rẹ kụkụ nyị ẹtohweyi.