Imatiwu 24:28 - IWE ỌNỊNỊ

²⁸ Agụvị ka ịzị oku ọ̀ọ yà, ịzọọ ụ́ba nịnịị̄ kụ́ụ gụ nị.”

Imatiwu 24:28 ပူးပေါင်းရင်းမြစ်များ

Ijeremaya 16:16

Ẹnẹyịmavara kà, ọnị aa tụ́ ụ hị́ ozube ivovo ọrụrụ-ọrụrụ vẹ dị ẹ̀ vaa zá aza ẹnẹnị. Dị ọnị rẹ tụ́ hị́ ozube nịnị ka ẹ̀ ve si wa ịnị avaba ataba ọnịrị ịnị ụtẹha ịrẹta, dị ẹẹ za wa vaka ẹtẹ.

Ezikẹẹrị 39:17

Ezikẹẹrị ka, Ẹnẹyịmavara Ananyị yị ộ kà a yị ọnị ka, Ozi-ọza, ọnị ọ̀ hị́ avaba inomi ọnịrị uye ịnị avị nịnị gụ, hụrị avaba aha. Ọnị ọ̀ kà a ka ẹnịnị ẹ̀ va rị ịsa ịsọvọ ọnị ọnị ee tenyii tịtẹẹ yị wa. Ịsọyịrị vị ana vaa gụ kẹnẹ ịrẹsụ ataba Isirẹrị nịnị, ịzị ẹ́ vaa rị uye, di eyee hi.

Ihabaku 1:8

Umaata ịrẹkụ ẹnịnị ẹ rẹ hụụnị ẹzụ, dị ọkụrẹkụ ana tụra wa nyẹngụrẹyị hụụnị ẹzụ ene zi ube ịrahụ. Ẹnịnị vị anaa hụrẹ aha ẹnẹẹnẹ vee pe ọnịvị ẹnịnị kụ́ ịrẹkụ. Ẹ rẹ anka ọkasịmẹ ọnị ụngwẹ aa kụ̀ ana vẹ ẹtẹ vee che ịsa avọọ nị.

Iruuku 17:37

Dị ezirẹma anị kà a yọ ka, “Ịzọọ vị, Ananyị yị?” Dị Ijeesu kà a yị wa ka: “Ịzị oku ọ̀ọ yà, ịzọọ ụ́ba nịnịị̄ hi nị.”

Iwe Ọhụhị Imosiisi ana aa hị́ Ọyịvatụrọda 28:49

Ẹnẹyịmavara vaa hị́ anẹkụra ọnya hụrẹ aha ẹnẹẹnẹ vẹ, dị ẹ va eyirazị kà wụ nịnị. Anẹkụra ọnị wẹ̀ yị wụ ẹkụra ẹnịnị ẹ vị nị. Ẹ vaa ngụ wụ nịnị chire anka ọkasịmẹ mee che uye obonobono avọọ.