Imatiwu 24:15 - IWE ỌNỊNỊ

¹⁵ Agụvị avọọ, u vee re ‘Ịsa Odivi aha ọnịnị ịzị ẹ yị vọrọ’ ọnị Ịdanịyẹrị ọnịsẹ kà ịrẹyị anị. (Ọza ana àa kà iwe ọnọnị, ò re ka ọnị ộ yẹ ịrẹyị ọnọnị!)

Imatiwu 24:15 ပူးပေါင်းရင်းမြစ်များ

Ijeremaya 44:29

Ẹnẹyịmavara kà ọnị vaa sị zụ̀ wụ nịnị ka ọnị vaa sị ụyaa rị wụ nịnị ịzị ẹnị; ọnịrị ka, ọnị mẹ kà a ka ọnị vee vu wu nịnị ẹtẹ avọọ, avọọ ọ́ mẹ vaa vị ịzẹyịza nị.

Ezikẹẹrị 40:4

Ọza ọnọnị ộ kà a yị ọnị ka, ọnị ozi-ọza ò sị eyi pe ẹtẹ o. Ọnị ọ̀ sị ụtọ pe ẹtẹ ẹtẹẹtẹrẹ, dị ọnị ò jị eyi ngụ avaba ịsị ọnị ọnị ọọ sị zụ ọnị; agụvị ka ịsị a hụvị anị sị ọnị vẹ ịzẹnị ọ vị ọnọọ nị. Ọ kà avaba ịsị ọnị oo re, ọnị ọ̀ kà a yị Anisirẹrị nịnị.

Ịdanịyẹrị 1:6

 nyị ezi Anịjuda ẹnyị aanị ịnị ẹnịnị ana aā hị́ Ịdanịyẹrị, Ịhananịya, Imisẹrị ọnịrị Azariya.

Ịdanịyẹrị 11:31

Isoja anị ẹnyị vaa na ngụ irehi Ohomorihi anka vị ẹ̀ yị vị irehi Ohomorihi ọ vị̀ nị. Ẹ vaa mẹ ka asị a kụkụ mẹ̀ ịsọvọ eyinị-eyinị hi Ohomorihi, dị ẹ sị ịsa eenyisi na jẹẹ ịzọọ.

Ịdanịyẹrị 12:11

Ọ kà hụrị ụmẹ ana sị za ịsọvọ eyinị-eyinị ọ yị mẹ hi Ohomorihi jẹẹ ọnịrị ụmẹ ana sị sị ịsị eenyisi na jẹẹ ịnị irehi Ohomorihi vaa gụ ẹkụhị akahị tụra ịrẹka tụra ẹnarẹẹwụ (1,290). Ịsị eenyisi ọnọnị vaa vị ayodu yị aza, dị ọ mẹ ka à sị a kụkụ nyị aza ịnị irehi Ohomorihi.

Ịdanịyẹrị 9:23

Ộ ka Igebirẹẹrị ộ kà a yị ọnị ka, ọnị mẹ nyima aa mẹ̀ aduwa kẹnẹ Ohomorihi tụ ọnị ohi nị. Ọnị ộ vẹ ọ̀ọ yị va kà a yị ọnị, agụvị ka Ohomorihi o sị ịrẹyị anị ẹtẹẹtẹrẹ, agụvị avọọ ọnị ọ sị ụtọ pe ẹtẹ dị ọnị ọ mẹ ẹhahi ẹtẹ ọnị ọnị re aanị yị ọnị.

Ịdanịyẹrị 9:25

Ộ ka agụvị avọọ ọnị ọ yẹ́ ọsọnị ọ vaa mẹ ịrayị ẹtarẹwụ oze ịhịmba hụrị ụmẹ ọnị Ohomorihi sị mẹ ọda ka ene tenyi Ijerusarẹmị dà aanị pooro ne tu ka ọdọvịdị ọnị Ohomorihi nyị ọ vẹ. A vaa sị ịrayị ẹbẹẹta tụra ẹẹva oze ịhịmba tenyi Ijerusarẹmị dà. Dị aa tu oze hi ọ, dị a rẹ jị ọvọ kara a. Ama aza Ohomorihi vaa rị ụya o.

Ịdanịyẹrị 9:27

Ọdọvịdị ọnọọ ọnịrị aza ọrụrụ-ọrụrụ vaa dọ yị ẹngụ ẹtẹẹtẹrẹ dị ọ mẹ ịrayị ịhịmba. Ịnị akakana ịrayị ọnọnị dị ẹ yị kụkụ zẹ̀ẹ ka àa mẹ̀ ịsọvọ hi Ohomorihi. Ẹ yị rẹ vaa zẹ̀ẹ ka àa sị ẹyịza ve ịnị irehi Ohomorihi bẹ ẹ. Ọ vaa sị ịsa eenyisi na jẹ ẹ ịnị ohurohuro irehi Ohomorihi pooro na ngụ ịjị Ohomorihi o vu ọza ana sị ọ jẹ ịzọọ ẹtẹ anka ọ mẹ vịdị mẹ̀ẹ ọda e zi ọ.

Imatiwu 24:16

Ịjọnọọ aza ana aa yà Ijudiya, è zwe nọ ịrẹsụ ataba!

Ịmaakị 13:14

U vee re ‘Ịsa Odivi eneē chire ọza angwa’ (ọnị Ịdanịyẹrị ọnịsẹ kà ịrẹyị anị) ka ọ yà ịzị ẹ̀ yị vọrọ ka ọ̀ yà. (Ọza ana aa kà iwe ọnọnị, ò re ka ọnị ộ yẹ ịrẹyị ọnọnị!) Ịjọnọọ aza ana àa yà Ijudiya è zwe nọ ịrẹsụ ataba.

Iruuku 19:43

Ẹkụhị aa vẹ ọnị ọnịvị vaa kụ́ ezii pe ugene ana kara wụ, dị ẹ rẹ kara wụ okiri-okiri ka asị u re oze zị.

Iruuku 21:20

“Ịhị wèe re nịnị ka isoja tatarata ẹ sị kara Ijerusarẹmị okiri-okiri, yẹ nịnị ka vi ee vee vú ọọ ẹtẹ avọọ nị.

Ịjọọnụ 11:48

Yàa maanị yị na a vọ, vị avaba aza aa dọ ọ wụ́ nị. Dị Aniroomi nịnị vẹ, dị ẹ va chaka irehi Ohomorihi ayị, dị ẹ wụ̀ avaba ayị và ha.”

Odeyi 21:28

Di e nowu ka, “Ẹwụ nịnị Anisirẹrị, gụ yị ụvọ! Ọnọrụ ana aa ngụ ọọ zị yị, dị aa kà ịrẹyị odivi Anisirẹrị ọnịrị ọda Imosiisi beri irehi ọnịnị ọnọnịị yị avaba aza nị. Wee re, ọ mẹ̀ hyakụ kụ́ Anigiriki vẹ ịzẹnị ka è ve du irehi Ohomorihi ẹngụ!”

Odeyi 6:13

Dị ẹ hị́ onivenu ireche vẹ, ana kà a ka, “Ọnọrụ ọnọnị vị ana aa mẹ akanya ịrẹyị odivi ọyịkà a hi irehi Ohomorihi, dị ọ raa kà ịrẹyị odivii hi ọda oni Imosiisi mẹ nị.

Anihiburu 2:1

Agụvị avọọ a sị vọrọ ka ya nyayịnẹ sị ụvọ za ịrẹyị ọnị ị wụ́, agụvị asị i ne nyeeyi nị.

Ẹtore 1:3

Ọza ana àa kà iwe ọnọnị, vaa daa jẹ. Ọza ana àa rẹ wụ́ ịrẹyị ịsẹ ọnọnị, dị aa mẹ̀ ịsa ana a chẹrẹ tụ́ ini iwe ọnọnị nị, rẹ vaa daa jẹ. Ụmẹ ọnị ịsa ẹnẹnị vaa sị mẹ, ọ sị gụrị ẹtẹ.

Ẹtore 3:22

Ọza ana àa nyị ụtọ, ọ̀ sị ụtọ pe ịrẹyị ọnị Ụhwẹ Ọnịnị aa kà a yị anịragụ Ohomorihi!