Imatiwu 23:5 - IWE ỌNỊNỊ

⁵ Avaba ịsa ẹnịnị vị ẹnẹ ẹẹ̄ mẹ ka aza è re e kẹnẹ. Ampo ana a chẹrẹ ịrẹyị Ohomorihi tụ́, dị a sụ́ ọ za ụvọ ọnịrị ibe, ẹnịnị vị ana banyị irenyi. Avọ awuru ẹnịnị vị ana rẹ gọdọ irenyi.

Imatiwu 23:5 ပူးပေါင်းရင်းမြစ်များ

2 Ohinọyị 10:16

Ộ kà a yọ ka, “Saasa amị, di u we ve re mmẹmẹ kụ ẹngụ hi ịrẹyị Ẹnẹyịmavara.” Dị ọnịrị ọ sị ịkẹkẹ anị aa na nị.

Ọyịkụra 13:9

Ọ kà Eche ọnọnị vị ana vaa sị mẹ anka apọtẹrẹwa ọnị ọza dà tụ́ ụvọ, à vị ịsị aā sụụ za ibe anaā tama ọza ayị ịrẹyị agụvị dị asị ịrẹyị Ohomorihi hụụnị irenu ẹnịnị. Dị ọ rẹ ka ẹ yẹ ka ọnị Ẹnẹyịmavara ọ sị ụkata-ụkata tụ̀ wa hụrẹ Ijipiti nị.

Ụhịrẹyị 3:3

Saasa ịrẹyị ẹnẹẹ, dị ọza ọ̀ zụ sị ayị tụra wụ. Sị ụvọ za a anka ọmọ ọnị aa sị tụ ọrọkọ avọọ. Asị ụ hi ayị anị.

Ireevi 13:32

Ịhị ẹ tụ ọ ẹkụhị ịhịmba, ohirẹsụ irehi Ohomorihi rẹ vaa zama ụkụ ọnọọ re, ẹngụhụ anị ọnọnị ẹ̀ yị gara hị́ ọ ẹngụ, dị ẹ̀ yị rẹ nyị ẹyị ẹnyị gegege ịnị anị nị, ịtahụ ọnọọ ẹ̀ yị nyịnẹ huni ụpẹngụ anị ana kara a,

Imatiwu 9:20

 nyị ọnẹẹ ọnya aanị ọnị ụkụ za, di e re ịnẹ ọtọtọọnya pooro hụrẹ ịrayị ẹwụrẹva nị. Dị ọ dụ Ijeesu ị́rẹma vẹ, dị ọ sị ụvọ kanyị ụtọ ịta anị nị.

Iruuku 16:15

Dị Ijeesu kà a yị wa ka, “Ẹwụ nịnị ọọ̄ jị ịhị yị ẹngụ awụ nịnị éyi ọza nị. Ama Ohomorihi ộ yẹ ayị awụ nịnị. Ịsị aza ro ka ịsa ẹtẹẹtẹrẹ ọ vị nị, ịsa kẹnẹ-kẹnẹ ọ vị ini eyi Ohomorihi nị.

Iruuku 20:47

Ẹnị ẹẹ̄ sị irikichi dọ osoku nịnị irehi nị, ama dị ẹyaa mẹ apẹẹ mẹ̀ aduwa ọgọdọ. Ẹnị ẹ vaa rị ụya hu nị.”

Ịjọọnụ 12:43

Ẹnịnị ê sì ka aza ẹ̀ẹ kà ọdaa yị ẹnị huna e mè sì ka Ohomorihi ọ̀ kà ọda yị ẹnị.

Ịjọọnụ 5:44

Ụụ̄ dụ ka waa ga ẹngụ nịnị, ama wa mā dụ ka Ohomorihi ana ahịka ọnị kẹnẹ ọ vị Ohomorihi nị, ọ̀ ga wụ nịnị. Ini oze avọọ, wéé ro ka wa zụ dọ Ohomorihi wụ́ nịnị?

Ịjọọnụ 7:18

Ọza ana àaa dà ẹngụ anịị kà, vị ene ee sì ụbanyị yị ẹngụ anị. Ama ọza ene èee sì ụbanyịị yị ọza ana tụ́ ọọ, ọnị ọ vị ọnịzẹyịza nị, o mē vene ọza.

Iwe Ọhụhị Imosiisi ana aa hị́ Ọyịvatụrọda 11:18

Ẹ sị ọda ẹnẹnị tụ ịnị ayị ọnịrị ịnị ivehu ẹnịnị, ẹ́ chẹrẹ ẹ tụ ịnị iwe, dị ẹ sụ ọ za ụvọ ọnịrị ibe ẹnịnị agụvị ọ vị ịsa ana tama wa ayị ịrẹyị Ohomorihi.

Iwe Ọhụhị Imosiisi ana aa hị́ Ọyịvatụrọda 22:12

Gẹ tụ ụtụtọ ẹẹna awuru ọnị we chire kụ awuru ịrẹsụ.

Iwe Ọhụhị Imosiisi ana aa hị́ Ọyịvatụrọda 6:8

Chẹrẹ ẹ tịtẹ sụ́ ọ kara ụvọ, sị mẹ amu kú, agụvị dị oō tama wa ayị.

Anihwiripi 1:15

Ama aza ẹnyị vị ana aa kà enube ọyịza Ikirisiti agụvị ka ẹyaa kụ̀ ụhị, dị ẹ rẹ vị ọnịrẹyị nị. Ama aza ẹnyị vị ana aa sị ayị ọnyaa kà a.

Anihwiripi 2:3

Asị a nyị ọza ana sị ụhị ọyị kụ̀ mẹ ịsọnyị-ịsọnyị. Asị ụ rẹ mẹ̀ ịsa agụvị di u we zụ sii wo oto nịnị. Ọzọza ọ̀ kà ẹngụ anị chi, asị aza ẹnyị ro o ka ọnị óo huna ọsa.

2 Anịtẹsaronika 2:4

Ọnị ọọ̄ kụ̀ụ hịrẹ avaba ịsa ana aza aa hị́ Ohomorihi, ọnịrị avaba ịsa ana aza aa sị ụbanyịị yị. Dị ọ rẹ sị ẹngụ anị tụ́ ẹba ka ọnị ọ hyakụ huna avaba ẹnịnị nị. Ọ vá naa yaayịtẹ ini irehi Ohomorihi, dị ọ ka ọnị ọ vị Ohomorihi nị.