Imatiwu 23:38 - IWE ỌNỊNỊ

³⁸ A vaa navọ irehi awụụ yị wụ nịnị, dị ọ tụ́ osusu.

Imatiwu 23:38 ပူးပေါင်းရင်းမြစ်များ

1 Ohinọyị 9:7

yẹ ka Anisirẹrị vị ọnị maa kụ́ hụụnị ẹtẹ ọnị mị si yị wa. Irehi ọnọnị ọnị mị sị yị ẹngụ amị aanị vị ọnị maa tụ́ ụvọ kwooze hụụnị ọvịdị amị. Avaba aza vị ana vana sị ịrẹyị Anisirẹrị che ụhị ịrẹyị di e re yee nyị ọ unyi.

Ahẹ Ụgama 69:24

Sị ọyịkụ pa ịva yị wa ẹtẹẹtẹrẹ, dị wa dà jị wa asị e re oze zwe.

Ahẹ Ụgama 69:25

Ajẹngụ ẹnịnị ẹ̀ jị eburu, asị a nyị ọza ana vana ra ịnị anị.

Ayịsaya 5:9

Mâ wụ́ ịrẹyị ẹnẹ Ẹnẹyịmavara Ochẹtẹẹngụ kà. Ọ kà irehi ẹbanyị-ẹbanyị ana vavọọ zoza avọọ vị ọnị vaa tụ́ osusu saka-saka.

Ijeremaya 22:5

Ẹnẹyịmavara kà, ama àa vị ka, wẹ yị saasa ọda ẹnẹnị nịnị, ọnị ọ sị ẹngụ anị hị́ eku ka, irehi ohinọyị awụ nịnị ọnọnị vị ọnị ọnị aa jị eburu.

Ịdanịyẹrị 9:26

Ịjị ụmẹ ọnọọ ọ̀ọ sị gụ, a vaa kụ ayị ọdọvịdị ọnị Ohomorihi nyị aanị dị aa wụ̀ ọ. Ọdọvịdị ọnyara vaa sị ụkata kụ isoja anị vẹ, dị e vu Ijerusarẹmị ọnịrị irehi Ohomorihi ana ya ịzọọ ẹtẹ. Ịsị ẹ vaa za ịrẹsụ yị ọdọvịdị ọnọọ ve divi ẹtẹẹtẹrẹ. A vaa kụ̀ ịrẹkụ dị e du ịsa ha ẹtẹẹtẹrẹ. Avọọ Ohomorihi mẹ mẹ̀ ẹ ọda tịtẹ nị.

Ịzẹhwanaya 3:6

Ẹnẹyịmavara kà ọnị ọ raà wụ̀ avaba anẹkụra nịnị ha, dị ọnị chaka ọvọ ẹnịnị, dị ẹkụra ẹnẹẹ tu osusu, dị ubooro ẹnịnị jị ọngwa nị. Ẹ yị nyị ọza ana vọ ẹtẹ tụ́ ịzọọ.

Ịzakaraya 11:6

Ẹnẹyịmavara kà ọnị ẹ yị kụkụ vaa vayị ọzọọnyịzọnyọ ịnị ẹhẹ. Ọ kà ọnị ụvọta vaa sị avaba aza chẹrẹ ohinọyị ẹnịnị ụvọ. Ẹnịnị vaa mẹ ẹtẹ ẹsẹvẹsẹvẹ, dị ọnị ọ yị dọ wa ha hụụnị ụvọ aza ana vavọọ vaa mẹ ẹvaya yị wa.

Imatiwu 24:2

Dị Ijeesu kà a yị wa ka, “U wee re avaba irehi ẹnẹnị nịnị? Ịzẹyịza m maa kà wụ nị, ẹ yị nyị ịrẹta ikonya ana a vaa navọ tụ́ ịrẹsụ ọsa. Vi e vee wú waa ha saka-saka nị.”

Ịmaakị 13:14

U vee re ‘Ịsa Odivi eneē chire ọza angwa’ (ọnị Ịdanịyẹrị ọnịsẹ kà ịrẹyị anị) ka ọ yà ịzị ẹ̀ yị vọrọ ka ọ̀ yà. (Ọza ana aa kà iwe ọnọnị, ò re ka ọnị ộ yẹ ịrẹyị ọnọnị!) Ịjọnọọ aza ana àa yà Ijudiya è zwe nọ ịrẹsụ ataba.

Iruuku 13:35

A vaa navọ irehi awụụ yị wụ nịnị, dị ọ tụ́ osusu. Dị ma kà a wụ nịnị ka we mē vene re mi nịnị pooro dị ụmẹ ọnọọ ò tù, ọnị ụ vaa kà a nịnị ka: ‘Ohomorihi ọ̀ dà tụ́ ịnị ụbanyị yị ọza ana aa vẹ ịnị ịrẹha Ananyị yị.’ ”

Iruuku 21:20

“Ịhị wèe re nịnị ka isoja tatarata ẹ sị kara Ijerusarẹmị okiri-okiri, yẹ nịnị ka vi ee vee vú ọọ ẹtẹ avọọ nị.

Iruuku 21:24

A vaa sị ụhwọọ wụ̀ aza ẹnyị, dị a rẹ za aza ẹnyị ọrịhị ne hi ẹkụra irenyi-renyi. Dị anarịmadọwụ nịnị du Ijerusarẹmị ha saka-saka, pooro dị ụmẹ ẹnịnị ọ̀ va ta.”

Iruuku 21:6

“Avaba ịsị u wee re nịnị aanị, ụmẹ aa vẹ ana ahịka ịrẹta ẹnẹnị, ọnyara ọ yị vaa vọ tụ́ ịrẹsụ ọsa; vi e vee wú waa ha saka-saka nị.”