Imatiwu 23:37 - IWE ỌNỊNỊ

³⁷ “Ijerusarẹmị! Ijerusarẹmị! Ẹwụ nịnị aa wụ ọnịsẹ nịnị, di u ree ne aza oni Ohomorihi tụ́ hi wu nịnịị ịrẹta nị. Wáá yẹ ụ́pẹ ịrịka yà oni mi sì ka ma sị avaka amị za wụ nịnị kú, anka ụ́ụhwẹ mẹ̀ẹ̄ sị avakaa za ezi anịị kú avọọ, ama dị ụ wẹ yị zẹẹ nịnị.

Imatiwu 23:37 ပူးပေါင်းရင်းမြစ်များ

Inehemaya 9:26

Ama ẹnịnị ệ mẹ akamawụ hi wu, ệ kụ̀ hịrẹ wụ, dị ẹ varẹma ka ọda awụ, dị ẹ wụ̀ avaba ọnịsẹ ana ka wa ọnọ ka ẹ̀ va ka wụ vẹ nị. Ụmẹ tụra ụmẹ ẹ yaa kàa chire wụ nị.

Ahẹ Ụgama 17:8

Navọ anka u mè si eyi pè igoreyi awụ dị wẹ̀ yị zẹẹ ka à nyị ịsị ẹ jị ngụ ọ avọọ wa vavọọ sị eyi pe mi Navọ wa gana avaka kú mi agụvị asị aza edivi zụ sị ịsa ọnyọọnyị mẹ mị Wâ yẹ ka ọbarọza ẹnẹẹ ana kara amị avọọ ẹ zụ wụ̀ ọza.

Ahẹ Ụgama 36:7

Wê sì ịrẹyị ọza pooro ana ahịka ọza o yi zụ juwe anị Ịda awụ avaba aza va vaka tụ́ nị.

Ahẹ Ụgama 57:1

Ohomorihi, aarịhịnị kwogwo navọ wa vayị amị Wâ yẹ ka ẹwụ mi zwe va vaka nị Ịda awụ m maa vakaa tụ́ pooro dị avaba ẹtẹ ana aa sụ́ kúkùkù ọ̀ ta nị.

Ahẹ Ụgama 63:7

Ẹwaa gụ mị ụvọ pooro nị ịzị ụ sị mị tẹ tụ́ vị ọnị mị yà ịzọọ dị maa jị ahẹ.

Ahẹ Ụgama 91:4

Ohomorihi vị ana vaa sị avaka anịị kụ́ wu, ẹ yị nyị ịsị ẹ zụ va mẹ wụ ịzọọ. Ịzẹyịza Ohomorihi vee sere wu dị aa dọ wụ ụ tụ́.

Ayịsaya 5:4

Ọ kà sị a vọrọ ka à kụkụ mẹ tụ́ ịnị ụbazị ọnọọ ọnị ọnị ọ̀ yị mẹ? Maa tụra eyi ka ọ̀ tụ́ ẹtụtụ ozoza, sị ẹ vẹ dị ahịka ẹtụtụ edivi-edivi aa tụ́ nị?

Ayịsaya 50:2

Ọ kà, sị ẹ vẹ dị aza anị ẹ yị tụ ọnị ohi ịnị ụmẹ ọnị ọnị sị na ka ọnị naa dọ wa ha? Sị ẹ vẹ dị ọnị hị́ wa, dị ẹnịnị e yi tụ ohi ịrẹyị? A vị ọnị sị hịmị ọyị dọ wa haa? Ọnị ọ̀ọ ka ịrẹyị kẹnẹ enyi ịnị oku aa wụ̀ za ẹtẹ. Ọnị ọ zụ vara irehu ẹtẹ ọyịwụ̀, dị ivovo ene hi ịnị anị su va ha agụvị ka ẹ yị nyị enyi.

Ijeremaya 2:30

Ọ kà, ọnị ộ sị ụya rị ụ nịnị ama ọọhẹ kẹnẹ ọ vị nị, wẹ yị zẹ ka ọnị ọ vọrọ ụ nịnị zị oze wa sị ọnịsẹ awụ nịnị wụ̀ va ha anka idu anaa nyị ọyịkụ odivi avọọ.

Ijeremaya 26:23

Ẹnịnị ệ sị ọ ve tu ohinọyị Ijehoyakimi, dị ọ ka à wụ ọ dị è ne oku anị tụ ịzị ee ne avaba azaa hi nị.

Ijeremaya 32:31

Ọ kà, ẹkụra ọnọnị me hụrẹ nyima, pooro va ngụ ajịnị, aza ene hi ịnị anị hụrẹ aa mẹ ayịị kụ ọnị dị ayị aa dọva nị. Agụvị avọọ ọnị ka ọnị ee vu wa ẹtẹ nị.

Ijeremaya 35:15

Ọ kà pooro kẹnẹ ọnị aa tụ ezi ahụ anị ọnịsẹ nịnịị hi u nị. Ẹnịnị ệ kà a wụ nịnị ka ọzọza ọ̀ và hụụnị ebira odivi dị waa mẹ̀ ịsa ana vọrọ nịnị. Ệ kà wụ nịnị ọ̀nọ̀ ka asị ụ na hẹkẹ ori nịnị; agụvị wa zụ ra ịnị ẹtẹ ọnị ọnị sị yị ẹwụrị ohiku awụ nịnị. Ama wẹ yị wụ́ ịrẹyị anị nịnị.

Ijeremaya 36:26

Ama dị ọ tụ ozi anị ọnya ana aā hị́ Ijerahimẹẹrị beri anọrụ ana aā hị́ Iseraya ozi Azireri ọnịrị Iseremaya ozi Abideeri ka ẹ̀ na za Ibaruki ọnịrị Ijeremaya ana vị ọnịsẹ vẹ nị.

Ijeremaya 4:14

Ẹwụ nịnị Anijerusarẹmị, hụụnị ebira odivi awụ nịnị dị wa ha. Ịzị ụ maanị vaa sị ịrẹyị odivi tụ ịnị ayị nee tu nịnị?

Ijeremaya 44:4

Ẹnẹyịmavara kà, ọnị ộ tụ́ ezi ahụ anị ọnịsẹ nịnị hi wụ nịnị pooro, ka wa hụụnị ịsị edivi ẹnẹnị ọ̀yị mẹ agụvị ka ọnị ẹ́ yi sì ịrẹyị anị.

Ijeremaya 6:8

Ọ kà, ẹwụ nịnị Anijerusarẹmị ọ̀ jẹẹ, dị ẹngụkata ẹnẹnị ọ̀ kà wụ nịnị ọ̀nọ̀, ka ẹyị vị avọọ ọnị va hụrẹ ẹwụ nịnị ụvọ. Ọnị vaa jị ẹkụra awụ nịnị eburu dị ẹ yị kụkụ nyị aza vụrụ-vụrụ.

Ihoseya 11:2

Ụpẹ ịrịka ọnị ọnị ọ́ọ hị́ ọ, dị ọ mẹ akamawụ hụ avọọ. Dị aa mẹ̀ ịsọvọ yị ọnyọọnọkụmị ori ana a hị́ Ịbaarị, dị aa rị eturare ịra gụ wa nị.

Ihoseya 11:7

Ẹnẹyịmavara kà aza ẹ̀ raà tenyi ẹngụ ka ẹnị a va ịrẹma anị na hẹkẹ ori. Ẹnịnị aa hị́ ọnị ene hu kere-kere ama ẹnịnị ẹ yị sị ụbanyị yị ọnị.

Ihoseya 7:13

Ka ẹnịnị e yi ọnị tịtẹ o vee du wa ku nị. E vee su agụvị ka ệ mẹ̀ akamawụ hi ọnị. Ọnị yaanị dọ wa ha ama e yee cheeche kú ọnị.

Ịzakaraya 1:4

Asị ẹ hama ebira ohiku ẹnịnị ịyẹẹyẹ ọnị ọnịsẹ nịnị kà yị ka Ẹnẹyịmavara Ochẹtẹẹngụ ka ẹ hụụnị ebira odivi ọnịrị ẹhẹ kẹnẹ-kẹnẹ ọnị ẹ yaa ra. Ẹnịnị ẹ̀ yị hyakụ sị ụtọ pe ịrẹyị ọnịsẹ ẹnẹẹ, a vị ka ẹ wụ́ chire Ẹnẹyịmavara.

Imatiwu 22:3

Dị ọ tụ́ ozi ahụ anị ka ẹ̀ na hị́ aza ana a vịdị kà a yị, ka ẹ̀ vẹ ịnị ịrẹyị ọnẹẹ ọnọọ nị. Ama ẹnịnị ê yi, ẹ yị vẹ.

Imatiwu 22:6

Dị ana vọ za ezi ahụ ẹnẹẹ, dị ẹ sị ụya rị wa, dị ẹ wụ̀ wa nị.

Imatiwu 23:30

dị ụ ka: ‘Yàa yà ẹhẹ ịnị ụmẹ ada ayị nịnị, yẹ yị yaanị bẹ ụvọ tụ́ ini isu ọnịsẹ nịnị.’

Imatiwu 23:31

Ẹwụ nịnị ụvọta ọ raà dọ ivenu ka ozi aza ana wụ ọnịsẹ nịnị ụ vị nịnị nị.

Imatiwu 5:12

Waa jẹ, dị ịnẹ awụ nịnị òo hine ẹtẹẹtẹrẹ, agụvị ka Ohomorihi ọ raà sị ọgụ ọbanyị tẹ wụ nịnị tụ́ ẹbẹẹba. Avọọ gẹdẹ-gẹdẹ a mẹ̀ rẹ sị ụya rị ọnịsẹ nịnị ana vịdị vẹ tụ́ wụ nịnị nị.”

Iruuku 15:28

Ayị ộ kụ́ ozi ọza ọnọnị ana vị ọzọkụ aanị, dị ọ̀ yị zẹẹ ka ọnị ọ̀ ngụ ini eehi nị. Dị ada anị va jịnẹ vẹ, dị ọ dá ịpẹ yọ ka ọ̀ ngụ eehi nị.

1 Anịtẹsaronika 2:15

Aza ẹnẹẹ ệ wụ Ijeesu Ananyị yị ọnịrị ọnịsẹ ẹnịnị. Ệ rẹ dụ yị tụ́ ẹhẹ. Ịsa ẹnẹ mẹ, o yi zé Ohomorihi eyi. Avaba aza vị ẹnẹ ẹ rẹẹ̄ kụ̀ụ hịrẹ ẹtẹẹtẹrẹ.

Ẹtore 17:6

Dị mi re ka, ọnẹẹ ọnọọ mè hú anya aza Ohomorihi ọnịrị anya aza anaa wụ agụvị ka ẹ́ẹ nyị ịzẹyịza hi Ijeesu, dị ọ kụkụ aa mẹrị ọọ nị. M mè ree, óo hí mi irenu ẹtẹẹtẹrẹ.

Iruutu 2:12

Ẹnẹyịmavara ò si wu ụta ịsị ọnị wụ mẹ. Ẹnẹyịmavara Ohomorihi Anisirẹrị ọnị wụ vẹ va vaka vee si wụ ụta gụ.”