Imatiwu 23:35 - IWE ỌNỊNỊ

³⁵ Agụvị avọọ ịrẹsụ ẹwụ nịnị anya avaba ọnịrẹyịzẹyịza ana a wụ̀ aa vẹ nị, hụụnị Ebẹrị ọnịzẹyịza ana a wụ̀ na ngụ usu Ịzakaraya, ozi Ibarakaya ọnị ụ wụ ịnị akakana irehi Ohomorihi ọnịrị ụta ịsọvọ nịnị.

Imatiwu 23:35 ပူးပေါင်းရင်းမြစ်များ

Oyinyima 4:8

Ẹkụhị ọnya Ikeeni ô pè Ẹba ọyịnyara anị kà ịrẹyị. E mè hi ịnị aarẹ, di Ikeeni za Ẹba dị ọ wụ̀ ọ nị.

2 Ohinọyị 21:16

Ịmanasẹ ộ wụ̀ aza ọrụrụ-ọrụrụ ẹnẹ ẹ yị nyị ịsị ọ mẹ̀, dị ee sí chava avaba aha Ijerusarẹmị nị. Ịrẹma ịvị ọnọnị, dị ọ rẹ mẹ ka aza ene hi Ijuda ẹ mẹ̀ ebira odivi ọvịdị Ẹnẹyịmavara nị.

2 Ohinọyị 24:4

Ẹnẹyịmavara ộ yị vagu ọ agụvị ka ọ raà wụ̀ aza ẹnị ẹ yị nyị ịsị e mẹ̀ ẹ va ha. Anya aza ẹnẹẹ vi ene hi yị avaba Ijerusarẹmị.

Ayịsaya 14:21

È tenyi aha dị à za ezi ohinọyị odivi ọnọnị dị à wụ̀ wa ịzọọ agụvị ebira odivi oni ohiku ẹnịnị mẹ. Ẹ yị nyị evene ẹnịnị ana aa vanaa rị ohinọyị tụ́ ịnị ẹhẹ, dị ẹ̀ rẹ vaa dà ẹkụra hi ẹhẹ.”

Ayịsaya 26:21

Ẹnẹyịmavara ee chii hụrẹ ẹbẹẹba ịda anịị vẹ, dị ọ̀ va sị ụya rị aza ene hi ịnị ẹhẹ agụvị ebira odivi ẹnị ẹ yaa mẹ. Aza ana vịdị were wụ̀ ọza dị ọza ọ̀ yị yẹ vi oni iruvo ẹnịnị vaa tụ́ ẹhẹ. Aza ana a vavọọ wụ di e nē wa hi ịnị ẹtẹ vaa jịnẹẹ tụ́ ẹhẹ.

Ijeremaya 2:30

Ọ kà, ọnị ộ sị ụya rị ụ nịnị ama ọọhẹ kẹnẹ ọ vị nị, wẹ yị zẹ ka ọnị ọ vọrọ ụ nịnị zị oze wa sị ọnịsẹ awụ nịnị wụ̀ va ha anka idu anaa nyị ọyịkụ odivi avọọ.

Ijeremaya 2:34

Anya aza anaa rị ụya ọnịrị aza ẹnẹ ẹ̀ yị nyị ịsị ẹ mẹ̀ e si che ku u nịnị ịta. Wẹ yị za wa ka ẹ yaa chaka oze ọyị ngụ ụ nịnị irehi. Waa maanị yị mẹ avaba ẹsẹnị,

Ijeremaya 26:15

Ọ kà, ama ẹnịnị ẹ̀ yẹ ọsọnị ka, ẹnịnị ẹ̀ẹ wụ ọnị ẹnịrị avaba Anijerusarẹmị vaa rị ịvị ka ẹnị ệ wụ̀ ọza ẹnẹ ẹ̀ yị nyị ịsị ọ mẹ. Ẹnẹyịmavara ọ ka ọnị ọ̀ va maanị kà wa ọnọ nị.

Ijeremaya 26:23

Ẹnịnị ệ sị ọ ve tu ohinọyị Ijehoyakimi, dị ọ ka à wụ ọ dị è ne oku anị tụ ịzị ee ne avaba azaa hi nị.

Ijeremaya 26:8

Ịjị avaba ụtụ ọnị Ẹnẹyịmavara tụ Ijeremaya taa ka kẹnẹ, dị ohirẹsụ irehi Ohomorihi nịnị, ọnịsẹ nịnị ẹnịrị avaba aza zaa, dị ẹ ka, vị ẹnị aa wụ̀ ọ nị.

Ịzakaraya 1:1

 nyị ọnịsẹ aanị ana a hị́ Ịzakaraya ana vị ozi Ịbẹrẹkiya ana vị ozi Ido. Ịnị ụhwẹ ịhịnta ịnị ịrayị ọhụva ọnị Ịdarịyọsị rị ohinọyị, Ẹnẹyịmavara tụ́ ọ ụtụ hí Anisirẹrị nịnị nị.

Ịrịka 35:33

Ọza anaa vavọọ mẹ, o reè du ẹtẹ. Ọza ana wụ́ ọza vị ene du ẹtẹ. Ẹtẹ ọ yị zụ nị, ẹ́yị vị aa rẹ wụ́ ọnị.

Iruuku 11:51

O vee nyima hụụnị Ebẹrị ana a wụ̀ na ngụ Ịzakaraya ana a wụ ịnị akakana ụta ọnịrị irehi Ohomorihi. Ịzẹyịza, m maa kà a wụ nị, anụmẹ ọnọnị Óhomorihi vaa sị ụya ịrẹyị aza ẹnẹnịị rị nị.

Odeyi 5:28

“Aanịka yẹ́ẹ́ kà wụ nịnị ọ̀nọ̀ ka asị ụ kụkụ sị ịrẹha ọnọnị zụ̀ aza ịsa nịnị? Wee re nịnị! Ịsị ụ waa sịị zụ̀ aza nịnị, ọ sị gara hi avaba Ijerusarẹmị. Wee sì ka à kà a ka ẹ ya mẹ ka a wụ̀ nị.”

Anihiburu 11:4

Ini oze ka Ẹba ộ sị ayị tụra Ohomorihi, ọnị ọ mẹ ka Ẹba ọ̀ mẹ̀ ịsọvọ ene huna Íkeeni nị. Ohomorihi ộ zaa ịrịka ka ọnịzẹyịza ọ vị nị, dị ọ dọ ẹyịza anị nị, agụvị ka ộ sị ayị tụra Ohomorihi. Ẹba ô wusu; ama agụvị ka ộ sị ayị tụra Ohomorihi, aa yịị kà ịrẹyịị yị pooro ve tù ajịnị.

Anihiburu 12:24

Wa zị vẹ ịdị Ijeesu nịnị, ana yà ịnị akakana aza ọnịrị Ohomorihi ini oze oto ọwọọwa, dị o re che anya anị sẹ́ ẹtẹ nị. Ịsa ana anya ọnọọ aa kà, o zoza huna ịsa ana anya Ẹba aa kà nị.

Ẹtore 18:24

Anya ọnịsẹ nịnị ọnịrị anya aza Ohomorihi ana a wụ beri anya avaba aza ana a wụ ịnị ẹhẹ, yà ịrẹsụ Ịbabịrọnị.