Imatiwu 23:34 - IWE ỌNỊNỊ

³⁴ Dị ma kà a wụ nịnị, mị vaa tụ́ ọnịsẹẹ hi wu nịnị ọnịrị ọyẹrẹyị nịnị beri ọzwọzịsa nịnị, ụ vaa wụ̀ aza ẹnyị ẹnịnị, ẹnyị vị ọnị ụ vaa kanyịị za ọchị apavahị nịnị, ẹnyị vị oni u vee tụ́ ịjapa ini irehi ahẹkẹ Aniju awụ nịnị, dị ụ waa dị waa hụrẹ aha ẹnyị naa ngụ aha ọsa.

Imatiwu 23:34 ပူးပေါင်းရင်းမြစ်များ

2 Ohinọyị 21:10

Ẹnẹyịmavara ộ kà a yị ọnịsẹ ana vị ezi ahụ anị ka,

2 Ịtọpa 24:21

Dị ẹnịnị geyi tu ọ, dị ohinọyị mẹ̀ ọda ka a sị ịrẹta wụ́ Ịzakaraya ịnị ohweje irehi Ohomorihi nị.

Ụhịrẹyị 11:30

Ọnịrẹyịzẹyịza sị mẹ anka ọchị anaa tụ́ ẹtụtụ anị avọọ nị. Ọza ọhịmị vị anaa wụ̀ ọza.

Ijeremaya 26:8

Ịjị avaba ụtụ ọnị Ẹnẹyịmavara tụ Ijeremaya taa ka kẹnẹ, dị ohirẹsụ irehi Ohomorihi nịnị, ọnịsẹ nịnị ẹnịrị avaba aza zaa, dị ẹ ka, vị ẹnị aa wụ̀ ọ nị.

Ijeremaya 36:26

Ama dị ọ tụ ozi anị ọnya ana aā hị́ Ijerahimẹẹrị beri anọrụ ana aā hị́ Iseraya ozi Azireri ọnịrị Iseremaya ozi Abideeri ka ẹ̀ na za Ibaruki ọnịrị Ijeremaya ana vị ọnịsẹ vẹ nị.

Imatiwu 10:23

Ịjị àaa sị ụyaa rị wụ nịnị ịnị ẹkụra ọnya, zwe nọ ịnị ẹkụra ọsa nịnị! Dị ma kà a wụ nịnị, wẹ yị va zụụ ngụ avaba ẹkụra Anisirẹrị ta, dị ẹmị Ozi ọza onigirima ọ̀ vavẹ.

Imatiwu 13:52

Dị Ijeesu rẹ kà a yị wa ka, “Avaba ọzwọzọda ana àa raà sị ịrẹyị ịjọva Ada ayị ẹbẹẹba zụ̀, vị ana sị mẹẹ anka adarehi ana nyẹngụ kụ́ ịsa ọwọọwa ọnịrị ọkụkụ hụụnị ụhwọ anị vẹ.”

Imatiwu 23:31

Ẹwụ nịnị ụvọta ọ raà dọ ivenu ka ozi aza ana wụ ọnịsẹ nịnị ụ vị nịnị nị.

Iruuku 24:47

Ịnị ịrẹha anị a vaa yàa kà enube ọyịzaa yị aza ka è ro ịnẹ varẹma hụụnị ebira odivi ẹnịnị, dị Ohomorihi ọ̀ vagu wa ịnị ịvị ẹnịnị nị. E vee nyimaa hụrẹ Ijerusarẹmị, dị ẹ vavọọ kà a pooro na ngụ avaba ẹhẹ.

Ịjọọnụ 16:2

Ẹ vaa dụ wụ nịnịị jịnẹẹ hụụnị irehi Ohomorihi. Mị ka ụmẹ hyakụ aa vẹ, dị aza ana aa wụ wụ nịnị, ro o ka vị ẹnị aa mẹ̀ ịsa ozozaa yị Ohomorihi nị.

Ịjọọnụ 20:21

Dị Ijeesu rẹ kụ́ wa ka, “Ẹngwọọrọ ọ̀ vị awụ nịnị!” Dị ọ ka, “Áda amị mẹ̀ tụ́ mị vẹ ẹhẹ, avọọ ẹ́mị mẹ̀ rẹ tụ́ ẹwụ nịnị aa nọ ẹhẹ nị.”

Odeyi 1:8

Ịjị Ụhwẹ Ọnịnị ọ̀ọ ká wụ nịnị vẹ, ụ vaa dọ ụkata nịnị, dị ụ waa kà ịrẹyị amị nịnị Íjerusarẹmị ọnịrị ịnị avaba Ijudiya ne beri Ịsamarịya ọnịrị ịzị ẹhẹ na ta ịrẹsụ hi.”

Odeyi 11:27

Ịnị ụmẹ ọnọọ, ọnịsẹ ẹnyị ệ hụrẹ Ijerusarẹmị nọ Antịyọkị.

Odeyi 12:2

Ộ za Ijemiisi ẹnẹbẹnị Ịjọọnụ, ộ sị ụ̀hwọ̀ wụ̀ ọọ.

Odeyi 13:1

Ịnị ịragụ Ohomorihi ana yà Antịyọkị â nyị ọnịsẹ ẹnyị ọnịrị ọzwọzịsa nịnị ene hi ịzọọ. Ẹnịnị ẹ vị Ịbanabasị ọnịrị Isimiyọnị ana aā hị́ Ozoji, beri Irusiyọsị ana vị Anisayireni, ne beri Imaneya ana a pá ọnịrị Ịhẹrọdị ohinọyị aha ọnya, ọnịrị Ịsọọrụ.

Odeyi 14:19

Aniju ẹnyị ệ hụrẹ Antịyọkị (ịnị ẹtẹ Ipisidiya) vẹ, ẹnyị ẹ rẹ hụrẹ ẹkụra Ayịkọnịyọmị vẹ. Dị ẹ tụ́ anẹkụra ẹnẹẹ ịrẹyị, di e ne Ịpọọrụ ịrẹta, di e tura a hụụnị ẹkụra nị. Vị ẹnịnị ro ka ô wusu nị.

Odeyi 15:32

Ijudasi ọnịrị Isira ẹnị vị ọnịsẹ. Ê pe aza ẹnẹẹ kà ịrẹyị ẹtẹẹtẹrẹ, di e hú wa ụvọ, dị ẹ tụ́ wa ọtụtụrụma nị.

Odeyi 5:40

Anikootu ệ dọ ịrẹyị anị, dị ẹ hị́ odeyi nịnị ngụ eehi, di e tụ́ wa ịjapa, dị ẹ mẹ ọda yị wa ka asị ẹ vana kà ịrẹyị ịnị ịrẹha Ijeesu nị. Dị ẹ hụrẹ wa ụvọ nị.

1 Anịkọrịntị 2:6

Ịzẹyịza, máa sị ịrẹyọyẹ kà ịrẹyị yị aza ana sị vịra tụ́ ini oze Ohomorihi. Ama ayị vị ịrẹyọyẹ ẹhẹ ọnọnị ọ vị, àa vị ịrẹyọyẹ ohirẹsụ ẹhẹ ọnọnị, ana ahịka ụkata ẹnịnị vaa ta.

1 Anịkọrịntị 3:10

Ohomorihi ọ́ọ nyị ẹngụ anị iyi, dị ọ sị ụkata mị ka ma yà anka ọza ana zụ tụra irehi ẹtẹẹtẹrẹ. Ma raà ká irehi ẹtẹ, dị ọza ẹnẹsa ọnị aa tụraa tụ́ ọọ ịrẹsụ nị. Ama ọzọza ò sị eyi pee, ọ mẹmẹ aa tụraa tụ́ ọọ!

Anikorasi 1:28

Agụvị avọọ ị yaa kà ịrẹyị Ikirisitii yị avaba aza nị. Yaa kà wa ọnọ, ị raa sị ịrẹyọyẹẹ zụ̀ wa ịsa, agụvị dị ya mẹ ka aza ẹnẹ ẹnịrị Ikirisiti sị vị ọnya ẹ̀ zụ gụ.

1 Anịtẹsaronika 2:16

Ẹ yị hyakụ zẹẹ ka ya kà ịrẹyị Ohomorihi yị aza ẹnẹ ẹ yị vị Aniju, ana zụ mẹ ka ẹ̀ zụ há. Ẹnịnị ẹ sị ịvị za ịrẹsụ. Ẹ mẹ̀ vavọọ mẹẹ pooro, ọyịkụ Ohomorihi ọ zị vẹ ịrẹsụ ẹnịnị.

Anihiburu 11:37

Aza ẹnyị vị ana a sị ịrẹta wụ, aza ẹnyị vị ene e che hi ẹẹva, dị a rẹ sị ụ̀hwọ̀ wụ̀ aza ẹnyị nị. Aza ẹnẹẹ vị onosiye, dị ahịka ịtụmpaha atẹmẹ ọnịrị ẹ́ẹvụ éyee chiree zịịzị nị. Â sị ụya rị wa ẹnẹmẹhị.

Ẹtore 11:10

Dị anẹhẹ nịnị aa jẹ agụvị ọnịsẹ ẹẹva ẹnẹẹ. Dị ẹyaa mẹ inohine, dị ẹyaa kụ́ ẹyịza tụ́ụ hi ẹngụ, agụvị ka ọnịsẹ ẹẹva ệ vịdị sị ụyọrị va tù anẹhẹ.