Imatiwu 23:28 - IWE ỌNỊNỊ

²⁸ Avọọ ụ mẹ̀ yà nịnị nị; ọza òo re wu nịnị kẹnẹ, a ka: ‘Kwa! Ộ da nyị ịzẹyịza’, ama ịnịnẹ awụ nịnị, ọmọzakụyẹ ọnịrị ọza odivi ụ vị nịnị nị.

Imatiwu 23:28 ပူးပေါင်းရင်းမြစ်များ

Ahẹ Ụgama 51:6

Wê sì ka ọza ọ̀ọ kà ịzẹyịza obooro Navọ kwogwo wa sị ịrẹyọyẹ tụ́ ịnị ayị amịị mị.

Ụhịrẹyị 26:26

Ọọ daka jị oku ku ayamụkụ anị, ọzọza vee re ebira odivi anị ịjị ụmẹ òo tu.

Imatiwu 23:27

Wa sị dà nịnị, ẹwụ nịnị ọzwọzọda ọnịrị Anihwarisi nịnị. Ẹwụ nịnị ọmọzakụyẹ! Vị ụ sị mẹẹ nịnị anka ikuta enee sisi ọda ọvwọọvụ avọọ nị. Wèe re ẹhẹẹhẹ anị, ô zoza; ama ịnịnẹ vị ẹchụkụ-ẹchụkụ oku ọnịrị ịdọtị-ịdọtị.

Imatiwu 23:29

Wa sị dà nịnị, ẹwụ nịnị ọzwọzọda ọnịrị Anihwarisi nịnị. Ẹwụ nịnị ọmọzakụyẹ! Waa dà ikuta ọnịsẹ nịnị, dị ụ dà achẹrẹ hi ini ikuta ọnịzẹyịza nịnị,

Imatiwu 23:5

Avaba ịsa ẹnịnị vị ẹnẹ ẹẹ̄ mẹ ka aza è re e kẹnẹ. Ampo ana a chẹrẹ ịrẹyị Ohomorihi tụ́, dị a sụ́ ọ za ụvọ ọnịrị ibe, ẹnịnị vị ana banyị irenyi. Avọ awuru ẹnịnị vị ana rẹ gọdọ irenyi.

Iruuku 16:15

Dị Ijeesu kà a yị wa ka, “Ẹwụ nịnị ọọ̄ jị ịhị yị ẹngụ awụ nịnị éyi ọza nị. Ama Ohomorihi ộ yẹ ayị awụ nịnị. Ịsị aza ro ka ịsa ẹtẹẹtẹrẹ ọ vị nị, ịsa kẹnẹ-kẹnẹ ọ vị ini eyi Ohomorihi nị.

Anigaratiya 2:13

Ọdọwụ Aniju ana vọ tụ́ ịzọọ, ẹnị raa hama Ipitaa zị ụsẹ ogevegeve. Ịbanabasị bẹẹ vị ẹnẹẹ rẹ hyakụ tura tụ́ ịnị ụsẹ ogevegeve ọnọọ.

1 Ịsamụwẹrị 16:7

Dị Ẹnẹyịmavara va hị́ Ịsamụwẹrị dị ọ ka asị ụ re eyi ịrẹsụ anị ọnịrị ọ mẹmẹ hụ, agụvị ka ẹ yị vị avọọ ọnị mẹẹ̄ nyị ọza rị ohinọyị. Ọ kà a yị vị ọza mèe re ẹtẹ ọnịị̄ re ẹtẹ. Ọ kà ọza vi ene eē re ẹhẹẹhẹ, ama ọnị Ẹnẹyịmavara vi ene eē re ayị ọza.