Imatiwu 22:5 - IWE ỌNỊNỊ

⁵ Ama aza ẹnẹẹ ê sị eyi ịyẹyẹ re e, ọzọza o si hu aa jịnẹ; aza ẹnyị ệ nọ aarẹ, aza ẹnyị e si hu aa naa sẹ ohu.

Imatiwu 22:5 ပူးပေါင်းရင်းမြစ်များ

Oyinyima 19:14

Dị Ịrọọtị jịnẹ dị ọ maanị na kà a yị ọyẹ anị ana aa vaa nyị ezi anẹẹ anị. Dị ọ ka, “Kwẹẹtẹ we zwe hụụnị ẹkụra ọnọnị nịnị ka Ẹnẹyịmavara ee vee vu ẹkụra ọnọnị ẹtẹ.” Dị ọyẹ anị ẹnị ee ro o ka vị aa mẹ̀ isiya nị.

Oyinyima 25:34

Di Ijekọvụ va sị ịbụrẹẹdị, dị ọ ká ẹpẹ tụ́ ọ yị Iisọ, di Iisọ rị ọ di o hú enyi tụ́ ọ dị ọ kwẹẹtẹ di aa na nị. Aanị Iisọ mẹ̀ za udi ọzọkụ anị, dị ọ si eyi wụ̀ ọ nị.

Ụhịrẹyị 1:7

Ịrẹyọyẹ vị ene nyima hụụnị angwa Ẹnẹyịmavara oyi hi. Ọnụra kẹnẹ ọọ̄ sị eyi wụ̀ ịrẹyọyẹ ọnịrị ajuwe ọza nị.

Imatiwu 13:22

Ọza ana rẹ dọ ihu ọnọọ tụ́ ịnị akakana ikeyi, ọ vị ọza ana wụ́ ịrẹyị ọnọọ di ariro ẹhẹ ọnọnị ọnịrị evene ẹkẹhị ọnịrị ụbanyị za ịrẹyị ọnọọ rị nị, agụvị avọọ ẹyị nyị ẹtụtụ.

Imatiwu 22:4

Dị ọ rẹ tụ́ ezi ahụ anị ọsa nị, ka ẹ̀ na kà a yị aza anaa vịdị kà a yị aanị ka, ‘Ma sị ịsa mẹ, ọ! Ma kụ́ imaaru amị wụ ọnịrị ịsụpa anaa pá ka ọ̀ banyị dị à va wụ ọọ. Ma sị avaba ịsa mẹ ta; vẹ ịnị ịrẹyị ọnẹẹ amị nịnị!’

Imatiwu 22:6

Dị ana vọ za ezi ahụ ẹnẹẹ, dị ẹ sị ụya rị wa, dị ẹ wụ̀ wa nị.

Ịjọọnụ 2:16

Ộ kà a yị aza ana aa ná arekuku ka, “Kụ́ ẹẹmẹ ẹnẹnị hụụ ịzẹnị nịnị! Asị ụ vara irehi Ada amị ohu nịnị!”

Odeyi 2:13

Dị aza ẹnyị aa mẹ ọdọwụ nịnị isiya nị, dị ẹ ka, “Aza ẹnẹnị ẹ sị eche hú ẹtẹẹrẹ!”

Odeyi 24:25

Ịjị Ịpọọrụ aa kà ịrẹyị ka â vọrọ ka ọza ọ̀ọ mẹ ịzẹyịza, dị ọ̀ sị ụvọ za ẹngụ anị, dị ọ rẹ ka ẹkụhị ọkarẹyị aa vẹ, angwa ee hí Ịhwẹrịsị. Dị ọ ka Ịpọọrụ ọ̀ọ na da, ka ọnị rẹ vanaa tụ́ hị́ ọọ, ịhị oni òo re oze nị.

Aniroomi 2:4

Ohomorihi aa ngụ ayị awụ ẹtẹẹtẹrẹ, dị ọ rẹ nyayịnẹ nyị isuuru wụ nị. A vị du wee ree ịrẹyị ịyẹyẹẹ? Aa nị ka wẹ yị yẹ ka vị Ohomorihi aa vayị awụ di ee sì ka ọnị ọ̀ mẹ wụ di u we ro ịnẹ varẹma nị?

Aniroomi 8:6

Ọza ana àa sị ayị tụ́ ịnị ịsa ọnị ọchẹngụ anị sì kẹnẹ, isu aa za a ịrẹsụ nị. Ama ọza ana àa sị ayị tụ́ ịnị ịsa ọnị Ụhwẹ Ohomorihi sì, vaa yàra obooro, dị ọ rẹ nyị ẹngwọọrọ.

2 Itimoti 3:4

Dị ẹyaa sị ọzaa chire ọnịvị anị ụvọ, dị ẹyaa mẹ̀ ebira eneē chire ọza angwa, dị eyee wù ịka. Dị a hị́ ka ịsa ẹhẹ ọnọnị kẹnẹ e sì ịrẹyị anị nị, dị e yi sí ịrẹyị Ohomorihi.

Anihiburu 2:3

Yéé ro ka ẹyị àa sị ụvọ dẹmbẹrẹ sị ịrẹyị ẹdọha ana maanị banyị aanị, ka ya zụ há? Ananyị yị ọnị ụvọta ọ vịdị kà a yị aza nị. Dị aza ana wụ́ ọọ ẹnị rẹ sị zụ̀ yị ka ịzẹyịza ị́rẹyị ọnọọ vị nị.

2Ipita 2:3

Ọnịsẹ ireche ẹnẹẹ vị eneyọhụrẹ, agụvị avọọ dị ẹyaa sị ịtọpa irechee vene wu nịnị, agụvị dị ẹ̀ zụ sị wụ nịnị sẹ ohu. O si kù ọnị ọmọkarẹyị ẹnịnị tenyi ẹngụ tịtẹ. Ụmẹ ana vọ aa chee aanị, dị à wụ̀ wa vá ha.