Imatiwu 22:43 - IWE ỌNỊNỊ

⁴³ Dị Ijeesu ka, “Sị ẹ vavẹ dị Ụhwẹ Ọnịnị mẹ ka Idevidi ọ̀ hị́ Ikirisiti ‘Ananyị mị’? Agụvị ka Idevidi ộ kà a ka:

Imatiwu 22:43 ပူးပေါင်းရင်းမြစ်များ

2 Ịsamụwẹrị 23:2

Ọ kà; ụhwẹ Ohomorihi aa sị mị kà ịrẹyị. Ịrẹyị anị yà ịnị irenu amị.

Ịmaakị 12:36

Idevidi ọnị nyẹmba ộ sị ụkata Ụhwẹ Ọnịnị kà a ka: ‘Ohomorihi ộ kà a yị Ananyị mị ka: Yaayịtẹ éyi ụvọrị amị pooro dị ma sị ọnịvị awụ tụ́ ịzị ụ waa kụ́ ahụụ hi!’

Odeyi 1:16

“Ẹwụ nịnị ẹyịnyara amị, Ụhwẹ Ọnịnị ộ vịdị mẹ ka Idevidi ọ̀ chẹrẹ ịsa ini oze Ijudasi tụ́ ini Iwe Ohomorihi. Ijudasi ọnọọ ọ sị oze zụ̀ aza ana va za Ijeesu nị. Ẹ yị zụ nyị ka ịrẹyị ọnọọ ẹyị sẹ.

1 Anịkọrịntị 12:3

Mee sì ka wa yẹ nịnị ka ẹ yị nyị ọza ọnị Ụhwẹ Ohomorihi aa sị oze zụ̀ ana zụ kà a yị Ijeesu ka o du oo kù. Ẹ̀ yị rẹ vị ọza ọnị Ụhwẹ Ohomorihi aa si oze zụ̀, ọ yị zụ kà a ka Ijeesu ọ vị Ananyị yị nị.

Anihiburu 3:7

Ụhwẹ Ọnịnị ọ́ọ kà a ka: Ajịnị, wàa wụ́ ọngwẹ Ohomorihi nịnị,

2Ipita 1:21

agụvị ka ẹ́ yị nyị ụmẹ ana aza zụ sị kwẹẹtẹ kẹnẹ, dị ẹ̀ẹ kà ịsẹ, anka e mè sì ọ. Ama aza ọnịnị Ohomorihi ệ kà ịrẹyị anka Ụhwẹ Ọnịnị màa zụ̀ wa ịrẹyị nị.

Ẹtore 1:10

Ẹkụhị ọnya ana vị ẹkụhị ọsẹ, Ụhwẹ Ohomorihi ộ va dọ avaba ayị amị. Dị mị wụ́ ọngwẹ ọbanyị ana sụ́ ịrẹyị anka ọpanyị avọọ ị́rẹma amị nị.

Ẹtore 4:2

Dị Ụhwẹ Ọnịnị wụsẹ dọ avaba ayị amị nị. Â nyị aga ohinọyị ọnya ẹ́bẹẹba ịzọọ, dị ọza ịnya yaayịtẹ ịnị aga ohinọyị ọnọọ nị.