Imatiwu 22:29 - IWE ỌNỊNỊ

²⁹ Dị Ijeesu ka, “We si nyeeyi nịnị, agụvị ka wẹ yị yẹ Iwe Ohomorihi, wẹ yị rẹ yẹ ụkata Ohomorihi nịnị.

Imatiwu 22:29 ပူးပေါင်းရင်းမြစ်များ

Oyinyima 18:14

Áá nyị ịsị ẹ tụ́ akanya yị Ẹnẹyịmavara Ịnị ụmẹ ọnị aa vaa vẹ vee tù ọ, oni ee vee tù ka Isera ộ si ozi rị ụvọ.”

Ahẹ Ụgama 17:15

Ama emi vee re wu agụvị ka wâ yẹ ka mẹ yị mẹ̀ ebira odivi Màa sị há ini uhwoto awụ, ọnọọ vaa há mị ịnẹ.

Ayịsaya 25:8

Ọ mā vana zẹẹ ka ọza ò sú paa Ẹnẹyịmavara ana vi ohinọyị ọ yị kụkụ vaa zẹẹ ka ọza ò re ịrẹyị orere. Ọ yị rẹ kụkụ vaa zẹẹ ka ụhị ọ̀ vana nyị aza anị ịnị ẹhẹ. Ẹnẹyịmavara kà ọnị ọ kà avọọ nị.

Ayịsaya 26:19

Aza ayị ene sú rẹ vana vaa yàra. Ẹnịnị vaa haa kwẹẹtẹ. Ẹwụ nịnị avaba aza ene hi ini ikuta vaa haa kwẹẹtẹ dị ẹ yaa jị ahẹ ịrajẹ. Éguhi mèe chire hi ẹtẹ, dị ọ mẹ ka avị ẹ̀ chị avọọ, avọọ Ẹnẹyịmavara mẹ̀ vaa ha aza ene sú hụrẹ ụmọrụmọ kwẹẹtẹ nị.

Ijeremaya 32:17

Tee, Ohomorihi Ananyị yị! Ẹwa tana ụvọ dị ụ sị ụkata awụ tụ́ ẹbẹẹba ọnịrị ẹhẹ ọnọnị nọ. Ẹ́ yị nyị ịsị ẹ katẹngụ yị ụ o.

Ihoseya 13:14

Ẹnẹyịmavara kà a ọnị ọ́ọ́ jị wa hụụnị ụkata aneku? Ọnị ọ́ọ́ dọ wa ha hụrị ụvọ usu?

Imatiwu 22:28

Ịnị ụmẹ oni oku nịnị vaa sị haa hụụnị isu, ẹnẹ ọnẹẹ ọnọọ kụkụ vaa vị ose anị ịnị ẹnị ẹyịnyara ịhịmba ana vịdị nyị ọọ aanị?”

Ịmaakị 12:24

Dị Ijeesu ka, “Wáá yẹ ka we si nyeeyi nịnị? Agụvị ka wẹ yị yẹ Iwe Ohomorihi, wẹ yị rẹ yẹ ụkata Ohomorihi nịnị.

Iruuku 1:37

Ẹ yị nyị ịsa ọnya oni Ohomorihi ọ yị zụ mẹ.”

Ịjọọnụ 20:9

Ẹnịnị ẹ̀ yị va yẹ Iwe Ohomorihi ana vịdị kà a ka Ijeesu vaa haa hụụnị isu.

Odeyi 26:8

Sị ẹ vẹ dị ẹwụ nịnị ẹ̀ yị zụ dọ ka Ohomorihi ọ zụ ha oku kwẹẹtẹ?

Aniroomi 15:4

Avaba ịsa anaa ịsa anaa vịdị chẹrẹ tụ́ ini Iwe Ohomorihi vị anaa chẹrẹ tịtẹ ka ya kọ ịrẹyọyẹ hụụnị anị; dị ya rẹ zụ nyị ọyịtureyi, agụvị ka Iwe Ohomorihi aa mẹ ka yaa nyị ọtụtụrụma, dị ya rẹ nyị isuuru.

1 Anịkọrịntị 15:34

Varẹma waa mẹ ịzẹyịza nịnị, asị ụ rẹ̀ mẹ̀ ebira odivi nịnị! Aza ẹnyị ẹ yị yẹ Ohomorihi vụrụ-vụrụ. M maanị aa kà a, vị ụhị ọ̀ nyị wụ nịnị.

Anihwiripi 3:21

Ọ vaa sị ụkata anị ọnị ọ sị nyị ehuna avaba ịsa, dị ọ sị vara ọchẹngụ ayị ịnị ẹhẹ ọnọnị, dị ọ kụkụ mẹẹ ka ò véné ọchẹngụ anị ana nyị igirima.