Imatiwu 22:18 - IWE ỌNỊNỊ

¹⁸ Ama Ijeesu ộ yẹ ebira odivi ẹnịnị, dị ọ kà a yị wa ka, “Sị ẹ vẹ dị ụ waa zama mịị re nịnị, ẹwụ nịnị ọmọzakụyẹ?

Imatiwu 22:18 ပူးပေါင်းရင်းမြစ်များ

Imatiwu 12:15

Íjeesu mẹ̀ sị yẹ, dị ọ hụụ ịzọọ nị. Dị aza ọrụrụ-ọrụrụ dụ ọ aa na nị. Dị ọ mẹ avaba ọnịkụ nịnị ụkụ nị.

Imatiwu 19:3

Anihwarisi ẹnyị ệ ká Ijeesu vẹ ka ẹnị ẹ̀ va zama a re. Dị ẹ kà a yọ ka, “Ọ́ọ́ vọrọ ka ọza ọ̀ hụ agụvị ịsị òo re kẹnẹ yi ose anị tịtẹ?”

Imatiwu 22:17

Kà ẹ yị dị a re, si u ro: “Áá vọrọ ka yaa tụ́ ẹkẹhị irehi yị ohinọyị Aniroomi, à vị ọ yị vọrọ.”

Imatiwu 22:19

Sị ẹkẹhị ana aā tụ́ụ yị mị, dị a re!” Dị ẹ sị ẹkẹhị enyusẹ ọnyaa yọ nị.

Ịmaakị 12:5

Dị ọ rẹ tụ́ ọza ẹnẹsa na nị; dị aza ẹnẹẹ kụkụ za a, dị ẹ wụ ọọ nị. Avọọ ẹ mẹ̀ yị mẹ, ịsa edivi hi aza ọrụrụ-ọrụrụ nị: Ê tụ́ aza ẹnyị, dị ẹ wụ̀ aza ẹnyị nị.

Ịmaakị 2:8

Obooboro ọnọọ Ijeesu ọ sị yẹ ịsị eyee ro ịnị ayị ẹnịnị. Agụvị avọọ dị ọ kà a yị wa ka, “Sị ẹ vẹ dị ẹwụ nịnị vavọọ ee ro ẹngụ ịsa ẹnẹnị ịnị ayị awụ nịnị?

Iruuku 10:25

Ẹkụhị ọnya, ọzwọzọda ọnya ộ kwẹẹtẹ, di ee sì ka ọnị ọ̀ zama Ijeesu re nị. Dị ọ ka, “Ọga, si a vọrọ ka ma mẹ, dị ma zụ yàra pooro zịna-zịna ị́dị Ohomorihi?”

Iruuku 20:23

Ama Ijeesu ộ yẹ irikichi ẹnẹ ẹyaa mẹ, dị ọ kà a yị wa ka, “Sị ẹ vẹ dị ụ waa zama mịị re nịnị?

Iruuku 5:22

Ijeesu ộ yẹ ịsị eyee ro, dị ọ kà a yị wa ka, “Sị ẹ vẹ dị ụ vavọọ ee ro ẹngụ ịsa ẹnịnị ịnị ayị awụ nịnị?

Iruuku 9:47

Ijeesu ộ yẹ ịsị eyee ro ịnị ayị ẹnịnị, dị ọ sị ozweyi ọnya jẹẹ pe ẹngụ anị nị.

Ịjọọnụ 2:25

Ẹ yị nyị ka ọza ọ̀ naa kà ịrẹyị azaa yị Ijeesu, agụvị ka ộ yẹ ịsị ẹ yà ịnị ayị aza.

Ịjọọnụ 8:6

Ịrẹyị ọnọnị vị ene eyee sii be Ijeesu, agụvị di è zụ re ịrẹyị ẹnẹ ẹnị vaa sị za a. Ama di Ijeesu nyima nẹtẹ, dị aa sị igegee chẹrẹ ịsa tụ́ ini eteesu nị.

Odeyi 5:9

Dị Ipita kà a yọ ka, “Sị ẹ vẹ dị ẹwụrị ọva awụ mẹ ariro ka wa zama Ụhwẹ Ọnịnị re nịnị? Re! Aza ene ne ne oku ọva awụ, aa vaa ngụ ịzẹnị booro aanị, ẹnị raa vaa sị ẹwụ bẹẹ.”

Ẹtore 2:23

Ọnị vaa wụ̀ aza ana aa saasa a, dị avaba anịragụ Ohomorihi ẹ̀ yẹ ka ẹmaa yẹ ariro aza ọnịrị ịsa ana ayị anị sì nị. Mị vaa sị ọgụ ụkọrọ awụ nịnịị yị wụ nịnị.