Imatiwu 22:17 - IWE ỌNỊNỊ

¹⁷ Kà ẹ yị dị a re, si u ro: “Áá vọrọ ka yaa tụ́ ẹkẹhị irehi yị ohinọyị Aniroomi, à vị ọ yị vọrọ.”

Imatiwu 22:17 ပူးပေါင်းရင်းမြစ်များ

Ẹzịra 4:13

Ohinọyị ọ́ọ́ yẹ ka aza ẹnẹnị è ree tenyi ẹkụra ọnọọ ta, ẹnịnị ẹ yị kụkụ vaa tụ ẹkẹhị irehi. Ịjọnọọ dị ẹkẹhị ana ngụ eehi yị ịjọva awụ sị jị ha.

Ẹzịra 7:24

Dị ohinọyị kà a yị ọ ka, asị a nyị ụmẹ ọnị ohirẹsụ irehi Ohomorihi, Anireevi, ọjahẹ nịnị, oserẹtẹ, ọnịrị Anụkọrọ irehi Ohomorihi sị su ụta ẹkẹhị irehi.

Inehemaya 5:4

Dị a nyị ịpa ẹnyị ịnị ẹnịnị enee nowu ka abaabo ẹnị aa sị dọ ẹkẹhị rere naa tụ́ ẹkẹhị irehi aarẹ ẹnịnị ọnịrị ụbazị ịvayịnị ẹnịnịị yị ohinọyị nị.

Inehemaya 9:37

Ịsa ọyịza-ọyịza ana a mẹ ịnị ẹtẹ ọnọnị, vị ana kụkụ ya ịnị ụvọ ohinọyị nịnị ọnị ụ nyị ka ẹẹ mẹ ịjọva tụra yị ịrẹsụ agụvị ịvị ọnị ị sị mẹ. Ẹyịrị ịsụpa ayị nịnị vị ana ya ịnị ụvọ, dị ya hẹkẹ wa kẹnẹ e me sì, dị ị ya ịnị ayodu obooro-obooro.

Ijeremaya 42:20

eyi ọnị wee nyee nịnị aanị, ẹhẹ awụ nịnị u ve sii sí ụta anị o, ọnị ka, ẹwụ nịnị ọ tụ ọnị ka ọnị ọ̀ na mẹ̀ aduwa hi Ẹnẹyịmavara, Ohomorihi ayị nị, dị ụ kà a nịnị ka ụ vaa mẹ avaba ịsị ọọ ka nị.

Imatiwu 17:25

Dị Ipita ka, “Ọọ̄ tụ́ de.” Ọ mẹ̀ ngụ ini eehi, Ijeesu ẹ yị zẹẹ ka ọ̀ kà ịrẹyị; dị ọ wụsẹ họ̀ ọ ka, “Si u ro ịnị ịrẹyị ọnọnị, Ịsayịmọnị? Ene ohinọyị anẹhẹẹ̄ dọ ẹkẹhị irehi hụụnị ụvọ anị? Ozi ẹtẹ wáá yọ, à vị azọga?”

Imatiwu 22:18

Ama Ijeesu ộ yẹ ebira odivi ẹnịnị, dị ọ kà a yị wa ka, “Sị ẹ vẹ dị ụ waa zama mịị re nịnị, ẹwụ nịnị ọmọzakụyẹ?

Iruuku 2:1

Ịnị ụmẹ ọnọọ, Ọgọsịtọsị ohinọyị Aniroomi ộ mẹ̀ ọda ka à chẹrẹ avaba anẹhẹ.

Iruuku 20:22

Ọ́ọ́ vọrọ ka yaa tụ́ ẹkẹhị irehii yị ohinọyị Aniroomi, à vị ọ yị vọrọ?”

Iruuku 3:1

Ọ sị gụ ịrayị ẹwụrẹhị oni Itiberịyọsị sị rị ohinọyị Iroomi. Ịpọntụsị Ipayireti ọ vị ịgọvọnọ tụ́ Ijudiya nị. Dị Ịhẹrọdị ọnị vị ọnọba tụ́ Igariri nị, di Ihwiripi ẹnẹbẹnị anị ọnị rẹ vị ọnọba tụ́ Ituriya ọnịrị Itirakoniti nị. Dị Irisaniyasi ọnị rẹ vị ọnọba tụ́ Abirene nị.

Odeyi 17:7

Ijasoni ộ dọ wa ọzọga tụ́ ini eehi. Avaba ẹnịnị aa jịnẹ ọda oni ohinọyị Aniroomi mẹ. Ẹ ka â nyị ohinọyị ọsa ana aā hị́ Ijeesu.”

Odeyi 25:8

Dị Ịpọọrụ rẹ kụ́ irenu anị, dị ọ ka, “Mẹ yị mẹ̀ ịsa odivi hi ọda Aniju nịnị, mẹyị rẹ mẹ̀ ịsa odivi hi irehi Ohomorihi, àa vị ohinọyị Aniroomi.”

Odeyi 28:22

Ama ẹnị yaanị sì ka ya wụ́ ịsị Ịpọọrụ ro, agụvị ka ẹnị ẹ́ yẹ ka avaba aha aza yà aa kà ịrẹyị odivii hi ogu ọnọnị nị.”

Odeyi 5:37

Ịrẹma ọnọọ, ịnị ụmẹ ana aa za aza ịrịka, dị Ijudasi ọnya aanị, Anigariri ọnị rẹ vẹ, dị ọnị rẹ tọ̀ọ́ aza kú ẹngụ nị. Dị a rẹ wụ ọnị, dị aza anị ẹnị rẹ gara hi nị.