Imatiwu 22:16 - IWE ỌNỊNỊ

¹⁶ Dị ẹ tụ́ ezirẹma ẹnịnị beri aza Ịhẹrọdị nịnị ne tù Ijeesu nị. Dị ẹ ka, “Ọga, yâ yẹ ka ọnịrẹyịzẹyịza ụ vị nị. Ịzẹyịza Ohomorihi kẹnẹ, ụ sịị̄ zụ̀ aza nị. Wẹ yị yẹ ọzọbanyị, agụvị ka we mē re eyi aza.”

Imatiwu 22:16 ပူးပေါင်းရင်းမြစ်များ

1 Ohinọyị 22:14

Di Imikaya ka, “Mâ sị Ẹnẹyịmavara hị́ eku ka ịsa tụra ịsa ẹnị Ẹnẹyịmavara ọ̀ọ kà mị kẹnẹ, mị vaa kà nị.”

Ahẹ Ụgama 12:2

Ireche kẹnẹ aza kuku ee chee yị ẹngụ nị Ẹnịnị vi ene ee vene aza ama dị ẹ yaa kụ́ hworo-hworo.

Ahẹ Ụgama 5:9

Ẹ yị nyị ịrẹyị ikonya ọnị ọnịvị amị kà ana aā vị ịzẹyịza. Ịsị e yee sì kẹnẹ ọ vị ka ẹnị ẹ̀ wụ̀ ọza nị. Ịrẹyị ẹnị ẹ yaa kà ọ zụ wụ̀ ọza. Dị ẹ yaa kụ́ ịrarẹ hworo-hworo agụvị e zụ si vene ọza.

Ahẹ Ụgama 55:21

Ọ nyẹngụ kà ịrẹyị mẹnẹ-mẹnẹ, ama ịrẹkụ vi oni o tenyi tụ́ ịnị ayị Mị ka ọ̀ọ kà ịrẹyị, ụ ka ịrẹyị anị vị ẹngwọọrọ, ama ụhwọ vị oni o ne rị ụvọ.

Ụhịrẹyị 29:5

Ọza eneē vene ọza sị mẹ anka ọza ọ̀ọ va ịrẹpa zị ọza avọọ nị.

Ịmarakayị 2:6

Ẹnịnị ệ sị ịrẹyị ịzẹyịza zụ aza, ẹnịnị e yi cheeche vụrụ-vụrụ. Ẹnịnị ệ ra ẹhẹ ozoza, dị ẹ mẹ̀ ebira ana vọrọ. Dị ẹ mẹ ka aza ọrụrụ-ọrụrụ ẹ hụụnị ebira odivi ẹnị ẹ yaa mẹ nị.

Ịmarakayị 2:9

Agụvị ka ẹnịnị ẹ yị saasa ịrẹyị anị, ọnị sị eyi wụ́ wa, dị ọnị mẹ̀ ụhị nyị wa eyi avaba aza nị. Òo si tù ka ẹ sị ọda Ohomorihi zụ aza, dị ẹ yaa nyị ọza remeyi.

Imatiwu 22:24

Dị ẹnịnị ka, “Ọga, Imosiisi ộ kà a ka ọza òo sú, dị ọ̀ yị ma ozi nị, ọyịnyara anị ọ̀ kụ́ ose anị ogu, dị ọ̀ ma ozi yị ẹnẹbẹnị anị ene sú.

Imatiwu 22:26

Avọọ ọhụva ọnịrị ọhụta mẹ̀ yà pooro na ngụ ọhụhịmba ẹnịnị nị.

Imatiwu 26:18

Dị ọ kà a yị wa ka ẹ̀ nọ ịnị ẹkụra ọsọọ, dị è ne tù ọnọrụ ọnya aanị, dị ẹ̀ kà a yọ ka, “Ọga ka ụmẹ anị o si tù, ọnịrị ezirẹma anị vaa rị Eche Ọyịparahu ini eehi awụ.”

Imatiwu 26:49

Dị Ijudasi vẹ, di o wuse ne tù Ijeesu, dị ọ kụ́ ọọ, dị ọ ka, “Ọga”, di o kú ọọ irenu nị.

Ịmaakị 10:17

Íjeesu màa vaa na, dị ọnọrụ ọnya aanị zwe echi ve tù ọọ nị. Dị ọ jị idinku ku ẹtẹ ọ́vịdị anị, dị ọ ka, “Nda ọyịza, sị a vọrọ ka ma mẹ, dị ma nyẹngụ yàra pooro zịna-zịna ị́dị Ohomorihi?”

Ịmaakị 12:13

 tụ́ Anihwarisi nịnị ẹnyị ọnịrị aza Ịhẹrọdị nịnị nọ ịdị Ijeesu ka ẹ̀ na sị ịrẹyị za a.

Ịmaakị 12:14

Dị ẹ vẹ nị, dị ẹ kà a yọ ka, “Nda, yâ yẹ ka ọnịrẹyịzẹyịza ụ vị nị. Wẹ yị yẹ ọzọbanyị, agụvị ka we mē re eyi aza. Ama ịzẹyịza oze Ohomorihi kẹnẹ, ụ sịị̄ zụ̀ aza nị. Ọ́ọ́ vọrọ ka yaa tụ́ ẹkẹhị irehi yị ohinọyị Aniroomi, à vị ọ yị vọrọ?

Ịmaakị 3:6

Dị Anihwarisi nịnị jịnẹ tụ́ ẹhẹ nị, dị ẹ wụsẹ nọ ịda ogu Ịhẹrọdị nịnị, dị ẹ naa gẹ eyi Ijeesu ka ẹ́nị mẹmẹ vaa mẹ, dị ẹnị ẹ̀ wụ ọ nị.

Ịmaakị 8:15

Dị Ijeesu kà wa ọnọ ka, “Sị eyi pe ẹngụ awụ nịnị agụvị òwù Anihwarisi nịnị ọnịrị òwù Ịhẹrọdị, oo!”

Iruuku 20:21

Dị aza ẹnẹẹ na họ̀ Ijeesu use ka, “Nda, yâ yẹ ka ịrẹyị ịzẹyịza ụ waa kà, dị ụ raa sịị zụ̀ aza nị. We mē re eyi ọza, ịzẹyịza oze Ohomorihi kẹnẹ, ụ sịị̄ zụ̀ aza nị.

Iruuku 7:40

Dị Ijeesu tụ́ ohi, dị ọ kà a yọ ka, “Ịsayịmọnị, â nyị ịsị mee sì ka ma kà wụ.” Di Ịsayịmọnị ka, “Wa kà a, ọga!”

Ịjọọnụ 14:6

Dị Ijeesu tụ́ ọọ ohi, dị ọ ka, “Ẹma vị oze ọnọọ nị, ẹma vị ịzẹyịza nị, ẹma rẹẹ̄ mẹ ka ọza ọ̀ yàra nị. Ẹ yị nyị ọza ana nyẹngụ nọ ịdị Ada amị, ẹ̀ yị vị oze amị ọ zị.

Ịjọọnụ 18:37

Dị Ipayireti va họ̀ ọ ka, “Ohinọyị ẹwụ wáá vị ana vị nị?” Dị Ijeesu tụ́ ọọ ohi ka, “Ụ mẹ̀ yị kà a, avọọ yọ, ohinọyị mị vị nị. Â ma mị, mâ vẹ ịnị ẹhẹ, ka ma va sị ịzẹyịza zụ̀ aza. Ọza ene èe sì ịzẹyịza, vaa wụ́ ịrẹyị amị.”

Ịjọọnụ 7:18

Ọza ana àaa dà ẹngụ anịị kà, vị ene ee sì ụbanyị yị ẹngụ anị. Ama ọza ene èee sì ụbanyịị yị ọza ana tụ́ ọọ, ọnị ọ vị ọnịzẹyịza nị, o mē vene ọza.

2 Anịkọrịntị 2:17

Ẹyị ẹ yị yà anka aza ọrụrụ-ọrụrụ ẹnyị ana sị ụvọ za ịrẹyị Ohomorihi anka ịsị a sịị̄ sẹ ohu. Ama Ohomorihi ọ tụ́ ẹyị ụtụ nị, dị yaa sị ịzẹyịzaa kà ịrẹyị anị ọ́vịdị Ohomorihi anka aza ọnị ọnịrị Ikirisiti sị vị ọnya.

2 Anịkọrịntị 4:2

Ya raà hụrẹ ụvọ avaba ịsa ini ewere ọnịrị ịsị ẹẹ̄ mẹ ụhịị nyị ọza. Ye yi vene ọza, ya yi re sima ịrẹyị Ohomorihi. Ohomorihi vị onivenu ayị ka, ịzẹyịza kẹnẹ ịị̄ kà nị. Oze avọọ ị ya zịị mẹ ka aza ẹ̀ yẹ ịnị ayị ẹnịnị ka ya wụra sị ayị tụra nị.

2 Anịkọrịntị 5:16

Ye yi kuku re ọzọnyị-ọzọnyị, anka ánẹhẹ mee re wa. Yàa daka vịdị sị eyi anẹhẹ re Ikirisiti, yẹ yị kụkụ vavọọ mẹ.

Anigaratiya 1:10

U wéé yi ro ka m maa dụ ka ọza ọ̀ọ ga mị nị, à vị Ohomorihi mi sì ka ọ̀ọ ga mị nị? Eyi ọza m maa mẹ̀ nị? Mèe yii sì ka ma mẹ eyi ọza, mẹ yị zụ vị ozi ahụ Ijeesu Ikirisiti.

Anigaratiya 2:6

Àa vị aza ana a ka ẹ́ẹ vị ọdọvịdịị yọ, ẹ yị nyị ịsa ọwọọwa ẹnẹ ẹ kà mị. Àa vị ẹmịị yọ, ẹ yị nyị ịzị ịrẹyị ọdọvịdị ẹnẹẹ gẹ mị agụvị ka avaba ọza vị ẹbẹẹbẹ ini eyi Ohomorihi.

Iwe Ọhụhị Imosiisi ana aa hị́ Ọyịvatụrọda 33:9

Ẹnịnị ẹ sị zụ ka ẹnị ẹ nyị ịrẹsụ ọkahi yị wụ ẹtẹẹtẹrẹ huni aza ana ma wa ọnịrị ẹyịnyara ẹnịnị a vị ezi ẹnịnị. Ẹnịnị ẹ saasa ọda awụ dị ẹ sị ụvọ za ịrẹyị ana a ka tịtẹ.

1 Anịtẹsaronika 2:4

Ohomorihi ộ dọ ka yáa vị aza ana a vọrọ ka ọnị ọ̀ sị enube ọyịza chire ụvọ. Agụvị avọọ, avọọ ị màa kà ịrẹyị nị. Yẹ yị kà ịrẹyị ene zé aza eyi; ama ịrẹyị ene zé Ohomorihi eyi, ị yaa kà nị. Ọnị ọọ̄ zama ayị ayịị re nị.

Ijemiisi 3:17

Ama ịrẹyọyẹ ana hụụ ịdị Ohomorihi vẹ, vị ọnịnị, ọ́ọ mẹ ka ọza ọ̀ nyị ayị ohunẹnẹ; ọọ̄ nyị ebira hẹẹ, oō ree batọ ịrẹyị ọza ẹnẹsa, ọọ̄ rẹẹ vayị ọza ẹtẹẹtẹrẹ. Ebira ozoza ọọ̄ mẹ̀ pooro nị, ọ mā nyị ọza remeyi, oō mee re vene ọza.

1 Ịjọọnụ 5:20

Yáa yẹ ka Ozi Ohomorihi ộ vẹ ẹhẹ, dị ọ sị ịrẹyọyẹ yị ka ya zụ yẹ Ohomorihi ọnịzẹyịza nị. Ẹyịrị Ohomorihi ọ sị vị ọnya ne beri Ijeesu Ikirisiti Ozi anị. Ọnị ọ vị Ohomorihi ọnịzẹyịza nị, ọnị ọ rẹẹ̄ mẹ ka ọza ọ̀ yàra pooro zịna-zịna nị.