Imatiwu 21:34 - IWE ỌNỊNỊ

³⁴ Ịjị ụmẹ ẹtụtụ ee vee tù, dị ọ tụ́ ezi ahụ anị nọ ịda aza ẹnẹ ana a dà ẹtẹ yị, ka ẹ̀ na dọ ẹtụtụ anị vẹ nị.

Imatiwu 21:34 ပူးပေါင်းရင်းမြစ်များ

Ayịsaya 5:4

Ọ kà sị a vọrọ ka à kụkụ mẹ tụ́ ịnị ụbazị ọnọọ ọnị ọnị ọ̀ yị mẹ? Maa tụra eyi ka ọ̀ tụ́ ẹtụtụ ozoza, sị ẹ vẹ dị ahịka ẹtụtụ edivi-edivi aa tụ́ nị?

Ijeremaya 35:15

Ọ kà pooro kẹnẹ ọnị aa tụ ezi ahụ anị ọnịsẹ nịnịị hi u nị. Ẹnịnị ệ kà a wụ nịnị ka ọzọza ọ̀ và hụụnị ebira odivi dị waa mẹ̀ ịsa ana vọrọ nịnị. Ệ kà wụ nịnị ọ̀nọ̀ ka asị ụ na hẹkẹ ori nịnị; agụvị wa zụ ra ịnị ẹtẹ ọnị ọnị sị yị ẹwụrị ohiku awụ nịnị. Ama wẹ yị wụ́ ịrẹyị anị nịnị.

Imatiwu 21:35

Dị aza ẹnẹẹ za ezi ahụ ẹnẹẹ, di e tụ́ ọnya, dị ẹ wụ ọsa; di e ne ọsa ịrẹta nị.

Imatiwu 21:38

Aza ẹnẹẹ ana a dà ẹtẹ yị mè re ozi ọnọọ, dị ẹ kụkụ gẹ eyi, dị ẹ ka, ‘Ozi ọnọnị ọ vaa kụ́ ogu ada anị nị; à vẹ ya wụ ọọ, di ogu anị ọ̀ kụkụ vị áayị!’

Imatiwu 21:40

“Ịjị ọza ana nyị ụbazị ọnọọ ọ̀ọ vẹ, si u ro ka ọ vaa mẹ aza ẹnẹẹ?”

Imatiwu 21:41

Dị ẹ kà a yị Ijeesu ka, “Vị aa wụ̀ aza edivi ẹnẹẹ ha piti-piti, dị ọ sị ụbazị anị rere aza ẹnẹsa ana vaa sị ẹtụtụ anịị vaa yọ, ụmẹ òo si tù nị.”

Imatiwu 22:3

Dị ọ tụ́ ozi ahụ anị ka ẹ̀ na hị́ aza ana a vịdị kà a yị, ka ẹ̀ vẹ ịnị ịrẹyị ọnẹẹ ọnọọ nị. Ama ẹnịnị ê yi, ẹ yị vẹ.

Ịmaakị 12:1

Dị Ijeesu nyima aa sị ụhịrẹyịị kà ịrẹyịị yị wa nị; dị ọ ka, “Â nyị ọza ịnya aanị ana dà ụbazị, dị ọ hị́ ọchị ana aā hị́ ịvayịnị tụ́ ịnị anị nị. Dị ọ rẹ họ̀ kara a nị. Ộ jị ụkọ ịzị a vaa yàa kwọrọ ẹtụtụ ọchị ẹnẹẹ, dị ọ re hi ụta oserẹtẹ tụ́ ọọ nị. Ộ sị ụbazị ọnọọ rere aza ẹnyị aanị ka ọnị ọ̀ọ dọ wa ọtụrọsarẹsụ anị. Di o si hu aa hụrẹ eehi nị.

Ịmaakị 12:7

Dị aza ẹnẹẹ ana a dà ẹtẹ yị, kụkụ gẹ eyi nị, dị ẹ ka: ‘Ozi ọnọnị ọ vaa kụ́ ogu ada anị nị; à vẹ ya wụ ọọ nịnị, di ogu anị ọ̀ kụkụ vị áayị!’

Ịmaakị 12:9

Si u ro ka ọza ana nyị ụbazị ọnọọ vaa mẹ? Vị aa vẹ, dị ọ va wụ̀ aza ẹnẹẹ nị; dị ọ sị ụbazị ọnọọ yị aza ẹnẹsa.

Iruuku 20:9

Dị Ijeesu nyima aa sị ụhịrẹyị ọnọnịị kà ịrẹyị yị wa nị. Dị ọ ka, “Â nyị ọza ịnya aanị ana dà ụbazị, di o si rere aza anaā sịị eyii pe ụbazị nị. Di o si hu aa hụrẹ eehi nee kù nị.