Imatiwu 21:33 - IWE ỌNỊNỊ

³³ “Re wụ́ ụhịrẹyị ọsa nịnị! Â nyị adarehi ọnya aanị ana dà ụbazị, dị ọ họ̀ kara a nị. Dị ọ jị ụkọ ịzị a vaa yàa kwọrọ ẹtụtụ ọchị ene hi ịnị anị nị. Di o re hi ụta oserẹtẹ tụ́ ọọ nị. Di o si rere aza ẹnyị ka ọnị ọ̀ọ dọ wa ọtụrọsarẹsụ anị nị. Di o si hu aa hụrẹ eehi nị.

Imatiwu 21:33 ပူးပေါင်းရင်းမြစ်များ

1 Ohinọyị 22:19

Di Imikaya aa kịị kà ịrẹyị anị dị ọ ka, “Batọ ọ dị wụ́ ịrẹyị ẹnị Ẹnẹyịmavara kà. Ụmẹ ọnya mê re Ẹnẹyịmavara kà ộ yaayịtẹ ịnị aga anị, di avaba anggẹẹrị anị ẹbẹẹba jẹẹ pè e eyi ụvọrị ọnịrị eyi ụvọha anị nị.

Ayịsaya 1:10

Ẹwụ nịnị Anijerusarẹmị ẹwụrị ohinọyị awụ nịnị vị ana aa mẹ̀ ebira odivi anka Anisodọmị ọnịrị Anigomora avọọ. Batọ ịrẹyị ẹnị Ẹnẹyịmavara aa kà wụ nịnị. Sị ụtọ pe ọda Ohomorihi ayị ana aa sịị zụ̀ wụ nịnị.

Ijeremaya 19:3

Ijeremaya ka, Ẹnẹyịmavara kà ọnị kà a yị ohinọyị Anijuda nịnị ọnịrị Anijerusarẹmị nịnị ka, ẹnịnị ẹ̀ sị ụtọ pe ịrẹyị ọnị ọnị Ẹnẹyịmavara Ochẹtẹẹngụ aa kà. Ọnị ọ̀ Ohomorihi Anisirẹrị nịnị nị. Ẹnẹyịmavara kà ọnị vaa sị ụyaa rị ẹkụra ọnọnị divi-divi, dị o hi avaba aza anaa wụ ọ irenu.

Ijeremaya 2:21

Maa nyị ụ nịnị jẹẹ anka ọza ana sị uhu ịvayịnị ene hu kere-kere dị o chire tu irenyi avọọ. Ama wee re ịsị ụ kụkụ vị nịnị booro aanị? Vị ụ kụkụ sị mẹ nịnị anka ịvayịnị ana vụ, dị ẹ̀ yị nyị ịsị ọ kụkụ rụra mẹ avọọ nị.

Ihoseya 4:1

Ẹwụ Anisirẹrị batọ wa wụ́ ịrẹyị Ẹnẹyịmavara nịnị. Ộ kà ẹwụ nịnị ana ra ịnị ẹtẹ ọnọnị ọ nyị ịrẹyị anị. Ẹ yị nyị ọza awụ nịnị ana mẹ̀ ịzẹyịza, a vị sì ịrẹyị anị. Ẹ yị nyị ọza ana tẹsị anị.

Imatiwu 13:18

“Wụ́ iruvo ụhịrẹyị ọza ene mi ịsa ọyịna nịnị!

Imatiwu 20:1

“Oze ana Ada ayị ẹbẹẹba aa zịị mẹ ịjọva vị ana sị mẹẹ anka adarehi ọnya aanị, ana kwẹẹtẹ ẹnẹnẹ viri-viri ka ọnị ọ̀ na dọ anụkọrọ, dị ẹ̀ va mẹ̀ ụkọrọ yị ọnị ịnị ụbazị anị.

Imatiwu 21:28

“Si u ro ịnị ịrẹyị ọnọnị nịnị? Ọnọrụ ọnya yà ịzọọ, ộ nyị ezi anọrụ ẹẹva. O ne tù ọnịpaapa, dị ọ kà a yọ ka: ‘Nọ ịnị ụbazị amị, dị ụ wa na mẹ̀ ụkọrọ ịzọọ ajịnị!’

Imatiwu 23:2

Dị ọ ka, “Ọzwọzọda nịnị beri Anihwarisi nịnị vị ana yà udi Imosiisi aa zụ̀ aza ọda.

Ịmaakị 13:34

Vị ọ sị mẹẹ anka ọza ana aa hụrẹ eehi, dị ọ sị irehi anị chire ezi ahụ anị ụvọ, dị ọ ka è sị eyi pee nị. Dị ọ sị ụkọrọ yị ọzọza, dị ọ rẹ ka oserẹtẹ òo sere ẹtẹ nị.

Iruuku 19:12

Agụvị avọọ, dị Ijeesu kà a yị wa ka, “Â nyị ọzọbanyị ọnya aanị, ana hụrẹ eehi nọ ẹkụra onoze ọnya ka ọnị ọ̀ na rị ohinọyị ịzọọ, dị ọnị ọ̀ vavẹ.

Ịjọọnụ 15:1

Ijeesu ọ rẹ kà a yị ezirẹma anị ka, “Mị sị mẹẹ anka ọchị anaā tụ́ ana aā hị́ ịvayịnị avọọ nị. Ada amị vị ana sị mẹẹ anka ọza ana nyị ụbazị ene ee tenyii ọchị ọnọọ avọọ.

Iwe Ọhụhị Imosiisi ana aa hị́ Ọyịvatụrọda 16:18

Re ka waa nyị ọmọkarẹyị nịnị ọnịrị ọdọvịdị nịnị hi ẹkụra-ẹkụra ẹnẹ Ẹnẹyịmavara Ohomorihi awụ aa sịị wụ nịnị. Ịzẹyịza ẹ vaa sịị mẹ̀ ọkarẹyị yị avaba aza nị.