Imatiwu 21:32 - IWE ỌNỊNỊ

³² Ịjọọnụ ọhwọzenyi ộ vẹ ịdị awụ nịnị, ộ sị oze ana vọrọ zụ̀ wụ nịnị; ama ẹwụ nịnị ẹ yị dọ ọ wụ́. Ama aza edivi ọnịrị ọsẹrẹka nịnị ẹnị ệ dọ ọ wụ́. Ụ mẹ̀ daka yi re ọsọnị nịnị, we yi ro ịnẹ varẹma nịnị dị ụ wa dọ wụ́ nịnị.”

Imatiwu 21:32 ပူးပေါင်းရင်းမြစ်များ

Ayịsaya 35:8

A vaa nyị oze ọbanyị ọnya ịzọọ, ana a hị́ “Oze Ọnịnị”. Aza ana aa mẹ̀ ebira odivi ẹ yị vaa zị oze ọnọọ pàá. Aza edivi ana aa mẹ ụra ẹ yị vaa zị oze ọnọọ.

Ijeremaya 6:16

Ẹnẹyịmavara ộ kà a yị aza anị ka, jẹẹ ịzị oze va gẹ nịnị dị we re. Họ̀ use oze ịyẹẹyẹ nịnị, ka ịzị oze ọyịza ọnọọ ya, dị wa và tụraa nịnị, ka ọ va rọ wụ nịnị ẹngụ. Ama ẹnịnị ka heyiye, ẹnị ẹ yị zị avọọ.

Imatiwu 11:18

Ịjọọnụ mẹ̀ vẹ, ọ yị rị, o yi hú, dị ụ ka vị ọ nyị ụhwẹ echu nịnị nị.

Imatiwu 21:25

Ọyịhwọzenyi ọnị Ịjọọnụ aa mẹ avọọ, ịzị o re e hụrẹ? Ohomorihi ọ́ọ́ sị ọda anịị yọ nị, à vị ọza?” Dị eyee pe ẹngụụ nyị ahankata nị, dị ẹ ka, “Yàa kà a ka Ohomorihi ọ sị yọ nị, dị ọ ka sị ẹ vẹ dị ẹyị ẹ̀ yị dọ ọ wụ́?

Imatiwu 21:31

Ye re ana mẹ̀ ịsa ana ada anị sì ịnị ẹnị ẹyịva avọọ?” Dị ẹ kà a yọ ka, “Ọnịpaapa yọ nị.” Dị Ijeesu kà a yị wa ka, “Ịzẹyịza m maa kà a wụ nị: Aza edivi ọnịrị ọsẹrẹka nịnị vaa vịdịị ngụ ịzị Ohomorihi yà aa mẹ ịjọvaa tụ́ wụ nịnị.

Imatiwu 5:46

Àa vị ọza ene sì ịrẹyị awụ nịnị kẹnẹ, ẹwụ nịnị re sì ịrẹyị anị nị, ye re ọgụ ọnị ụ nyị? Avọọ aza edivi ẹnị mẹ̀ rẹẹ̄ mẹ nị.

2 Itimoti 2:25

Ọ̀ọ sị ayohunẹnẹẹ pe aza ana aa kụ̀ụ hịrẹẹ juwe, ịsavọọ Ohomorihi ọ̀ na mẹ ka è re oze ro ịnẹ varẹma, dị ẹ̀ va yẹ ịzẹyịza.

Anihiburu 3:12

Agụvị avọọ, anda ayị nịnị, sị eyi pe ẹngụ awụ nịnị oo. Asị a na nyị ọza ịnya ịnị awụ nịnị ana na nyị ayị odivi ẹnẹ ẹ̀ yị ma dọ wụ́, dị ọ sị há hụrị oze Ohomorihi ana yára.

2Ipita 2:21

Ọ́ọ vana dahi ka asị ẹ́ yẹ oze ịzẹyịza, hu ka ẹ̀ sị ọ yẹ, dị ẹ̀ và ị́rẹma ọda ọnịnị ana kà yị wa.

Ẹtore 2:21

Ọnị ô sị oze yọ ka ò ro ịnẹ varẹma hụụnị ịrẹkọyịsẹ anị, ama ọ yị dọ ka oni ò ro ịnẹ varẹma.