Imatiwu 21:12 - IWE ỌNỊNỊ

¹² Ijeesu ộ ngụ ini irehi Ohomorihi, dị aa dụ aza ana aa sẹ ohu ini irehi Ohomorihi ọnọọ nị. Dị ọ và iteevuru ọza anaā vara ẹkẹhị nịnị angga nị, ọnịrị aga aza anaā ná arekuku nịnị.

Imatiwu 21:12 ပူးပေါင်းရင်းမြစ်များ

Ọyịkụra 30:13

Ọza tụra ọza ana àa za ịrịka vee si ọpa ụta ana a ka è si. Ịsa ana a dọ ka à sịị ngọ ẹkẹhị a vaa sị ngọ ẹkẹhị ọzọza di è re ka ộ gụ nị. Ọzọza ò si ụta ọnọọ agụvị ka ẹmị Ẹnẹyịmavara aa sịị yị nị.

Ireevi 1:14

Àa vị inomi ọza ka ọnị aa sị vaa mẹ̀ ịsọvọ hị́ Ohomorihi nị, ọ̀ sị arivadi avị ozi arekuku.

Ireevi 12:6

Ịhị ẹkụhị ana a vọrọ ka ọnẹẹ ọnọọ ọ̀ mẹ dị ọ̀ nị ọ̀ọ sị gụ, ọ̀ọ vị ẹkụhị ozi ọnọrụ, ọ̀ọ vị ẹkụhị ozi ọnẹẹ, ọ vaa sị ozi atẹmẹ ịrayị ọnyara vee tu ohirẹsụ irehi Ohomorihi enoze irehi Ohomorihi dị ọ sị mẹ̀ ịsọvọ ana aā rị ịra. Ọ rẹ vaa sị arekuku ọnyara à vị arivadi ọnyara vẹ ọ̀ yị mẹ̀ ịsọvọ ịvị.

Ireevi 12:8

Ọnyẹnẹẹ ọnọọ ẹ̀ yị zụ sị ozi atẹmẹ ọnyara vẹ, ọ vaa sị arekuku à vị arivadi ẹẹva, àa sị ọnya mẹ̀ ịsọvọ ana aā rị ịra, dị aa sị ọsa mẹ̀ ịsọvọ ịvị. Ohirẹsụ irehi Ohomorihi vaa mẹ ido ana a vaa sị kụ ịdọtị anịị kwooze, dị ọnẹẹ ọnọọ nị.

Ireevi 14:22

Ọ rẹ vaa sị arivadi ẹẹva ọnịrị arekuku ẹẹva, anka ọpa ọnị ọ zụ mẹ, ọnya vị ana a vaa sịị mẹ̀ ịsọvọ ịvị, dị a sị ọnya mẹ̀ ịsọvọ ana aā rị ịra.

Ireevi 14:30

Ịjọnọọ ọ vaa sị arivadi ọnya à vị arekuku ọnya

Ireevi 15:14

Ịhị ẹ tụ ẹkụhị ịhịnta anị, ọ vaa sị arivadi à vị arekuku ẹẹva, dị ọ ve enoze irehi Ohomorihi, dị ọ sị va yị ohirẹsụ irehi Ohomorihi.

Ireevi 15:29

Ịhị ẹ tụ ọ ẹkụhị ịhịnta, ọnẹẹ ọnọọ vaa sị arivadi ẹẹva à vị ezi arekuku ẹẹva, dị ẹ sị ọ ve tu ohirẹsụ irehi Ohomorihi enoze irehi Ohomorihi.

Ireevi 5:11

Ọza ọnọọ ẹ̀ yị zụ sị arivadi ẹẹva à vị arekuku ẹẹva, ọ vaa sị ayị ọyị kwọ ikirogirami ọnyara vaa mẹ̀ ịsọvọ ịvị anị. Ẹ́ yị vaa sị angwẹ à vị eturare ọnyọọnyị tụ ọ, agụvị ka ịsị ịsọvọ ịvị ọ vị nị.

Ireevi 5:7

Ama ọza ọnọọ ẹ̀ yị zụ sị ozi atẹmẹ à vị ẹvụ, ọ vaa sị arivadi ẹẹva à vị arekuku ẹẹva vaa mẹ̀ ịsọvọ ịvị anịị yị Ẹnẹyịmavara. A vaa sị ọnyara mẹ̀ ịsọvọ ịvị anị, dị a sị ọsa mẹ̀ ịsọvọ ana aa rị ịra.

Ịmaakị 11:11

Dị Ijeesu na ngụ Ijerusarẹmị, dị ọ ngụ ini irehi Ohomorihi, dị ọ tangwa re avaba ịsa chẹrẹkẹ nị. Agụvị ka ọyị ộ ta, dị ọnịrị ezirẹma anị si hu aa nọ Ịbẹtanị nị.

Iruuku 2:24

Ẹ rẹ na ka ẹnị ẹ̀ na sị arekuku ẹẹva, àa vị ezi arivadi ẹẹva, dị ẹnị ẹ̀ sị mẹ̀ ịsọvọ, anka ọ́da Ohomorihi mẹ̀ rẹ kà a.

Ịjọọnụ 2:13

Ụmẹ ana Aniju nịnị sịị̄ rị Eche Ọyịparahu ee vee tù, dị Ijeesu aa hịrẹẹ nọ Ijerusarẹmị nị.