Imatiwu 20:34 - IWE ỌNỊNỊ

³⁴ Ijeesu ộ vayị ẹnịnị, dị ọ sị ụvọ kanyị eyi ẹnịnị nị. Obooboro ọnọọ, di eyee re ẹtẹ nị. Dị ẹnịnị kụkụ saasa a nị.

Imatiwu 20:34 ပူးပေါင်းရင်းမြစ်များ

Ahẹ Ụgama 119:67

Dị a va sị ụya rị mị mị vịdị nyee eyi nị. Booro aanị vị ọnị mị kụkụ aa saasa ọda awụ.

Ahẹ Ụgama 119:71

Ô zoza ka à vavọọ sị ụya rị mị. Ọ raà mẹ ka ma zụ yẹ ọda awụ.

Ahẹ Ụgama 145:8

Ẹnẹyịmavara vị ana aā vayị ọza ẹtẹẹtẹrẹ.

Imatiwu 14:14

Dị Ijeesu jịnẹ hụụnị ẹpa nị. O mè re ọkọnị aza ẹnẹẹ, ayị ẹnịnị ộ vá a, dị ọ mẹ ọnịkụ ẹnịnị ụkụ nị.

Imatiwu 15:32

Ijeesu ộ hị́ ezirẹma anị, dị ọ kà a yị wa ka, “Ayị ọkọnị aza ẹnẹnị aa vá mị, agụvị ka hụrẹ ajịnọgwẹẹta ẹ hụrẹ yà ịzẹnị nị, ẹ yị nyị ịsa ana a vọrọ ka ẹ̀ rị. Mẹ yị vaa kà a ka ẹnịrị ụngwẹ ẹ̀ẹ nọ eehi, ka èwù va za wa óze.”

Imatiwu 20:33

Dị ogweyi ẹnẹẹ kà a yọ ka, “Ananyị yị, ị ka ye re ẹtẹ nọ.”

Imatiwu 21:1

E mèe vee tù Ijerusarẹmị, dị ẹ sị ngụ ẹkụra Ịbẹtị-Ihwegi, ọgụrị Ataba Orivi, Dị Ijeesu tụ́ ezirẹma anị ẹẹva,

Imatiwu 8:15

Dị ọ sị ụvọ kanyị ọọ ụvọ nị; dị ọvanggoro anị ta nị. Dị ọ kwẹẹtẹ, dị ọ kụkụ ee sì wa ọzọga nị.

Imatiwu 9:29

Dị ọ sị ụvọ kanyị eyi ẹnịnị, dị ọ ka, “Ọ̀ yà yị wụ nịnị, anka ụ mẹ̀ dọ wụ́ nịnị!”

Imatiwu 9:36

Ama o mè re ọkọnị aza, ayị ẹnịnị ộ vá a, agụvị ka ọ sị ngụ wa ẹngụ, ẹ kụ́ vazi anka atẹmẹ ẹnẹ ẹ̀ yị nyị ọza ana aa tẹsị ẹnịnị avọọ.

Ịmaakị 7:33

Ijeesu ộ sị ọza ọnọọ hụụnị akakana aza nọ oboka ọnya. Dị ọ jị igege ngwọ ọ ụtọ, dị ọ rẹ jị atẹ hi ụvọ, dị ọ sị kanyị ọọ ịrarẹ nị;

Iruuku 18:43

Obooboro ọnọọ, di ee re ẹtẹ nị. Dị aa dụ Ijeesu na, dị aa sị ụgaa yị Ohomorihi nị. Ịjị avaba aza ẹnẹẹ re e, dị ẹnị raa ga Ohomorihi nị.

Iruuku 22:51

Dị Ijeesu tụ́ ohi, dị ọ ka, “Ọnọọ ô ze!” Dị ọ sị ụvọ kanyị ụtọ ọnọrụ ọnọọ, dị ọ mẹ̀ ẹ yọ nị.

Iruuku 7:13

Ịjị Ananyị yị re e, ayị anị ộ vá a. Dị ọ kà a yọ ka, “Asị u rè sụ ùnè!”

Odeyi 26:18

Ụ vaa há wa eyi, dụ wa vara wa hụụnị ịrahụ va ngụ ini ẹtohweyi. Dị ụ wa rẹ sị wa hụụnị ụvọ Echu vẹ ịda Ohomorihi, dị ma vagu wa ịnị ịvị ẹnịnị, ẹ̀ẹ sị ayị tụra mị. Dị ẹnị ẹ̀ rẹ zụ nyị aha ẹnịnị ịnị akakana aza ọnị mị sị nyị yị ẹngụ amị.”

Anihiburu 2:17

Ọnọọ ọ vị ka áa nyị ka ọ̀ yà anka ẹyịnyara anị ini oze tụra oze, dị ọ̀ zụ yà anka ohirẹsụ ọbanyị irehi Ohomorihi ana vaa mẹ ụkọrọọ yị Ohomorihi. A zụ sị ayị tụraa, dị ọ rẹẹ̄ vayị ọza nị, agụvị dị ò zụ sí ụta ịvị aza.

1Ipita 3:8

Dị ma za ịrẹyị amị ẹtẹ, sị ayị yị ẹngụ nịnị, waa ngụ ayị ẹngụ nịnị, di u wee sì ịrẹyị ẹngụ nịnị, agụvị ka ẹwụ nịnị ọdọwụ vị ẹyịnyara. Vayị ẹngụ nịnị, dị ụ wa kà ẹngụ awụ nịnị chí.