Imatiwu 20:28 - IWE ỌNỊNỊ

²⁸ Agụvị ka ẹmị Ozi ọza onigirima mẹ yị vẹ ka à mẹ ozi ahụ yị mị, ama ka ma mẹ ozi ahụ yị aza, dị ma rẹ sị ụhwẹ amị hị́ aza ọrụrụ-ọrụrụ varẹma.”

Imatiwu 20:28 ပူးပေါင်းရင်းမြစ်များ

Ijoovu 33:24

Ohomorihi vaa vayị ẹngụ ọza ọnọọ, dị ọ kà asị a wụ agụvị ka ọnọ ó re ọza anaa dọ ụyụvọ anị.

Ahẹ Ụgama 49:7

Nyị ọza ana nyẹngụ sị ẹkẹhị hị́ ụhwẹ ọyịnyara anị Ọ za o yi si ụta ụhwẹ ọza yị Ohomorihi,

Ayịsaya 53:5

Ama agụvị ịvị ọnị rị a sị tọ ọ ụnava nị, Ê tụ́ ọ agụvị ebira odivi ọnị ị mẹ. Ụya ọnị ọ rị asị sị mẹ yị ụkụ nị. Upono ene e tụ́ ọ, ọ mẹ ka ẹngụ ayị ọ̀ nịya nị.

Ayịsaya 53:8

Aza ẹ yị sị ịzẹyịza mẹ̀ ọkarẹyị yọ, dị ẹ sị ọ ka à na wụ ọ. Ẹ yị nyị ọza ene ro o ka sị ẹhẹ anị vaa vị̀ ụhwọ. Â wụ ọ agụvị ebira edivi ana aza ayị mẹ.

Ịrịka 7:15

ụnọ ọnya, ịdẹba ọnya, ozi ịdẹba ịrayị ọnya mẹ̀ ịsọvọ ana a rị ịra.

Imatiwu 20:27

Ọza ene èe sì ka ọnị ọ̀ vị ọdọvịdị, â vọrọ ka ọ̀ vị ozi ahụ avaba aza.

Imatiwu 26:28

Ọsọnị ọ vị anya amị oni Ohomorihi sị sị ụvọ tụ́ ịnị oto ọwọọwa, oni mi vee chee sẹ́ ẹtẹẹ yị aza ọrụrụ, dị à sị sị ịvị ẹnịnị vagu wa.

Imatiwu 8:20

Dị Ijeesu kà a yọ ka, “Ahaka nịnị ệ nyị ụsị; inomi nịnị ẹ rẹ nyị ịrẹngwẹ, ama ẹmị Ozi ọza onigirima ọ yị hyakụ nyị aha ana vọrọ ka ma yà tụ́ ụhwọ́.”

Ịmaakị 10:45

agụvị ka emi Ozi ọza onigirima ẹ yị vẹ ka à mẹ ozi ahụ yị mị, ama ka ma mẹ ozi ahụ yị aza, dị ma rẹ sị ụhwẹ amị hị́ aza ọrụrụ-ọrụrụ varẹma.”

Ịmaakị 14:24

Dị Ijeesu kà a yị wa ka, “Ọsọnị ọ vị anya amị nị, ana vị oto ọwọọwa, oni mi vee chee sẹ́ ẹtẹ yị aza ọrụrụ-ọrụrụ.

Iruuku 22:27

Ọza ana yaayịtẹ aha ịsọyịrị kẹnẹ ọnịrị ọza ana aa sị ịsaa yọ, ye re ene hu? Yâ yẹ ka ọza ana yaayịtẹ kẹnẹ yọ nị. Ama ẹmị vị ana yà ịnị akakana awụ nịnị, dị maa zị wụ nịnị ụtụ.

Ịjọọnụ 10:15

anka Áda amị mẹ̀ yẹ mị, dị ẹmị rẹ yẹ Ada amị. Mị vaa sị ụhwẹ amịị tịtẹẹ yị atẹmẹ amị.

Aniroomi 4:25

Ọnị ọ sị ọọ chire aza ụvọ ka ẹ̀ wụ ọọ agụvị ịvị ẹnẹ ẹyị mẹ nị. Dị Ohomorihi rẹ ha a hụụnị isu ka ọ̀ zụ jị ịhị yị nị.

2 Anịkọrịntị 8:9

Wâ yẹ nịnị, Íjeesu Ananyị yị oni Ohomorihi nyị mẹ ohinọyị ka ọ̀ dọ yị há, ịzị ọ vayị ọza na zá. Ọzọbanyị ọ vị nị, ộ hụvị awụ nịnị bàrà onosiye, ka ẹwụ nịnị ọ̀ zụ vara ọzọbanyị ini oze osiye anị.

Anigaratiya 3:13

Ama Ikirisiti ọ́ọ dọ yị há hụụnị ịvị ọnị ọda ka yáa rị. Ikirisiti ọ raà dọ ụya ayị rị, ọ mẹ̀ sị ịvị ọnọọ yị ẹngụ anị, anka Íwe Ohomorihi mẹ̀ kà a ka, “Ọza ana àa sị gẹ ọchị, ọ sị ịvị rị ini eyi Ohomorihi.”

Anẹhwẹsọsị 1:7

Ozi anị ọnọọ ô che anya anị sẹ́ ẹtẹ, di o sú yị ịvị ayị nị. Agụvị ayamva Ohomorihi ana ahịka ọ́ọ banyị ẹtẹẹtẹrẹ, ọ vavọọ sị yà nị.

Anẹhwẹsọsị 5:2

Wee sì ịrẹyị ẹngụ nịnị ịnị avaba ịsa ọnị ụ wàaa mẹ nịnị, anka Íkirisiti mè re sì ịrẹyị ayị, dị ọ sị ẹngụ anị mẹ ịsọvọọ yị. Ịsọvọ ọnọọ óo hine Ohomorihi ayị ẹtẹẹtẹrẹ.

1 Itimoti 2:6

Ijeesu ọnọọ ọ sị ẹngụ anị yị avaba aza, dị ọ hị́ wa varẹma nị. Ini oze avọọ, ịnị ụmẹ ana vọrọ, Ohomorihi ộ sị zụ̀ ka oni ee sì ka ọnị ọ̀ dọ avaba aza há.

Ịtayịtọsị 2:14

Ijeesu ọnọọ ọ vịdị sị ẹngụ anịị yị, agụvị dị ọ̀ zụ hị́ yị varẹma nị, agụvị dị ya zụ há hụụnị avaba ịsa edivi. Dị ọ́ mẹ ayị ayị ọnịnị, dị ị kụkụ sị vị aza anị ana aa sịị vụrị ka yaa mẹ̀ ịsa ene zoza nị.

Anihiburu 2:10

Ohomorihi ọ mẹ avaba ịsa nị, dị ẹ rẹ vị Óhomorihi nị. Agụvị avọọ áa vọrọ ka ọ̀ mẹ ka Ijeesu ọ̀ gụ ini oze ụya ọnị ọ rị, dị aza ọrụrụ-ọrụrụ ẹ̀ zụ nyị tụ́ ini igirima anị. Ijeesu ọ sị oze zụ̀ wa ka ẹ̀ vẹ, dị à va dọ wa há nị.

Anihiburu 5:8

Ozi Ohomorihi ọ yị vị nị, ama ini oze ụya ọnị ọ rị, ộ kọ ịsị aā hị́ ka ọza ọ̀ wụ́ ịrẹyị chire Ohomorihi irenu.

Anihiburu 9:28

Avọọ Íkirisiti ọnị mẹ̀ rẹ sị ẹngụ anị mẹ̀ ịsọvọ ụpẹ ọnya gene-gene nị, ka ọnị ọ̀ kụ́ ịvị aza ọrụrụ-ọrụrụ kwooze. Ọ rẹ vanaa vaa vẹ ịnị ẹhẹ ọnọnị, ama ayị vị agụvị ịvị. Aza ene ee zí ọọ eyi, aa vaa dọ ọ há nị.

1Ipita 2:24

Ikirisiti ụvọta ộ sị ịrẹsụ dọ ụya ịvị ayị, a mẹ̀ kanyị ọ za ọchị apavahị, agụvị dị ya kụkụ sị mẹẹ oku avọọ dị asị kụkụ zụ mẹ ịvị, dị ya kụkụụ mẹ ịzẹyịza. Ini oze ụnava ana a tụ̀ ọ, ọ sị mẹ wụ nịnị ụkụ nị.

1Ipita 3:18

Ikirisiti ộ rị ụya o mè sú agụvị ịvị ayị ụpẹ ọnya gene-gene. Ikirisiti ẹnẹ ẹ̀ yị mẹ ịvị, ô sú yị aza ana mẹ ịvị, agụvị dị ọ̀ zụ sị yị vẹ ịdị Ohomorihi. Aza ệ wụ ọ, ama â mẹ ka ụhwẹ anị ọ̀ yara.

1 Ịjọọnụ 2:2

Ọnị ọ sị ẹngụ anị mẹ̀ ịsọvọ ana kụ́ ịvị ayị kwooze nị. Ẹ́ yị hyakụ vị ẹ́ẹyịnya kẹnẹ, ama ịvị avaba anẹhẹ.

Ẹtore 1:5

Ijeesu Ikirisiti, ana a zụ sị ayị tụra, ọ̀ rẹ mẹ ọyịza wụ nịnị. Ọnị ọ vị ọnịpaapa ana ha hụụnị isu nị, ọnị ọ rẹ vị ohirẹsụ ohinọyị anẹhẹ nị. Ô sì ịrẹyị ayị. Ini oze anya oni o che sẹ́ ẹtẹ o mè sú, ộ nyịna ịvị ayị kwooze.