Imatiwu 20:23 - IWE ỌNỊNỊ

²³ Dị Ijeesu ka, “Ịzẹyịza yọ, ụ vaa sị akoo hú ụyọrị oni mi vee hú nịnị. Ama ẹmị ẹ yị nyị ọda ọyịkà a wụ nịnị ka aza ẹnyị ẹ̀ yaayịtẹ éyi ụvọrị amị, dị ọsa ọ̀ yaayịtẹ éyi ụvọha amị. Ada amị ọ vaa sịị yị aza ọnọọ sị ọọ tenyi tịtẹ yị nị.”

Imatiwu 20:23 ပူးပေါင်းရင်းမြစ်များ

Imatiwu 13:11

Di o tụ́ wa ohi, dị ọ ka, “Ohomorihi ọ raà mẹ ka wa yẹ nịnị ịrẹyị ịjọva Ada ayị ẹbẹẹba oni iruvo anị nyịnẹ. Ama ọza ẹ yị zẹẹ ka ẹnị ẹ̀ yẹ.

Imatiwu 20:24

Ịjị ezirẹma ẹẹwụ ana vọ maanị wụ́, dị ẹyaa kụ́ ayịị hi ẹyịnyara ẹẹva ẹnẹẹ nị.

Imatiwu 25:34

Ịjọnọọ dị Ohinọyị kà a yị aza ene hi eyi ụvọrị anị ka: ‘Wa vẹ nịnị, ẹwụ nịnị ana Ada amị raà mẹ ka ò zé yị! Ngụ ịzị Ohomorihi yà aa mẹ ịjọva, oni o si tenyi tịtẹ wụ nịnị, ẹ́hẹ mè hụrẹ nyima.

Ịmaakị 10:40

Ama ẹmị ẹ yị nyị ọda ọyịkà a wụ nịnị ka aza ẹnyị ọ̀ yaayịtẹ éyi ụvọrị amị, dị ọsa ọ̀ yaayịtẹ éyi ụvọha amị. Ohomorihi ọ vaa sịị yị aza ọnọọ sị ọọ tenyi tịtẹ yị nị.”

Odeyi 12:2

Ộ za Ijemiisi ẹnẹbẹnị Ịjọọnụ, ộ sị ụ̀hwọ̀ wụ̀ ọọ.

Aniroomi 8:17

Ị mẹ̀ sị vị ezi Ohomorihi aanị, ị rẹ vaa dọ ẹyịza oni Ohomorihi sị tịtẹ yị aza anị. Ẹyịrị Ikirisiti re dudu vaa dọ ẹyịza oni Ohomorihi raà sị tịtẹ yọ. Yàa rị ụya, anka Ikirisiti ọnị mẹ̀ rẹ rị ụya, ẹyị rẹ vaa nyịị tụ́ ịnị ụbanyị ọnị ọ nyị.

1 Anịkọrịntị 2:9

Ama áa vịdị chẹrẹẹ tụ́ ini Iwe Ohomorihi ka, “Ịsa ana ahịka ẹ yị nyị ọza ene re da, dị ọza ọọ̀yị sị ụtọ wụ́ ọọ, dị aza ẹ yị hyakụ sị ayị nọ ịnị anị, ịsa ẹnẹẹ Óhomorihi reè tenyi tịtẹ yị aza ene sì ịrẹyị anị nị.”

2 Anịkọrịntị 1:7

Yẹ yị jị wụ nịnị ịrẹka vụrụ-vụrụ. Yâ yẹ ka ụ mẹ nyị tụ́ ịnị ụya ọnị yaa rị nịnị, avọọ ụ mẹ rẹ vaa nyịị tụ́ ịnị ayị ayị ene vee hunẹnẹ nịnị nị.

Anikorasi 1:24

Maa jẹ booro aanị, agụvị ka maa rị ụya agụvị awụ nịnị. Maa rị ụya ana vọ ọnị Ikirisiti ka ma rị yị ịragụ Ohomorihi, ana jẹẹ yị ẹngụ Ikirisiti.

Anihiburu 11:16

Ama ẹnịnị ee sì ịzị e huna ẹkụra ẹnịnị ịyẹẹyẹ, ịzọọ ọ vị ẹkụra ihinẹba nị. Agụvị avọọ ụhị ọ yị nyị Ohomorihi, ẹ̀ẹ yaa hị́ ọ Ohomorihi ẹnịnị, agụvị ka ọ sị ẹkụra tenyi tịtẹ yị wa.

Ẹtore 1:9

Ẹma vị Ịjọọnụ ọyịnyara awụ nịnị nị. Ẹmịrị Ikirisiti ọ sị vị ọnya anka ẹwụ nịnị: vi i dudu aa rị ụya nị. Yâ nyị tụ́ ịnị ịjọva Ikirisiti, dị ị raa sị ẹngụụ dọ ụya anị nị. Â za mị na tụ́ ịnị ẹtẹ ana yà ịnị akakana òkū ana aā hị́ Ịpatịmọsị, agụvị ka maa kà ịrẹyị Ohomorihi oni Ijeesu dọ ivenu tụ́.