Imatiwu 20:21 - IWE ỌNỊNỊ

²¹ Dị ọ ka, “Si u wee sì ka ma mẹ yị wụ?” Dị ọ kà a yị Ijeesu ka, “Navọ, ịnị ụmẹ igirima awụ, ezi emi ẹyịva ẹnẹnị, ọnyara ọ̀ yaayịtẹ éyi ụvọrị awụ, dị ọsa ọ̀ yaayịtẹ éyi ụvọha awụ!”

Imatiwu 20:21 ပူးပေါင်းရင်းမြစ်များ

1 Ohinọyị 2:19

Ịzẹyịza di Ịbatịsẹba ne si tù Isoromọnị ohinọyị ka ọnị ọ̀ na kà ụtụ Adonija yọ nị. Di ohinọyị kwẹẹtẹ, ka ọnị ọ̀ na gẹrị ọ nị. Ọ mẹ̀ na sị gẹrị ọ, di ohinọyị tana tụra ẹtẹ dị ọ kụ́ ọ nị. Ịjị ọ sị ọ kụ́ dị ọ varẹma na yaayịtẹ ịnị aga anị nị. Dị ọ rẹ sị aga yị Ịbatịsẹba ọnyị ohinọyị, dị ọnị yaayịtẹ éyi ụvọrị ohinọyị nị.

1 Ohinọyị 3:5

Isoromọnị mẹ̀ yà Igibiya ịzọọ ẹkụhị ọnya, dị Ẹnẹyịmavara sị ẹngụ zụ̀ ọ ịnị ụra ịrahụ nị. Di Ohomorihi ka, “Huse ịsị wee si ka ma sị wụ!”

Ẹsịta 5:3

Dị ohinọyị họ̀ Ẹsịta ose ani ka ò mè re? Dị ọ kà Ẹsịta ò họ̀ use ịsa tụra ịsa ọnị ee sì ka ọnị vaa sị́ yọ, ọ̀ọ daka vị achẹva ogu ẹtẹ ịjọva anị.

Ahẹ Ụgama 110:1

Ẹnẹyịmavara ộ kà a yị Ananyị mị ka yaayịtẹ éyi ụvọrị amị pooro dị ma sị ọnịvị awụ tụ́ ịzị ụ vaa kụ́ ahụụ hị́.

Ahẹ Ụgama 45:9

Ezi ohinọyị nịnị ẹ vị ezi anẹẹ ene hi ini eehi awụ nị Ohinọyị, ose ewu vị ọnị ụ sị tụ́ udi ọbanyị ịzị ụ yà dị ọ hara igooru ọkụmị-ọkụmị hi ẹngụ.

Ijeremaya 45:5

Avọọ, asị ẹwụ Ibaruki kà a ka wee si ịsa ozoza-ozoza yị ẹngụ awụ, agụvị ka ọnị Ẹnẹyịmavara vaa kụ ẹngụkata tu avaba aza, ọ ka, ama ẹwụ Ibaruki, aha tụra aha ọnị waa nọ, ọnị ẹ́ yị vaa zẹẹ ka à nyị ịsị ẹ mẹ̀ ẹwụ.

Imatiwu 18:1

Ụmẹ ọnọọ gẹdẹ-gẹdẹ di ezirẹma Ijeesu kà vẹ, dị ẹ ka, “Ẹnẹ hu keekere ịzị Ohomorihi yà aa mẹ ịjọva?”

Imatiwu 19:28

Dị Ijeesu kà a yị wa ka, “Ịzẹyịza m maa kà a wụ nịnị nị, ẹwụ nịnị ana aa dụ mịị zị aanị, ịjị àa sị ẹhẹ vara ọwọọwa, dị ẹmị Ozi ọza onigirima sị yaayịtẹ ị́rẹsụ aga ohinọyị amị nị, ẹwụ nịnị rẹ vaa yaayịtẹ ị́rẹsụ aga ohinọyị ẹwụrẹva, dị waa mẹ̀ ọkarẹyị tụ́ ịrẹsụ Anisirẹrị ana vị ịrẹsụ ẹwụrẹva nịnị.

Imatiwu 20:22

ị Ijeesu tụ́ ohi, dị ọ ka, “Wẹ yị yẹ ịsị u wee họ̀ use nịnị. Wáá va zụụ sị akoo hú ụyọrị oni mi vee hú nịnị?” Dị ẹ kà a yọ ka, “Ya zụ mẹ̀ ẹ.”

Imatiwu 20:32

Dị Ijeesu jẹẹ, dị ọ hị́ wa vẹ nị, dị ọ ka, “Si u wee sì ka ma mẹ yị wụ nịnị?”

Ịmaakị 10:51

Dị Ijeesu ka, “Si u wee sì ka ma mẹ yị wụ?” Di ogweyi ọnọọ ka, “Ọga amị, mị ka mee re ẹtẹ nọ.”

Ịmaakị 16:19

Ịjị Ananyị yị maanị sị wa pe kà ịrẹyị, dị a sị ọọ nọ ẹbẹẹba nị, dị ọ na yaayịtẹ é yi ụvọrị Ohomorihi nị.

Ịmaakị 6:22

Ịjị ozi ọnẹẹ Iherodiya ọnọọ vẹ, dị ọ nyị ẹzẹ nị. Ẹzẹ ozi ọnẹẹ ọnọọ ô zé Ịhẹrọdị ọnịrị azọga anị eyi pooro. Dị Ịhẹrọdị ohinọyị kà a yị ozi ọnọọ ka: Ịsa tụra ịsa ene èe zé e eyi, ọ̀ họ̀ use ka ọnị vaa sịị yọ.

Iruuku 18:41

“Si u wee sì ka ma mẹ yị wụ?” Dị ọ ka, “Ananyị yị, aarịhịnị mị ka mee re ẹtẹ nọ.”

Iruuku 19:11

Aza màa wụ́ ịrẹyị ẹnẹnị, dị Ijeesu re che ụhịrẹyị ọnya tụ́ ọọ yị wa nị. Ijeesu aa gụrị Ijerusarẹmị, dị aza ee ro o ka obobooro ọnọọ Ohomorihi aa vaa sịị zụ̀ ọ mẹmẹ aa mẹ ịjọva nị.

Iruuku 22:24

Ezirẹma anị aa nyị ahankata ka ẹnẹ vị ene hu keekere ịnị ẹngụ ẹnịnị.

Ịjọọnụ 15:7

Wàa zẹẹ ka ẹmịrị ẹwụ nịnị ọ̀ vị ọnya, dị ịrẹyị amị yà ịnị ayị awụ nịnị nị, we zụ họ̀ use ịsa tụra ịsa ene èe zé wu nịnị eyi, ụ waa nyị ọọ nịnị.

Odeyi 1:6

Ẹkụhị ọnya, odeyi nịnị ệ kụ́ gụ ị́dị Ijeesu, dị ẹ họ̀ ọ ka, “Ananyị yị, ụmẹ óó si tù booro aanị ọnị ụ vaa mẹ ka Anisirẹrị nịnị ẹ̀ kụkụụ mẹ ịjọva ẹngụ ẹnịnị?”

Aniroomi 12:10

Wee sì ịrẹyị ẹngụ nịnị ẹtẹẹtẹrẹ, anka ẹyịnyara ini Ikirisiti meē sì ịrẹyị ẹngụ avọọ. Waa sị ụbanyịị yị ọnọhụva awụ huna ẹngụ awụ ụvọta.

Aniroomi 8:34

Áá nyị ọza ana kụkụ zụ jị ịvị yị wa? Ẹ yị nyị, agụvị ka Ijeesu Ikirisiti, ô wusu yị wa. Ohomorihi ộ hyakụ rẹ sị ọọ ha kwẹẹtẹ hụụnị isu bẹẹ. Ọ kụkụ yà eyi ụvọrị Ohomorihi booro aanị. Aa dá ịpẹ ịrẹyị ayịị yị Ohomorihi.

Anikorasi 3:1

Wáa yẹ nịnị ka a sị ẹwụrị Ijeesu ha hụụnị isu nịnị. Agụvị avọọ waa sị eyii tụ́ ịnị ịsa ana yà ẹbẹẹba, ịzị Ikirisiti yaayịtẹ éyi ụvọrị Ohomorihi.