Imatiwu 19:9 - IWE ỌNỊNỊ

⁹ Dị ma kà a wụ nịnị, ọza ene èe yi ose anị tịtẹ, ẹ̀ yị vị agụvị ịrẹkọyịsẹ, dị ọ na nyị ọsa nị, ộ sẹ̀ ịrẹka. Ọza ana àa nyị ọnẹẹ ene e yi tịtẹ, ọnị ọ rẹ sẹ̀ ịrẹka.”

Imatiwu 19:9 ပူးပေါင်းရင်းမြစ်များ

Oyinyima 20:3

Ama ịnị ịrahụ ịhị ọnọọ gẹdẹ-gẹdẹ, dị Abimẹrẹkị ra ụra re Ohomorihi nị. Di Ohomorihi kà a yọ dị ọ ka, “Wéē wusu, ẹwụ ọnọnị, agụvị ọnẹẹ ọnị ẹ na sị avọọ. Ọ̀ ka ọ́ọ́ yẹ ka ose onose yọ nị?”

2 Ịtọpa 21:11

Ộ da aha irenyi-irenyi ịzị aa hẹkẹ ori tụ́ aha ọrụrụ-ọrụrụ ana nẹba ịnị ẹtẹ Ijuda, dị ọ kụ́ Anijuda ọnịrị Anijerusarẹmị nịnị na rị ịvị Ẹnẹyịmavara.

Ijeremaya 3:1

Ẹnẹyịmavara kà, ọza ọ̀ọ jị ose anị ịjẹvụ, dị ose anị ọnọọ hụụ ịdị anị, dị ọ na va ọnọrụ ọsa nị, ọza ọnọọ ẹ yị kụkụ zụ dọ ọ varẹma. Ọza ọnọọ ọ̀ọ dọ ọ varẹma, ọ sị ẹtẹ du saka-saka. Ama, ẹwụ nịnị Anisirẹrị, ẹwụrị onyeehi ọrụrụ ọ na ra sẹ̀ ịrẹka zịịzị. Ụ́ wáá kụkụ a vaa vàa ka mịị vẹ nịnị booro aanị nị?

Ijeremaya 3:8

Ọ kà, Ijuda ẹnẹẹ yị nyị ịzẹyịza vị onyeyiza Isirẹrị. Oo re ka ọnị ộ jị Isirẹrị ịjẹvụ, dị ọnị da uwe yọ, dị ọnị dụ ọ kana kwooze nị, agụvị ka ộ và ịrẹma ka ọnị, ọ naa sẹ̀ ịrẹka. Ama angwa ẹ yị hụvị avọọ hi Ijuda, ọnị ọ́ rẹ naa sẹ̀ ịrẹka ụhị ẹ yị nyị ọ.

Ezikẹẹrị 16:15

Ama waa hụ̀ agụvị uzoza awụ ọnịrị agụvị ka waa ngụrẹyị dị ụ kụkụ aa sẹ̀ ịrẹkaa zị nị.

Ezikẹẹrị 16:29

Ẹwụrị Anibabironi nịnị anaa sẹ ohu ẹtẹẹtẹrẹ ê dudu sẹ̀ ịrẹka, ama ẹ́ yị hụ wụ.

Ezikẹẹrị 16:8

Ọ kà ọnị mẹ rẹ vanaa paraahu dị ọnị ré wụ, ọnị ô ré ka wa sị hụụ ọ họ̀ ịrẹyị. Ọnị ộ chire wu awuru ka we si ku ahwaahụ awụ, dị ọnị ka ọnị oo sì ịrẹyị awụ nị. Ẹnẹyịmavara Ananyị ụkata hu ka, ịzẹyịza, ọnị ộ kà a ka ọnị vaa nyị wụ, dị ụ kụkụ sị vara áanị.

Imatiwu 19:10

Dị ezirẹma anị kà a yọ ka, “Àa vị aanị ị́rẹyị ẹvarose mẹ̀ yà nị, wáá yẹ ka o yi zoza ka ọza ọ̀ nyị ọnẹẹ?”

Imatiwu 19:8

Dị Ijeesu kà a yị wa ka, “Agụvị ayị ọkatẹngụ awụ nịnị Imosiisi sị zẹẹ ka we yi ose ewu nịnị nị. Ama hụrẹ ụmọrụmọ ẹyị vị avọọ ọ mẹ̀ vịdị yà.

Imatiwu 5:32

Ama ẹma kà a wụ nịnị nị ka ọza ene èe yi ose anị, ẹ̀ yị vị ọ hụhụ sẹ̀ ịrẹka, ọ́ọ mẹ̀ ẹ ka ọ̀ sẹ̀ ịrẹka, ọ̀ọ na nyị ọnọrụ ọsa. Ọza ana àa nyị ọnẹẹ ọnọọ ene e yi, vị ana rẹ sẹ̀ ịrẹka.”

Iruuku 16:18

Ọza ene èe yi ose anị, dị ọ na nyị ọsa nị, ộ sẹ̀ ịrẹka. Ọza ana àa na nyị ọnẹẹ ene e yi tịtẹ, ọnị ọ rẹ sẹ̀ ịrẹka.”

1 Anịkọrịntị 5:1

Aza aa kà a ka áa nyị aza ẹnyị ịnị ẹngụ awụ nịnị ana aa mẹ ụnọ. Ikenhweri nịnị ẹ yị hyakụ nyayịnẹ vavọọ mẹ ụnọ. Ho! A ka aza ẹnyị awụ nịnị aa sị ose ada anị.

1 Anịkọrịntị 7:39

Ọnẹẹ ọnị ọva anị ọ̀ọ yị yàra, ọda ọ yị zẹ ẹ ka ọ̀ kụkụ na va ọnọrụ ọsa. Ama ọva anị òo wusu, óo re oze na va ọza ene zé eyi anka Ohomorihi mè sì ọọ.

1 Anịkọrịntị 7:4

Ọnẹẹ ọ yị nyị ọda ọchẹngụ anị; ọva anị ọ nyị ọda anị. Ọnọrụ ọnị ọ yị rẹ nyị ọda ọchẹngụ anị, ose anị ọ nyị ọda anị nị.