Imatiwu 19:14 - IWE ỌNỊNỊ

¹⁴ Ama dị Ijeesu kà a yị wa ka, “Navọ ezi eweyi nịnị ẹ̀ vẹ ịda amị, asị ụ dọ wa oro, agụvị ka ẹngụ ẹnịnị ẹ nyị ịzị Ada ayị ẹbẹẹba yà aa mẹ ịjọva nị.”

Imatiwu 19:14 ပူးပေါင်းရင်းမြစ်များ

Oyinyima 21:4

Ịjị ozi anị ọnọọ sị gụ ẹkụhị ịhịnta ana a ma a, dị Abụrahamị jị ọ ụvẹvẹnẹ nị. Avọọ Ohomorihi mẹ̀ mẹ̀ ẹ ọdaa yọ nị.

Imatiwu 11:25

Ịjọnọọ dị Ijeesu ka, “Ọga, ana nyị ẹbẹẹba ọnịrị ẹhẹ! Mâ kụ́ wụ avọ, agụvị ka ịsa ọnị ụ sị tẹ yị aza ana yẹ ịsa, wa raà sị zụ̀ aza ẹnẹ ẹ̀ yị nyị ịsị ẹ yẹ.

Imatiwu 18:3

dị ọ ka, “Ịzẹyịza m maa kà a wụ nịnị, ẹ̀ yị vị ụ vara ebira awụ nịnị dị ụ wa yà anka ozweyi avọọ, wẹ yị vaa ngụ ịzị Ada ayị ẹbẹẹba yà aa mẹ ịjọva nịnị vụrụ-vụrụ.

Imatiwu 19:15

Dị ọ sị ụvọ tụra wa, dị ọ hụụ ịzọọ nị.

Imatiwu 5:10

Aza ana àaa sị ụyaa rị agụvị ịrẹyị ịzẹyịza vaa daa jẹ, agụvị ka ẹnị ẹ vaa ngụ ịzị Ada ayị ẹbẹẹba yà aa mẹ ịjọva nị.

Imatiwu 5:3

“Aza ana yẹ ka ẹnị ẹ̀ yị yẹ Ohomorihi a mẹ̀ vọrọ, vaa daa jẹ, agụvị ka ẹnị ẹ vaa ngụ ịzị Ada ayị ẹbẹẹba yà aa mẹ ịjọva nị.

Ịmaakị 10:14

Íjeesu mè re wa, ayị ọ sị kụ́ ọọ. Dị ọ ka, “Navọ ezi eweyi nịnị ẹ̀ vẹ ịda amị! Asị ụ dọ wa oro, agụvị ka ẹngụ ẹnẹnị ẹ nyị ịzị Ohomorihi yà aa mẹ ịjọva nị.

Ịmaakị 10:15

Ịzẹyịza, m maa kà a wụ nịnị nị, ọza tụra ọza ẹnẹ ẹ̀ yị dọ ịjọva Ohomorihi anka ózi oweyi mẹ̀ẹ̄ dọ, ọ yị zụ ngụ ịzọọ.”

1 Anịkọrịntị 14:20

Ẹwụ nịnị ẹyịnyara amị, asị u rè ro ịrẹyị anka ezweyi nịnị! Re ka wee ro ịrẹyị anka ọza ana sị vịra! Wâ yẹ ka ezweyi ẹ mā mẹ̀ ịsa odivi; ẹwụ nịnị ọ̀ rẹ vavọọ yà anka ezweyi!

Ọdọvịdị 13:7

Ọ kà anggẹẹrị ọnọọ ộ ka ẹ yị ọnị ka ọnị ọ sị ụtọ pe ịrẹyị anị. Dị ọ ka ọnị ve zyẹẹ, dị ọnị ma ozi ọnọrụ ọnyara. Ọọ rẹ kà a yị ọnị ka asị ọnị nyayịnẹ hu eche a vị ịsa ọnyọọnyị anaā mẹrị ọza, dị asị ọnị rẹ rị ịsa enyisi ọnyọọnyị agụvị ka ozi ọnọọ vị ana vaa sịị tụ irenyi yị Ohomorihi hụrẹ ụmẹ ana a sị ma a pooro dị o su.

1 Ịsamụwẹrị 1:11

Ọ kà, “Ẹnẹyịmavara Ochẹtẹẹngụ, wèe re ụya ọnị maa rị aanị, dị ụ sị ozi ọnọrụ ọnyaa yị mị, ẹwụ mị vaa varẹma sịị yị pooro ịnị avaba ẹhẹ anị nị. Mẹ yị vaa kụ́ ọ ịrẹsụ pooro.”

1 Ịsamụwẹrị 1:22

Ịhaana ọnị ọ yị nọ ịnị ịrayị ọnọọ. Dị ọ kà a yị ọva anị ka ozi anị ọ̀ọ sị jị irenu ịrẹva ọnị vaa sị ọ naa yị Ẹnẹyịmavara, dị ọ kụkụ yà ịzọọ pooro.

1 Ịsamụwẹrị 1:24

Ísamuwẹrị mẹ̀ sị jị ịrẹva dị ọ yị vị ozweyi, dị Ịhaana sị ọ dị ọnịrị ọ zị nọ ịda Ẹnẹyịmavara Isiro nị. Ọ́ màa na, ộ sị imaaru ịrayị ẹẹta ne beri ayị ọgụvọ ẹẹhị ọnịrị eche okoko ọnya za nị.

1 Ịsamụwẹrị 2:18

Ịsamụwẹrị ọnị vi ene chire ịhamịra ana a sị ịta ozoza hi, dị aa mẹ ụkọrọọ yị Ẹnẹyịmavara.