Imatiwu 18:25 - IWE ỌNỊNỊ

²⁵ Ò yi mè zụ sí ọọ, dị ọga anị mẹ ọda ka à ná ọnịrị ose anị beri ozi anị ọnịrị avaba ịsa ọnị ọ̀ọ nyị, di è si sí ụta nị.

Imatiwu 18:25 ပူးပေါင်းရင်းမြစ်များ

2 Ohinọyị 4:1

Ẹkụhị ọnya, osoku ịnya ịnị ọnịsẹ nịnị ô ve tu Erisa, dị aa jị òrèrè nị. Ọ kà, ọva anị ô wusu, dị Erisa yẹ ka ộ hí angwa Ẹnẹyịmavara ẹtẹẹtẹrẹ. Ama â nyị ọnọrụ ọnya ọnị ọva rị ụta ẹkẹhị. Ọza ọnọọ ộ vẹ ka ọnị aa vaa kụ ezi ọnọrụ anị ẹyịvaa sị́ ụta, dị ẹ̀ kụkụ na vị ọrịhị anị.

Inehemaya 5:5

Ẹ kà ẹnịrị Aniju ana maanị aa mẹ ẹnị aanị vị ọnyọọnya. Ezi aza ẹnyị e yi huna ọsa. Ama dị ẹnị sị ụkata-ụkata za ezi anọrụ ọnịrị anẹẹ ẹnịnị ọrịhị yị wa nị. Ẹnị ẹ sị tụ ọkụmị tụ wa ụvọ agụvị ka ẹ raà dọ ẹnị aarẹ ọnịrị ụbazị ịvayịnị ẹnịnị.

Inehemaya 5:8

Ịjị aza sị gụ, dị mị ka, yâ sị vụrị ka ẹnị yậ hị́ anda ayị Aniju ana a ná yị anẹkụra ọsa nịnị, ama ẹwụ nịnị aa ná anda awụ nịnị ka ya varẹma rẹ na hị́ wa aanị nị. Dị ọzọza za ku sisisi, dị ẹ yị nyị ọza ana nyị irenu ha nị.

Ọyịkụra 21:2

Wàa na hị́ Anihiburu ọrịhị, ọ vaa mẹ ụkọrọọ wụ mẹ ịrayị ịhịnọnyị. Ịnị ịrayị ana gụ ọ ịrayị ịhịmba dị ụ naavọ ọ̀ọ na kẹnẹ. Ẹ yị nyị ụta oni o vee sìi yị wụ.

Ọyịkụra 22:3

Ama eyi ọ̀ọ sị nị dị ọ vavọọ wụ oyi nị, ọ vaa rị rị ịvị ka ộ wụ̀ ọza. Ọza òo yi oyi, ò si ụta varẹma. Ọ̀ yị nyị ịsị a vọrọ ka ò si si ụta oyi oni o yi.

Ayịsaya 50:1

Ẹnẹyịmavara kà, ẹnịnị wéé ro ka a ọnị dụ aza anị jịnẹ anka ọnọrụ ene yi ose anị tịtẹ avọọ nị? Ẹnịnị wéé ro ka ọnị ná wa ọrịhị nọ ẹkụra ọsa anka ọza ana ná ezi ọrịhị avọọ nị? Eyiyee de! Ịvị Ọnị ệ mẹ̀ ọ mẹ ka a za wa ọrịhị nọ ẹkụra ọsa nị. Agụvị ebira odivi ẹnịnị a dụ wa jịnẹ nị.

Ireevi 25:39

Ẹnẹyịmavara kà, osiye ọ̀ọ za Anisirẹrị ọnyọọnyị pooro dị ọ ná ẹngụ anị ọrịhị yị ọnọhụva anị Anisirẹrị nị, à sị ẹ za a mẹ̀ ụkọrọ orihi o.

Imatiwu 18:24

O mè nyima kẹnẹ, â sị ọnụta ọnya anị ngụ eehi ve tù ọọ ana rị ọọ ụta akàaka.

Iruuku 7:42

Ịjị ẹnị ẹyịva è yi zụ sí ụta, dị ọ và hụụnị anị yị wa saka-saka nị. Kà a mị di a re, ene vee sì ịrẹyị ọza ọnọọ hu ịnị ẹnị ẹyịva?”