Imatiwu 18:20 - IWE ỌNỊNỊ

²⁰ Agụvị ka ịzị aza ẹnị ẹẹva, àa vị ẹẹta kụ́ ẹngụ gụ ịnị ịrẹha amị, mị vaa yà ịnị akakana ẹnịnị.”

Imatiwu 18:20 ပူးပေါင်းရင်းမြစ်များ

Oyinyima 49:10

Ijuda, ẹwa vaa vi ohinọyị nị. Ẹ yị nyị ọza ana vaa dọ wụ ohinọyị. Aza vaa kụ̀ ịsa ẹtẹ vaa wụ, anẹhẹ vị ana vaa vẹ vaa kụ̀ wụ, ịsa ẹtẹ ini Ihiburu a ka Isiro. Ọza ọ yị yẹ ịsị ẹ vị iruvo anị booro.

Ọyịkụra 20:24

Tụ ụvụ dụ wa sị jị ụta mị nịnị. Ẹvụ ọnịrị imaaru ọnị ụ wàa sị va mẹ̀ ịsọvọ ana aā rị ịra, dụụ rị ọ ịra ịrẹsụ ụta ọnọọ nịnị. Wàa raa mẹ̀ ịsọvọ ene e duduū rị, ịrẹsụ ụta ọnọọ ụ rẹ vaa yàa mẹ̀ ẹ mị nịnị nị. Ịzị màa nyị ka wa yàa hẹkẹ mị nịnị, ịzọọ mị vaa yàa mẹ ka ò zee wu nịnị nị.

Ezikẹẹrị 46:10

Ẹnịrị ohinọyị ẹkụra ẹ vaa zịị ngụ eehi, dị ọ rẹ saasa wa na jịnẹ nị.

Ịzakaraya 2:5

Ẹnẹyịmavara kà a ọnị ụvọta vee sere wa, dị ọnị vị́ ịra kara wa anka ọvọ avọọ. Ụbanyị anị vaa ya ịnị ayị ẹnịnị.

Imatiwu 18:21

Dị Ipita ve tù Ijeesu, dị ọ họ̀ ọ use ka, “Ananyị yị, ụ́pẹ yà ọnọhụva amị vaa mẹ mị ịrẹyị, dị ma yịị vagu ọọ? Ụpẹ ịhịmba wáá yọ?”

Imatiwu 28:20

Sị zụ̀ wa nịnị ka ẹ̀ẹ saasa avaba ịsa ọnị mị mẹ ọda anịị wụ nịnị! Tamayị, mị vaa yàa pe wu nịnị ịnị avaba ụmẹ pooro ne tù ọdịrẹma ẹhẹ.”

Ịjọọnụ 20:19

Oruva ịhị ọnọọ gẹdẹ-gẹdẹ ana vị ẹkụhị ọsẹ, dị ezirẹma Ijeesu kụ́ gụ hi ini eehi, di e chire oze hi ẹngụ nị, agụvị ka angwa Aniju nịnị ee hí wa. Dị Ijeesu vana va jẹẹ ịnị akakana ẹnịnị, dị ọ kụ́ wa ka, “Ẹngwọọrọ ọ̀ vị awụ nịnị!”

Ịjọọnụ 20:26

Ịrẹma ẹkụhị ịhịnta para hu, di ezirẹma Ijeesu rẹ kụ́ gụ hi ini eehi nị. Ịtọmọsị kụkụ yà ịzọọ pe wa. Oze vị vị oyichire, dị Ijeesu rẹ vana va jẹẹ ịnị akakana ẹnịnị nị. Dị ọ rẹ kụ́ wa ka, “Ẹngwọọrọ ọ̀ vị awụ nịnị!”

Ịjọọnụ 8:58

Dị Ijeesu kà a yị wa ka, “Ịzẹyịza m maa kà a wụ nịnị nị, dị a va yẹ ka aa ma Abụrahamị, mị hụrẹ yà ịzọọ nị.”

1 Anịkọrịntị 5:4

Kụ́ gụ nịnị ịnị ịrẹha Ijeesu Ananyị yị, ka ayị amị vaa yà ịdị awụ nịnị, dị ụ wa sị ụkata Ijeesu Ananyị yị,

1 Anịtẹsaronika 1:1

Ẹmị Ịpọọrụ beri Isirivanọsị ọnịrị Itimoti aa chẹrẹ iwe ọnọnịị tụ́ụ hi anịragụ Ohomorihi ana yà ẹkụra Ịtẹsaronika nị. Ẹnịrị Ohomorihi Ada ọnịrị Ijeesu Ikirisiti Ananyị yị ẹ sị vị ọnya. Ohomorihi Ada ayị ọnịrị Ijeesu Ikirisiti Ananyị yị ẹ mẹ ọyịza wụ nịnị, dị ẹ rẹ sị ẹngwọọrọ yị wụ nịnị!

Ihwirimọnị 1:2

Ị raa sị iwe ọnọnịị tụ́ụ hi anịragụ anaā kụụ gụ ịdị awụ, beri Apiya onyeyiza ayị ini Ikirisiti, ọnịrị Achipọsị ẹnẹ ẹyịrị dudu vị isoja Ijeesu.

Ẹtore 2:1

(Ọza oni mi re ka): Chẹrẹ iwe tụ́ hi anggẹẹrị ana sị eyi pe ịragụ Ohomorihi ana yà Ẹhwẹsọsị ka: Ọza ana kụ́ ụzọmị ịhịmba tụ́ ịnị ụvọ anị dị aa zị ụsẹ ịnị akakana ịzị aā sị ozotupaa tụ́ ịhịmba ana a sị igooru mẹ avọọ, ọ tụ́ mị ụtụ ọnọnị nị:

Ẹtore 21:3

Dị mị wụ́ ọngwẹ ọbanyị ọnya hụrẹ ẹbẹẹba vẹ, dị ọ ka, “Re! Irehi Ohomorihi yàrị aza. Ohomorihi yàrị aza. Ohomorihi vaa raa pe wa, dị ẹ vị aza anị. Dị Ohomorihi ọnị ụvọta yà ịda ẹnịnị, dị ọ vị Ohomorihi ẹnịnị.