Imatiwu 16:6 - IWE ỌNỊNỊ

⁶ Dị Ijeesu kà a yị wa ka, “Sị eyi pe ẹngụ awụ nịnị agụvị òwù Anihwarisi ọnịrị Anisadusi nịnị.”

Imatiwu 16:6 ပူးပေါင်းရင်းမြစ်များ

Ireevi 2:11

Asị a nyị ịbụrẹdị ana a sị a vaa yị Ẹnẹyịmavara, dị a sị owu tụ ọ. Wẹ yị nyayịnẹ sị owu avị ẹhụ tụ ịnị ịsọyịrị ana aa sị va yị Ẹnẹyịmavara; ka ẹ́ yị nyị ịsa ana a sị owu à vị ẹhụ tụ ana aa rị ịra yị Ẹnẹyịmavara.

Imatiwu 16:1

Anihwarisi nịnị ẹnịrị Anisadusi nịnị ệ ká Ijeesu vẹ ka ẹnị ẹ̀ va zama a re. Dị ẹ ka ọ̀ sị ụkọrọ ohyozirenu hụụnị ihinẹba zụ̀ ẹnị nị.

Imatiwu 16:11

Aanịka wẹẹ̀ yị yẹ nịnị ka ẹ yị vị ịrẹyị ịsọyịrị m maa kà a wụ nịnị? Ama mị ka wa sị eyi pe ẹngụ awụ nịnị agụvị òwù Anihwarisi ọnịrị Anisadusi nịnị.”

Imatiwu 16:12

Ịjọnọọ dị ezirẹma anị sị yẹ ka ẹ yị vị òwù ana a sịị̄ tụ́ ịnị Ịbụrẹẹdị ọ ka ẹnị ẹ̀ hụ agụvị avọọ sị eyi pe ẹngụ ẹnịnị, ama agụvị ịsa ana Anihwarisi ọnịrị Anisadusi nịnị aa sịị zụ̀ aza aa kà nị.

Imatiwu 16:5

Ézirẹma anị mẹ̀ jịnẹ nọ akẹnẹ irehu, ayị ô hí wa, ẹyị sị ịsọyịrị za.

Imatiwu 16:7

Dị ẹyaa kà a yị ẹngụ ka, “Wáá yẹ ka agụvị ka yẹ yị sị ịsọyịrị za yọ nị?”

Imatiwu 3:7

Ama òo mè re ka ọrụrụ-ọrụrụ ịnị Anihwarisi ẹnịrị Anisadusi nịnị ệ vẹ ka à mẹ̀ ọyịhwọzenyi yị ẹnị, dị ọ kà a yị wa ka, “Ẹwụ nịnị ezi ibe, ẹnẹ va kà wụ nịnị ọ̀nọ̀ ka we zwè yị ọyịkụ Ohomorihi anaa vẹ?

Ịmaakị 8:15

Dị Ijeesu kà wa ọnọ ka, “Sị eyi pe ẹngụ awụ nịnị agụvị òwù Anihwarisi nịnị ọnịrị òwù Ịhẹrọdị, oo!”

Iruuku 12:1

Ọ́kọnị aza mẹ̀ wara gụ tawụ-tawụ, dị ẹ yaa kụ́ ahụụ hi ẹngụ, dị Ijeesu vịdị kà a yị ezirẹma anị ka, “Sị eyi pe ẹngụ awụ nịnị agụvị òwù Anihwarisi nịnị, oo! Ogevegeve ẹnịnị m maa kà avọọ nị.

Iruuku 12:15

Dị ọ rẹ kà a yị wa ka, “Sị eyi pe ẹngụ awụ nịnị, dị ụ wa rẹ sị ụvọ za ẹngụ awụ nịnị ịnị ịrẹyị eyọhụrẹ o, agụvị ka ẹ yị vị ogu ọnị ọza nyị ọ vị ẹhẹ ọnọọ vẹ.”

Ịjọọnụ 4:33

Dị ezirẹma anị aa họ̀ ẹngụ use ka, “Ẹwáá ka vị a nyị ọza ana sị ịsọyịrị va yọ nị?”

Anigaratiya 5:9

Wáa yẹ nịnị ka òwù kiiki aanị, ọ zụ ngụ ịsa ọbanyị, di o si oo wù ẹtẹẹtẹrẹ.