Imatiwu 16:25 - IWE ỌNỊNỊ

²⁵ Ọza tụra ọza ana aa ka oni ee tenyi ụhwẹ anịị tẹ, vi ee vú ọọ nị; ama ọza ene èe ne ụhwẹ anị ta agụvị amị, vị aa sị ọọ tẹ nị.

Imatiwu 16:25 ပူးပေါင်းရင်းမြစ်များ

Ẹsịta 4:14

Ọ kà à kà a yọ ka òo sị irenu anị kú oku, dị ẹ yị tụ́ ohi nị, ọnọgụmvọ vaa hụrẹ aha ọsa vẹ, dị ọ va dọ Aniju nịnị tụ́. Ama ọ̀ yẹ ka ọnịrị ovwoovu ada anị vi ene vee vú ẹtẹ. Ọ rẹ ka ẹnẹ yẹ ẹyịyara ahịka agụvị ụmẹ ẹngụkata ọnọnị a sị sị Ẹsịta tụ́ udi ọnọnị ịdị ohinọyị nị.

Ẹsịta 4:16

ọ̀ kụ́ avaba Aniju ọnị òo re gụ ẹkụra Isusa. Dị à kà yị wa ka asị ẹ rị ịsa, dị asị e hú enyi pooro na ngụ ẹkụhị ẹẹta. Ọ kà avọọ gẹdẹ-gẹdẹ ọnịrị ezi ahụ anị mẹ̀ rẹ vaa mẹ nị. Ịrẹma ẹsẹnị ọnị ve nee tù ohinọyị. Ọ kà ọnị ọ daka yẹ ka ọda ọ yi vavọọ zẹẹ; ọnị ọ̀ọ daka hụvị avọọ su, ọnị ọọ dọ.

Ịrẹyị Ọzwọzịsa 3:6

Aa nyị ụmẹ ene e sii hèe ịsa, dị a nyị ụmẹ ọnị ịsa sii vu nị. Aa nyị ụmẹ ana a sịị sị ịsa tẹ, dị a nyị ụmẹ ene e sii ne ịsaa ta nị.

Imatiwu 10:39

Ọza ana àa ka ọnị aa sị ụhwẹ anịị tẹ, vi ee vú ọọ nị. Ọza ene èe ne ụhwẹ anị ta agụvị amị, vị aa sị ọọ tẹ nị.

Imatiwu 16:26

Ọza ọ̀ọ sị avaba ẹhẹ rị ọgụ, dị ụhwẹ anị vene si vú nị, ọgụ ịsị ọza ọnọọ kụkụ va rị? Sị ọza vaa sị vara ụhwẹ anị?

Ịmaakị 8:35

Ọza tụra ọza ana àa kà a ka ọnị ee tenyi ụhwẹ anịị tẹ, vi ee vú ọọ nị. Ama ọza ene èe hí ayị ẹngụ anị agụvị amị ọnịrị agụvị enube ọyịza, ọnị ụ́hwẹ anị vaa há nị.

Iruuku 17:33

Ọza ene èe sì ka oni èe tenyi ụhwẹ anịị tẹ, vi ee vú ọọ nị. Ọza ene èe ne ụhwẹ anị ta, ọnị ọ sị ọọ tẹ nị.

Ịjọọnụ 12:25

Ọza ene èe sì ịrẹyị ụhwẹ anị, vi ee vú ọọ nị; ama ọza ene èe hí ayị ụhwẹ anị ịnị ẹhẹ ọnọnị, ọnị ụ́hwẹ anị vaa yàra nị, dị ọ yàra ịdị Ohomorihi pooro zịna-zịna.

Ẹtore 12:11

Ẹwụ nịnị ẹyịnyara amị e reè huna a ini oze anya Ozi Atẹmẹ ọnọọ ọnịrị ịrẹyị Ohomorihi ẹnẹ ẹyaa dọ ivenuu tụ́. Ệ dọ ka ẹnị ẹ̀ hụ rẹ ẹhẹ ẹnịnị ụvọ dị eni è sú.