Imatiwu 16:24 - IWE ỌNỊNỊ

²⁴ Dị Ijeesu kà a yị ezirẹma anị ka, “Ọza tụra ọza ana àa ka ọnị aa dụ mịị zị, â nyị ka ò hí ayị ẹngụ anị, dị ọ̀ za apavahị anị, dị ọ̀ọ dụ mị ịrẹmaa zị.

Imatiwu 16:24 ပူးပေါင်းရင်းမြစ်များ

Imatiwu 10:38

Ọza ẹnẹ ẹ̀ yị sị apavahị anị dị ọ̀ sịị dụ mị ịrẹma, ọ yị hụ ọ vị áamị.

Imatiwu 27:32

Ẹ mẹ̀ sị ọọ aa na, ê re Anisayireni ọnya aanị. Aā hị́ ọọ Ịsayịmọnị. Dị ẹ sị ụkata za a ka ọ̀ va za apavahị Ijeesu nị.

Ịmaakị 10:21

Ijeesu ô re ọnọrụ ọnọọ pooro, ô sì ịrẹyị anị, dị ọ kà a yọ ka, “Ọ sị vọ ịsa ọnya chọchọchọ ana a vọrọ ka wa mẹ: Na, ná avaba ogu ọnị ụ nyị, dị ụ wa sị ẹkẹhị anị mẹ ọpịsarị nịnị ẹyịza, dị ụ wa nyẹngụ nyị ogu tụ́ ịdị Ohomorihi, dị ụ wa vẹ, dị ụ wa vaa dụ mịị zịịzị!”

Ịmaakị 15:21

Ẹ mẹ̀ sị ọọ aa na, ê re ọza ịnya aanị ana aa parahu, ọ mẹ̀ hụrẹ aarẹ aa vẹ. Aā hị́ ọọ Ịsayịmọnị Anisayireni; ọnị ọ vị ada Arẹkịsanda ọnịrị Iruhwọọsị nị. Dị ẹ sị ụkata za a ka ọ̀ va za apavahị Ijeesu nị.

Ịmaakị 8:34

Dị Ijeesu hị́ ọkọnị aza ọnịrị ezirẹma anị, dị ọ kà a yị wa ka, “Ọza tụra ọza ana àa ka ọnị aa dụ mịị zị, â nyị ka ò hí ayị ẹngụ anị, dị ọ̀ za apavahị anị, dị ọ̀ọ dụ mị ịrẹmaa zị.

Iruuku 14:27

Ọza ẹnẹ ẹ̀ yị rẹ za apavahị anị dị ọ̀ọ dụ mịị zị, ọ yị zụ vị ozirẹma amị.

Iruuku 23:26

Ẹ mẹ̀ sị Ijeesu aa na, ê re ọza ịnya aanị ana hụrẹ aarẹ aa vẹ. Aā hị́ ọọ Ịsayịmọnị Anisayireni. Dị ẹ sị ụkata za a, ka ọ̀ va za apavahị Ijeesu, dị ọ̀ọ dụ ọọ na nị.

Ịjọọnụ 19:17

Dị Ijeesu jịnẹ tụ́ ẹhẹ, dị ọ za apavahị anị, dị ọ sị ọ aa nọ aha ọnya aanị ana aā hị́ “Aha akokoro ịrẹsụ” ọnị Anihiburu anaā hị́ ịzọọ “Ịgọrịgọt”.

Ịjọọnụ 21:19

Ịrẹyị ọnọọ vị oni Ijeesu kà, dị aa sịị zụ̀ ẹngụ isu oni Ipita vee sú, dị ọ̀ sị sị igirima yị Ohomorihi. Ịjị Ijeesu vavọọ sị kà, dị ọ rẹ ka, “Waa dụ mị ịrẹma!”

Ịjọọnụ 21:22

Dị Ijeesu tụ́ ọ ohi, dị ọ ka, “Mèe sì ka ọ̀ yàra dị ma vavẹ, ịzị ọnọọ gẹ wụ? Ẹwàa dụ mị ịrẹma!”

Odeyi 14:22

Ệ tụ́ ezirẹma nịnị ọtụtụrụma, dị ẹ kà a yị wa ka ẹ̀ jẹẹ geri-geri ịnị ẹdọwụ ẹnịnị nị. Dị ẹ ka, “Â nyị ka ya há ụyọrị ọrụrụ-ọrụrụ na jịnẹ, dị ya va na ngụ ịzị Ohomorihi yà aa mẹ ịjọva.”

Anikorasi 1:24

Maa jẹ booro aanị, agụvị ka maa rị ụya agụvị awụ nịnị. Maa rị ụya ana vọ ọnị Ikirisiti ka ma rị yị ịragụ Ohomorihi, ana jẹẹ yị ẹngụ Ikirisiti.

1 Anịtẹsaronika 3:3

agụvị asị ana nyị ọza ana vara ayị ịnị awụ nịnị agụvị ụya ọnị ụ waa rị nịnị aanị. Ẹwụ nịnị nyẹmba ọ́ọ yẹ ka ụyọrị yà ịnị ịsa oni Ohomorihi sì ka ò tù yi.

2 Itimoti 3:12

Avaba aza ẹnẹ ẹnịrị Ijeesu sị vị ọnya, dị eyee sì ka ẹnị ẹ̀ẹ m ẹ ebira oni Ohomorihi sì, a vaa sị ụyaa rị wa.

1Ipita 2:21

Oze oni Ohomorihi hị́ wụ nịnị tụ́ ọ vị ọnọọ nị, agụvị ka Ikirisiti nyẹmba ộ rị ụya yị wụ nịnị. Ộ tụ́ oze tịtẹ yị wụ nịnị ka wa vavọọ sị ahụ anịị hi ẹtẹ nịnị.