Imatiwu 16:23 - IWE ỌNỊNỊ

²³ Ama dị Ijeesu vara eyi dị ọ kà a yị Ipita ka, “Ẹwụ echu, và ị́rẹma amị! Ariro ọza ụ nyị nị, ẹ yị vị ariro Ohomorihi.”

Imatiwu 16:23 ပူးပေါင်းရင်းမြစ်များ

Oyinyima 3:17

Di Ohomorihi kà a yị Adamị dị ọ ka, “Ịrẹyị ose anị ọ na sị mẹ̀ ụkọrọ, dị ọ na rị ẹtụtụ ọchị ọnị ọnị ka ọ yị nyayịnẹ rị nị Ọ kà avọọ, ọnị ọ raà hụ agụvị anị chì hi ẹtẹ. Ọ kà pooro ịnị avaba ẹhẹ anị vị ọ vaa rị ụya nị”.

2 Ịsamụwẹrị 19:22

Ama di Idevidi kà, “Yere ana jị gẹ ẹmịrị ẹwụ nịnị aanị, ẹwụ ezi Izeruya? Sị ẹ vẹ di wee sì ka wa kụ́ ịrẹyị tù mi ajịnị? Ẹma vị ohinọyị Isirẹrị nị, ẹ yị nyị ọza ana a vaa wụ̀ ajịnị ịnị ẹtẹ Isirẹrị.”

1 Ịtọpa 21:1

 nyị ụmẹ ọnya ọnị Echu sì ka ọnị ọ̀ kụ ẹngụkata tu Anisirẹrị nịnị. Dị ọ mẹ ka Idevidi ọ̀ kà a ka à za aza ịrịka nị.

Ayịsaya 8:14

Ọ rẹ ka ọnị vị ọnịnị. Agụvị avọọ ọnị vị ana sị mẹẹ anka ịrẹta ana aza và anggaa jịnẹ dị ẹ hyẹdụ avọọ yị Anijuda ọnịrị Anisirẹrị. Dị ọ rẹ ka ịrẹpa ọnị vị yị Anijerusarẹmị nị.

Imatiwu 16:22

Dị Ipita hị́ ọọ nọ oboka ọnya, dị aa tụ́ ọọ ohuvọ nị, dị ọ ka, “Ọchọnọyịrẹsụ awụ, Ọga! Ịsị ụ waa kà aanị, ọ yị vaa mẹ wụ!”

Imatiwu 18:7

Anẹhẹ ẹ sị dà agụvị ịsị ẹẹ̄ mẹ ọzaa mẹ ịvị. Ẹ yị zụ nyị ka ịsị ẹẹ̄ mẹ ọzaa mẹ ịvị, ọyị vẹ; ama ọza ana àa kụ́ ịsa ẹnẹẹ vẹ, ọ sị dà.

Imatiwu 4:10

Ịjọnọọ dị Ijeesu kà a yọ ka, “Và ị́rẹma amị, ẹwụ Isitani, agụvị ka â chẹrẹẹ ka: ‘Waa va ku ẹtẹẹ yị Ohomorihi Ananyị yị; ọnị ịnyara kẹnẹ ụ rẹ vaa hẹkẹ nị!’ ”

Ịmaakị 8:33

Dị Ijeesu vara eyi, di o re ezirẹma anị, dị aa tụ́ Ipita ohuvọ nị. Dị ọ kà a yọ ka, “Ẹwụ echu, và ị́rẹma amị! Ariro ọza ụ nyị nị, ẹ yị vị ariro Ohomorihi.”

Iruuku 4:8

Ịjọnọọ dị Ijeesu kà a yọ ka, “Â chẹrẹ ẹ ka: ‘Waa tanaa tụra ẹtẹẹ yị Ohomorihi Ananyị yị, ọnị ịnyara kẹnẹ ụ rẹ vaa hẹkẹ nị.’ ”

Ịjọọnụ 6:70

Dị Ijeesu tụ́ ohi, dị ọ ka, “Wâ yẹ ka ẹma nyị ẹwụ nịnị ẹwụrẹva nị. Ama ọza ịnyara awụ nịnị vị echu.”

Aniroomi 14:13

Asị ị rẹ̀ kụkụ jị ịvị yị ẹngụ! Ịsị a vọrọ ka ya kụkụụ ro ịrẹyị anị, yị: Asị ị mẹ̀ ịsa ọnyọọnyị ana vaa mẹ ka ẹnẹbẹnị ayị ọ̀ hyẹdụ, àa vị ka ọ̀ mẹ ịvị!

Aniroomi 14:21

Ọyị rẹ vọrọ ka ọza ọ̀ uye, à vị ka ò hú eche, àa vị ka ọ̀ mẹ̀ ịsa ọnyọọnyị ana vaa mẹ ka ọhụva anị ọ̀ mẹ ịvị.

Anihwiripi 3:19

Oyivu ẹtẹ ọ vaa za ịrẹyị ẹnịnị ịrẹsụ nị. Izinẹ ẹnịnị ẹ́ sị mẹ Ohomorihi ẹnịnị nị; ịrẹyị ana a vọrọ ka ụhị ọ̀ sịị nyị wa, dị ẹyaa sịị mẹ ụbanyị. Ịsa ẹhẹ kẹnẹ ẹ sị ayị tụ́ ịnị anị nị.

Anikorasi 3:2

Waa sị avaba ayị awụ nịnịị tụ́ ịnị ịsa ẹbẹẹba; asị ụ sị ayị awụ nịnị tụ́ ịnị ịsa ẹhẹ ọnọnị.