Imatiwu 16:19 - IWE ỌNỊNỊ

¹⁹ Mị vaa sị ụkọkọrọ ẹbẹẹba yị wụ. Ịsị ụ wàa sụ́ ịnị ẹhẹ, a rẹ vaa sụ́ ọ ẹ́bẹẹba; ịsị ụ wàa ngwa ẹ́hẹ, a rẹ vaa ngwaa ẹ́bẹẹba.”

Imatiwu 16:19 ပူးပေါင်းရင်းမြစ်များ

Ayịsaya 22:22

Ọ kà ọnị vaa sị ọdaa chire e ụvọ ịjị anovwoovu Idevidi ọ̀ọ rị ohinọyị. Ịrẹyị ọnị ọnị ọ̀ọ ka ẹ yị nyị ọza ana va zụụ vara a.

Imatiwu 18:18

Ịzẹyịza m maa kà a wụ nị, ịsị ụ wàa sụ́ nịnị ịnị ẹhẹ, a rẹ vaa sụ́ ọọ ẹ́bẹẹba. Ịsị ụ wàa ngwa nịnị ịnị ẹhẹ, a rẹ vaa ngwa a ẹ́bẹẹba.

Ịjọọnụ 20:23

Wàa vagu ọza ịnị ịvị anị nịnị, vị Ohomorihi rẹ vagu ọza ọnọọ avọọ nị. Wàa kà a ka ịvị ọza yị yà ịnị ịrẹsụ anị nịnị, vị aa yà ịnị ịrẹsụ anị nị.”

Odeyi 15:7

Ịjị ẹ da ahankata nyị, di Ipita kwẹẹtẹ, dị ọ ka, “Anda ayị nịnị, wâ yẹ nịnị ka ịnị ụmẹ ọnya o si kù aanị, Ohomorihi ộ nyị mị hụụnị akakana awụ nịnị ka ma na kà enube ọyịza yị Anigiriki nịnị, agụvị dị ẹ̀ zụ dọ wụ́.

2 Anịkọrịntị 2:10

Ọza ọnị ụ wàa vagu ịnị ịsa odivi ọnị ọ mẹ nịnị, ẹma rẹ sị vagu ọza ọnọọ. Àa nyị ka ma vagu ọza, dị mị vagu ọọ nị, agụvị awụ nịnị mị vavọọ sị mẹ ọ́vịdị Ikirisiti nị.

1 Anịtẹsaronika 4:8

Ọza ana àa sị eyi wụ́ ịrẹyị ọnọnị, ayị vị ọza, ọ sị eyi wụ; Ohomorihi ana sị Ụhwẹ Ọnịnị yị wụ nịnị, ọ́za ọnọọ sị eyi wụ nị.

Ẹtore 1:18

Ọza ana yára mị vị nị. Mê vịdị sú, ama re, booro aanị mị kụkụ yára pooro zịna-zịna nị. Ẹma nyị ọda isu ọnịrị ini eku nị.

Ẹtore 11:6

Ệ nyị ụkata ẹnẹ zụ sị za orihi jẹẹ ka asị ọ zụ̀ ịnị ụmẹ ẹnẹ ẹyaa kà ịsẹ. Ẹ rẹ nyị ụkata ẹnẹ zụ sị vara enyi nịnị anya. Ẹ rẹ zụ kụ́ ụkụ irenyi-irenyi vẹ ịnị ẹhẹ, ụpẹ ịrịka yà ene èe sì kẹnẹ.

Ẹtore 3:7

Ọza oni mi re rẹ ka: Chẹrẹ iwe tụ́ hi anggẹẹrị ana sị eyi pe ịragụ Ohomorihi ana yà Ihwiradehwiya ka: Ọza ana vị ọnịnị ọnịrị ọnịzẹyịza, ana rẹ nyị ụkọkọrọ Idevidi; ọnị ọọ̄ na oze, dị ẹ yị nyị ọza ene zụ gu ọọ nị; oni o reē gu oze, dị ẹ yị nyị ọza ana zụ naa nị; ọnị ọnọọ ọ tụ́ ụtụ ọnọnị nị:

Ẹtore 9:1

Anggẹẹrị ọhụhị ô hú ọpanyị anị. Di mi re ka ụzọmị ọnya ộ jị hụrẹ ẹbẹẹba va nya ẹtẹ ẹhẹ nị. Dị a sị ụkọkọrọ ọbọbọọ yọ nị.