Imatiwu 16:18 - IWE ỌNỊNỊ

¹⁸ Dị ma rẹ kà a yị wụ ka ẹwa vị Ipita (ọnọọ vị ka ‘ịda’) ana yàa anka ịda nị. Ịrẹsụ ịda ọnọnị m maa dà ịragụ amịị tụ́ nị; isu ẹ yị vaa nyị ehuna anị.

Imatiwu 16:18 ပူးပေါင်းရင်းမြစ်များ

Oyinyima 22:17

Ọ kà ọnị vaa mẹ ka ezi anị ịrẹma-ịrẹma ẹ̀ rụrụ anka ụzọmị avọọ ọnịrị ààrẹ ene hi ụtọ òkū. Ọ kà ụnaka anị e vee huna ọnịvị ẹnịnị nị dị ẹ dọ wa ẹkụra ẹnịnị.

2 Ịsamụwẹrị 18:4

Di ohinọyị kà ọnị vaa mẹ̀ ịsa tụra ịsa ọnị ẹ̀ẹ kà ô zee ẹnị eyi huu kẹnẹ. Di ohinọyị jẹẹ akaha ukere oze ẹkụra, di isoja ẹnẹẹ tara aa jịnẹ tụ ẹhẹ ịnị ogu ọnị ẹnyị vị ẹnị ẹchẹhị, dị ẹnyị vị ẹnị akawụ nị.

Ijoovu 38:17

Óó re oze ịda aneku ịzị aza ene su hi daa?

Ahẹ Ụgama 107:18

Avaba ịsọyịrị vi ene du wa eyi, dị ọ sị vọ chee è wusu.

Ahẹ Ụgama 127:5

Ọza ana àa vavọọ nyị wa rụrụ ọ̀ nyarị ịrẹsụ ọyịza. Ẹngụ ọza ọnọọ ọ̀ọ jẹẹ ini orere dị ọ và eyi kà ọnịvị anị nị, ụhị ọ yị vaa nyị ọ.

Ahẹ Ụgama 129:2

Ệ mẹ ehuna mi m mẹ̀ hụrẹ vi ozweyi, ama ẹnịnị e yi zụ hu mi ẹtẹ.

Ahẹ Ụgama 69:12

Aza ene hi oze ini orere aa mẹ mị isiya di ohweche ẹnị aa jị mị ahẹ nị.

Ahẹ Ụgama 9:13

Ẹnẹyịmavara, wéē re ọnịvị amị màa sị ụyaa rị mị! Navọ wa vayị amị asị ụ zẹẹ ka me sú!

Ụhịrẹyị 24:7

Ọnụra ẹ yị yẹ ẹhahi ịrẹyị ịrẹyọyẹ. Ẹ yị nyayịnẹ há irenu ịzị àa kà ịrẹyị obooro.

Ayịsaya 28:16

Batọ o, dị wa wụ́ Ẹnẹyịmavara ana vi ohinọyị keekere mẹ̀ kà. Ọ kà ọnị ộ nyị ịrẹta ọnya ọnị ọnị sị jẹẹ tụ́. Ọ kà a raà zama ịrẹta ọnọọ re, ịrẹta ọnọọ vị ọzẹnya irehi, vị ọ nyayịnẹ si iruvo irehi jẹẹ nị. Ọ rẹ ka ọza tụra ọza ana àa sị ayị tụra a, ụhị ọ yị vaa nyị ọ.

Ayịsaya 28:6

Ẹnẹyịmavara vaa mẹ ka aza ana aa mẹ̀ ọkarẹyị ẹẹ mẹ ịzẹyịza. Dị ọ rẹ sị ụkata yị aza ene ee sere ẹkụra ka ẹ̀ zụ dụ ọnịvị varẹma.

Ayịsaya 38:10

Me roo ka ịnị ẹnẹnẹ viri-viri ẹhẹ anị, ị mee vee su hụrẹ ẹhẹ aanị nọọ Dị ẹhẹ amị kara ụpa

Ayịsaya 54:17

Ama ẹ yị nyị ẹnya ịrẹkụ ana hụ vị awụ mẹ, ana vaa mẹ̀ ụkọrọ. Avaba ịrarẹ ana àa sị ịrẹyị awụ na tụ́ ịrẹka, vị ọnị ụ vaa kụụ hi ireche.” Ẹnẹyịmavara kà ịsa ọnị mẹ tịtẹ yị ezi ahụ anị yị, ọnị vaa mẹ ka ẹ̀ nyị ehuna.

Ijona 2:6

Ọnị ộ nọ iruvo ataba ene hi iruvo enyi. Ịzọọ vi ene e chire oze anị pooro. Ama dị Ẹnẹyịmavara sị ọnị hụụnị ụsị ọnọọ varẹma va yara nị.

Imatiwu 10:2

Ịrẹha ezirẹma ẹwụrẹva ẹnẹẹ yị: Ọnịpaapa vị Ịsayịmọnị ana a rẹẹ̄ hị́ Ipita, beri Andụrụ ọyịnyara anị; Ijemiisi ọnịrị Ịjọọnụ ọyịnyara anị; ana vị ezi Izebedi;

Imatiwu 11:23

Ẹwụ nịnị Anikapanawumi, wéé ro ka a vaa kà wụ nịnịị hịrẹ naa ngụ ẹbẹẹba? Vụrụ-vụrụ! Vaa vaa sị wụ nịnị, di e ne wu nịnị ngụ ini ẹkụra nị! Àa yaanị mẹ̀ ụkọrọ ohyozirenu ẹkụra Isodọmị, a mẹ̀ mẹẹ ị́dị awụ nịnị, ọ yaanị yị yà ịzọọ pooro ve tù ajịnị.

Imatiwu 18:17

Òo yi, dị ọ̀ yị wụ́ ẹ́ẹnịnị nị, dị ụ kà a yị anịragụ Ohomorihi. Ama òo yi yi, dị ọ̀ yị wụ́ áanịragụ nị, dị ụ kụkụ za a anka anarịmadọwụ ọnịrị ọza odivi avọọ.

Imatiwu 4:18

Ijeesu màa zị ụsẹ ụtọ irehu Igariri, ô re ẹyịnyara ẹẹva, Ịsayịmọnị ana aā hị́ Ipita, ọnịrị Andụrụ ọyịnyara anị. Eyee ne ọhaa ngụ enyi, agụvị ka ozube ivovo ẹ vị nị.

Imatiwu 7:24

“Agụvị avọọ ọza tụra ọza ana àa wụ́ ịrẹyị amị ẹnẹnị, dị ọ rẹ mẹ̀ ịsa ọnị mị kà nị, vị ana vaa sị mẹẹ anka ọyẹrẹyị ọnya aanị ana dà irehi anị tụ́ ịrẹsụ ịda.

Ịjọọnụ 1:42

Dị Andụrụ sị Ipita vẹ ịdị Ijeesu nị. Ịjị Ijeesu re e, dị ọ kà a yọ ka, “Ẹ wa vị Ịsayịmọnị ozi Ịjọọnụ nị. Ẹwa kụkụ rẹ vaa rị Ikehwasi nị.” (Iruvo “Ikehwasi” ọ vị “ịrẹta” nị.)

Odeyi 2:47

Dị ẹyaa ga Ohomorihi nị; ẹhẹ ẹnịnị ô zé avaba aza eyi. Eyinị-eyinị, dị Ananyị yị aa kụ́ aza ọnị ọ sị dọ há vaa vaka ịragụ ẹnịnị.

Odeyi 20:28

Sị eyi pe ẹngụ awụ nịnị! Du we re sị eyi pe avaba aza Ohomorihi ọnị Ụhwẹ Ọnịnị si chire wu nịnị ụvọ! Waa tẹsị anịragụ Ohomorihi nịnị! Wâ yẹ nịnị ka anya ẹngụ anị ọ sị mẹ ka ẹ̀ vị áanị nị.

Odeyi 8:1

Ịsọọrụ yà ịzọọ, ộ sị ụvọ tụ́ ọọ ka à wụ Isitivini. Ịhị ọnọọ gẹdẹ-gẹdẹ, ê nyima aa sị ụyaa rị anịragụ Ohomorihi ene hi Ijerusarẹmị ẹtẹẹtẹrẹ. Avaba ọdọwụ nịnị vị ana gara hi avaba ẹkụra Ijudiya ọnịrị Ịsamarịya. Apositeri nịnị kẹnẹ ẹ vọ tụ́ Ijerusarẹmị nị.

1 Anịkọrịntị 15:55

Ẹwụ iswọọza, ịzị ehuna awụ yà? Ẹwụ iswọọza, wáá kụkụ zụ tụ ọza ụnava?

Anigaratiya 2:9

Ijemiisi ọnịrị Ipita beri Ịjọọnụ ana anịragụ Ohomorihi sị mẹ ọdọvịdị ẹnịnị, ée re ka vi Ohomorihi vavọọ re mi eyi nị. Agụvị avọọ ẹ́ẹ dọ ẹmịrị Ịbanabasị ụvọ anka ọnụkọrọ ọnya. Yâ dọ ka ẹ yà nọ ịda aza ẹnẹ ẹ̀ yị vị Aniju, dị ẹnị ẹ̀ nọ ịda Aniju nịnị.

Anẹhwẹsọsị 3:10

Ộ vavọọ mẹ, agụvị ọyaanị Ohomorihi ọ̀ sị anịragụ anị mẹ ka anggẹẹrị irenyi-irenyi ana nyị ụkata hi ẹbẹẹba ẹ̀ zụ yẹ ịrẹyọyẹ oni Ohomorihi nyị ini oze irenyi-renyi.

Anẹhwẹsọsị 5:32

Iruvo ireyi ọnọọ ọ́ọ nyịnẹ ẹtẹẹtẹrẹ, mee ro ka ịrẹyị Ikirisiti ọnịrị ịragụ anị aa kà nị.

Anikorasi 1:18

Ijeesu ọ vị ohirẹsụ anịragụ Ohomorihi anka ị́rẹsụ ọza maà sị oze zụ̀ ẹngụ ana vọ. Anịragụ Ohomorihi vị ana jẹẹ yị ẹngụ Ikirisiti. Ọnị ọ vị ọọnyị nị. Ọnị ọ vị ọnịpaapa ana ha kwẹẹtẹ hụụnị isu agụvị dị ọ̀ nyị ẹbẹẹba avaba ịsa nị.

1 Itimoti 3:15

agụvị mèe ne kù, dị iwe ọnọnị ọ̀ navọ ka wa yẹ, a mẹ̀ vọrọ ka aza ẹ̀ẹ mẹ̀ ebira ịnị akakana aneehi Ohomorihi ana vị ịragụ Ohomorihi ana yára. Aneehi Ohomorihi vị ohinẹ ọnịrị ohyẹtẹ ana za ịzẹyịza jẹẹ nị.

1 Itimoti 3:5

Ọza ẹnẹ ẹ̀yị zụ sị ụvọ za irehi anị ẹtẹẹrẹ, ọ mẹmẹ va zụụ sị ụvọọ za ịragụ Ohomorihi?

Anihiburu 12:28

Agụvị avọọ, à vẹ vị yaa kụ́ Ohomorihi avọ, agụvị ka ọ raà sị aha ịjọvaa yị, ana ahịka o yi zụ henyi. À vẹ ya zẹẹ ka Ohomorihi ọ̀ vayị ayị, dị ya zụ hẹkẹ ẹ ini oze ana ahịka óo zé e eyi; dị ya zụụ sị ụbanyịị yọ, dị ya rẹ zụ nyị angwahi anị!

Ẹtore 11:15

Anggẹẹrị ọhụhịmba ô hú ọpanyị anị. Dị ọngwẹ ẹbanyị-ẹbanyị aa kà ịrẹyị ẹ́bẹẹba nị, dị ẹ ka, “Ịjọva ẹhẹ ọnọnị, ọ sị vara ịjọva Ohomorihi ọnịrị Óohinọyị anị ọnị ọ nyị ka ọ̀ dọ ọza há. Ọnị ọ vaa vị ohinọyị pooro zịna-zịna nị!”

Ẹtore 21:14

Ọvọ ẹkụra ọnọọ vị ana a dà tụ́ ịrẹta ẹwụrẹva. Dị a chẹrẹ ịrẹha ezirẹma Ozi Atẹmẹ ọnọọ tụ́ ọnị.