Imatiwu 16:17 - IWE ỌNỊNỊ

¹⁷ Dị Ijeesu ka, “Wâ da jẹ, Ịsayịmọnị ozi Ijona, agụvị ka ẹ yị vị ọzarẹyịrẹsụ ọ sị zụ̀ wụ, Ada amị ana yà ẹbẹẹba yọ nị.

Imatiwu 16:17 ပူးပေါင်းရင်းမြစ်များ

Ayịsaya 54:13

Ẹmị ụvọta vaa zụ̀ ezi ewu ịsa. Mị vaa mẹ ka ò ze yị wa ẹtẹẹtẹrẹ, dị mị sị ẹngwọọrọ yị wa.

Iruuku 22:32

Ama ma raà mẹ̀ aduwa yị wụ ka asị ẹdọwụ awụ jị wụ ụvọ. Ịjị ụ wàa sị và ká mị vẹ, dị ụ waa sị ụkataa yị ẹyịnyara awụ ana vọ!”

Ịjọọnụ 1:42

Dị Andụrụ sị Ipita vẹ ịdị Ijeesu nị. Ịjị Ijeesu re e, dị ọ kà a yọ ka, “Ẹ wa vị Ịsayịmọnị ozi Ịjọọnụ nị. Ẹwa kụkụ rẹ vaa rị Ikehwasi nị.” (Iruvo “Ikehwasi” ọ vị “ịrẹta” nị.)

Ịjọọnụ 6:45

Ọnịsẹ nịnị ệ chẹrẹ ẹ tịtẹ ịyẹẹyẹ ka: ‘Ohomorihi ọ vaa zụ̀ avaba aza ịsa nị.’ Avaba ọza ana àa wụ́ ịrẹyị Ada amị, dị ẹ rẹ kọsẹ ị́dị anị nị, ẹ vaa ká mịị vẹ.

1 Anịkọrịntị 15:50

Ẹwụ nịnị ẹyịnyara amị ịsị maa kà yị ka, ọzarẹyịrẹsụ kẹnẹ ọ yị zụ ngụ ịzị Ohomorihi yà aa mẹ ịjọva. Ịsa eneē du, ọ yị zụ nyị ịsa ene è yi me du pooro zịna-zịna.

Anigaratiya 1:16

dị ọ sị Ozi anị zụ̀ mị ka ma nyẹngụ kà enube ọyịza anị yị anarịmadọwụ nịnị nị. Ụmẹ ọnọọ ẹ yị nyị ọza ọnyọọnyị oni mi sị pe gẹ eyi.

Anẹhwẹsọsị 2:8

Vị Ohomorihi vayị awụ nịnị kẹnẹ, dị ọ dọ wụ nịnị há, ụ mẹ̀ sị ayị tụraa nịnị nị. Ayị vị agụvị ịsị ụ mẹ nịnị, vị Ohomorihi sị yị wụ nịnị ọọhẹ kẹnẹ nị.

Anẹhwẹsọsị 3:5

Ịyẹẹyẹ, Ohomorihi ọyị vịdị sị ịrẹyị ẹnẹẹ zụ̀ aza. Ama booro aanị, Ohomorihi ọ raà mẹ ka Ụhwẹ Ọnịnị ọ̀ sị zụ̀ odeyi ọnịnị ọnịrị ọnịsẹ anị nịnị.

Anẹhwẹsọsị 6:12

Ẹ yị vị ẹyịrị ọzarẹyịrẹsụ aa kụ̀ ịrẹkụ. Ẹyịrị ụhwẹ echu nịnị ana nyị ụkata hi ẹbẹẹba beri ohirẹsụ ẹnịnị ana nyị ụkata hi ịnị ẹhẹ ịrahụ ọnọnị aa kụ̀ ịrẹkụ nị.

Anihiburu 2:14

Ezi anị ẹnẹẹ vị aza rị ẹyị ị́rẹsụ. Agụvị avọọ, Ijeesu ọ́ọ vẹ ẹhẹ dị ọ yà anka ẹnịnị gẹdẹ-gẹdẹ nị, ka oni ò sú, di oni ò du ụkata Echu ha. Echu ọ nyị ụkata isu nị.

1Ipita 5:1

Máa nyị ịrẹyị ọyịkà yi azọkụ ịragụ Ohomorihi ene hi ịnị akakana awụ nịnị. Ẹmị rẹ vị ọzọkụ ịragụ anka ẹwụ nịnị. Mâ sị eyi amị re ụya ọnị Ikirisiti rị. Ẹmịrị ẹwụ nịnị vaa nyịị tụ́ ịnị ụbanyị Ijeesu Ikirisiti oni Ohomorihi vaa sịị zụ̀ aza.

1 Ịjọọnụ 4:15

Ọza ana àa há irenu anị kà a ka Ijeesu vị Ozi Ohomorihi, ọnịrị Ohomorihi vị ọnya; Ohomorihi ọnịrị ọza ọnọọ ọ sị vabẹ.

1 Ịjọọnụ 5:20

Yáa yẹ ka Ozi Ohomorihi ộ vẹ ẹhẹ, dị ọ sị ịrẹyọyẹ yị ka ya zụ yẹ Ohomorihi ọnịzẹyịza nị. Ẹyịrị Ohomorihi ọ sị vị ọnya ne beri Ijeesu Ikirisiti Ozi anị. Ọnị ọ vị Ohomorihi ọnịzẹyịza nị, ọnị ọ rẹẹ̄ mẹ ka ọza ọ̀ yàra pooro zịna-zịna nị.