Imatiwu 15:28 - IWE ỌNỊNỊ

²⁸ Dị Ijeesu tụ́ ohi, dị ọ ka, “Ẹdọwụ awụ ọ́ọ da banyị kẹnẹ ọnẹẹ ọnọnị! Ịsị u wèe sì gẹdẹ-gẹdẹ, ọ̀ vavọọ yàa yị wụ!” Ụmẹ ọnọọ gẹdẹ-gẹdẹ, dị ẹngụ ozi anị ta nị.

Imatiwu 15:28 ပူးပေါင်းရင်းမြစ်များ

Ijoovu 13:15

Ohomorihi ọ̀ọ daka aa wụ ọnị, ẹ́ yị nyị ịsị ọsa ọnị ọnị aa tụra eyi, ẹ̀ vị ọnị. Agụvị avọọ ọnị aa kụ irenu anị eyi anị aanị nị.

Ijoovu 23:10

Ọ yẹ avaba ịsa ọnị aa mẹ. Ọ̀ọ zama ọnị re, ọ yẹ ka ọnị ọ nị anka Igooru.

Ahẹ Ụgama 145:19

Ịsị aza ene hí angwa anị ee sì vị ọnị ọọ̄ sịị yị wa. Ọọ̄ wụ́ ịpẹ ẹnịnị, dị ọ dọ wa tụ́.

Arụwẹ 3:32

Ọ̀ọ daka kụ ayodu tu yị, ọ rẹ vaa vayị anị, agụvị ka oō sì ịrẹyị ọza ẹtẹẹtẹrẹ.

Imatiwu 14:31

Dị Ijeesu wụsẹ tana ụvọ anị, dị ọ za a nị. Dị ọ kà, “Ẹdọwụ awụ ộ da weyi kẹnẹ. Sị ẹ vẹ dị ụ waa mẹ ayị ẹẹva?”

Imatiwu 15:27

Dị ọnẹẹ ọnọọ ka, “Avọọ yịị yọ, Ọga, ama ẹhụ ana àa jị tịtẹ hụrẹ ịzị ọga ẹnịnị yà aa rị ịsa, irezi nịnị rẹẹ̄ tọ̀ọ́ yọọ rị.”

Imatiwu 8:10

Ịjị Ijeesu maanị wụ́, ô hí ọ irenu, dị ọ kà a yị aza ana aa dụ ọ ịrẹma, dị ọ ka, “Ịzẹyịza, mị kà a wụ nị, mẹ yị maanị re ọza ana sị ayị tụra mị da; mẹ yị hyakụ ree ịnị Anisirẹrị nịnị.

Imatiwu 8:13

Dị Ijeesu kà a yị ọga isoja nịnị ọnọọ ka, “Waa na, ọ̀ yà yị wụ, anka ụ mẹ̀ dọ wụ́.” Dị ẹngụ ozi ahụ anị ta ịnị ụmẹ ọnọọ gẹdẹ-gẹdẹ nị.

Imatiwu 9:22

Dị Ijeesu kana eyi, di o ree nị, dị ọ ka, “Ozi, ngụra eyi hi, ẹngụ awụ ộ ta, agụvị ka wâ sị ayị tụra mị.” Dị ẹngụ ọnẹẹ ọnọọ wụsẹ ta hụrẹ ụmẹ ọnọọ gẹdẹ-gẹdẹ nị.

Ịmaakị 5:34

Dị Ijeesu kà a yọ ka, “Ozi, ẹdọwụ awụ ọ sị wụ mẹ ụkụ, waa na ịnị ẹngwọọrọ, dị ẹngụ awụ ọ̀ ta!”

Iruuku 17:5

Dị odeyi nịnị kà a yị Ananyị yị ka, “Aarịhịnị, mẹ ka ẹdọwụ ayị ọ̀ banyị hu avọọ!”

Iruuku 7:50

Dị Ijeesu kà a yị ọnẹẹ ọnọọ ka, “Ọnẹẹ ọnọnị, ẹdọwụ awụ ọ sị wụ dọ há; wa na ịnị ẹngwọọrọ!”

Iruuku 7:9

Ịjị Ijeesu maanị wụ́, ô hí ọọ irenu, dị ọ vara eyi, dị ọ kà a yị aza ana aa dụ ọọ ịrẹma, dị ọ ka, “Mẹ ẹ̀ yị maanị re ọza ana maanị sị ayị tụra mị da; ịzẹyịza, m maa kà a wụ nịnị nị, mẹ yị hyakụ re ẹngụ ẹdọwụ ọnọnị ịdị Anisirẹrị nịnị.”

2 Anịtẹsaronika 1:3

Ẹwụ nịnị ẹyịnyara amị, áa nyị ka yaa kụ́ Ohomorihi avọ pooro agụvị awụ nịnị. Iruvo ọ vị ka waa yị sị ayị tụra Ikirisiti hu avọọ nịnị ẹtẹẹtẹrẹ, dị ụ rẹ nyayịnẹ ee sì ịrẹyị ẹngụụ hu avọọ ẹtẹẹtẹrẹ nị.

1 Ịsamụwẹrị 2:30

Ebira ọnị ụ maanị mẹ nịnị aanị, Ẹnẹyịmavara ana vị Ohomorihi Anisirẹrị ka vị ọnị vịdị kà a ka obooro awụ nịnị ọ vaa mẹ ụkọrọọ yị ọnị ini eehi anị pooro nị. Ama Ẹnẹyịmavara kà ọnị ọ yị kụkụ vavọọ zẹẹ. Ọ kà ọza ana àa sị ụbanyị yị ọnị, dị ọnị rẹ sị ụbanyị yị ọza ọnọọ. Ama ọza ana àa sị eyi oweyi re ọnị vị ọnị ọnị rẹ vaa tẹ.