Imatiwu 15:27 - IWE ỌNỊNỊ

²⁷ Dị ọnẹẹ ọnọọ ka, “Avọọ yịị yọ, Ọga, ama ẹhụ ana àa jị tịtẹ hụrẹ ịzị ọga ẹnịnị yà aa rị ịsa, irezi nịnị rẹẹ̄ tọ̀ọ́ yọọ rị.”

Imatiwu 15:27 ပူးပေါင်းရင်းမြစ်များ

Oyinyima 32:10

Dị ọ rẹ ka avaba ịrẹyị anị oni ọ maanị sì, dị ọ̀ yị mẹ̀ ọnị apẹ aanị, ẹ yị vị ka ọnị vavọọ yà nị. Ọ kà Okutẹ anị kẹnẹ ọnịrị jịnẹ Okuha Ịjọdanị ọnọnị nị. Dị ọ ka ọnị ọnọọ ọrụrụ pooro di ọnị sị vara udi ẹẹva aanị nị.

Ezikẹẹrị 16:63

Ẹnẹyịmavara kà, ọnị vaa vagu avaba ebira odivi ọnị ụ mẹ yị wụ, ama ụ vaa tamayị ẹnịnị dị ụhị nyị wụ pooro ne tu ka wẹ́ yị va zụ ha irenuu kà ịrẹyị.

Ịdanịyẹrị 9:18

Ohomorihi, kwogwo, navọ wa wụ́ ọngwẹ ayị. Kana eyi di u we ré ụya ọnị yaa rị aanị. Ré ẹkụra anaā sịị ịrẹha awụ hị́. Yaà ta u ubo agụvị ka vị ụ vayị ọza nị, ẹ yị vị agụvị ka yaa mẹ̀ ịsa ana vọrọ.

Imatiwu 15:26

Dị Ijeesu tụ́ ohi, dị ọ ka, “Ẹ yị vọrọ ka à sị ịsọyịrị ezi, dị è ne e tịtẹ yị irezi nịnị.”

Imatiwu 15:28

Dị Ijeesu tụ́ ohi, dị ọ ka, “Ẹdọwụ awụ ọ́ọ da banyị kẹnẹ ọnẹẹ ọnọnị! Ịsị u wèe sì gẹdẹ-gẹdẹ, ọ̀ vavọọ yàa yị wụ!” Ụmẹ ọnọọ gẹdẹ-gẹdẹ, dị ẹngụ ozi anị ta nị.

Imatiwu 5:45

Wa vavọọ mẹ agụvị dị è re ka ezi Ada awụ ẹbẹẹba ụ vị nịnị nị, agụvị ka aa mẹ ka ọyị anị ọ̀ọ háa yị aza edivi ọnịrị aza ọyịza. Ọ raa zụ̀ orihii yị ọnịzẹyịza ọnịrị aza ẹnẹ ẹ̀yị nyị ịzẹyịza.

Imatiwu 8:8

Dị ọga isoja nịnị ọnọọ tụ́ ohi, dị ọ ka, “Mẹ yị yà ọza anaa vọrọ ka wa ngụ ini eehi anị. Mị mẹ ọda kẹnẹ, ka ẹngụ ozi ahụ amị vaa ta.

Ịmaakị 7:28

Dị ọnẹẹ ọnọọ ka, “Avọọ yịị yọ, Nda; ama ẹhụ ana jị tịtẹ hụụ ịzị ezi yà aa rị ịsa, irezi nịnịị̄ rẹ tọ̀ọ́ yọọ rị.”

Iruuku 16:21

Ee sì ka ịsa ana àa jị hi ẹtẹ hụrẹ ịzị ọnyẹkẹhị ọnọọ yà aa rị ịsa, ọnị ọ̀ tọ̀ọ́ yọọ rị; ama dị irezi vẹ, di eyee ree yọ ịtahụ.

Iruuku 18:13

Dị ọdẹkẹhirehi ọnọọ ọnị jẹẹ ẹ́nẹẹnẹ nị. Ọ yị hyakụ nyayịnẹ sị eyi anị tụ́ ẹba. Dị ọ sị ụvọ kú ịrẹsụ, dị ọ ka: ‘Ohomorihi, aarịhịnị, vayị ẹmị ọnịvị!’ ”

Aniroomi 10:12

Wâ vị Aniju oo, wẹ yị vị Aniju oo, ẹ yị nyị irenyi ịnị anị. Ohomorihi ọ nyị avaba aza nị. Ọọ̄ vayị avaba aza ana àa hị́ ọọ ẹtẹẹtẹrẹ.

Aniroomi 3:19

Yáa yẹ ka avaba ịsị a chẹrẹ tụ́ ịnị ọda Ohomorihi ọ́ọ za a avaba aza anaa sị ọda ọnọọ yị. Ọnọọ vaa mẹ ka asị a nyị ọza ene kuku zụ re kụ́; dị avaba anẹhẹ ẹ̀ na kụ́ irenu ẹnịnị ọ́vịdị Ohomorihi.

Aniroomi 3:29

Ohomorihi Aniju kẹnẹ Óhomorihi wâ vị nị? Aanị ka ẹ yị vị ọnị ọ rẹ vị Ohomorihi Anigiriki nịnị? Ọnị ọnyọọnya ọ vị Ohomorihi ẹnịnị nị,

Aniroomi 3:4

Asị Ohomorihi zẹẹ! Ẹ yị nyị ịsị ẹ zụ mẹ ka asị Ohomorihi vị ọnịrẹyịzẹyịza, òo zee eyi avaba aza ẹ̀ vị onireche. Â vịdị vavọọ chẹrẹẹ tụ́ ini Iwe Ohomorihi ka, “Ụmẹ tụra ụmẹ ọnị ụ wàa kà ịrẹyị, avaba aza vee ree ka ịzẹyịza ụ waa kà nị. Aza ẹ̀ẹ zama ịrẹyị awụ re, e vee re ka ịsa ana vọrọ ụụ̄ mẹ nị.”

Anẹhwẹsọsị 3:19

Máa yẹ ka ọza ọ yị zụ yẹ ta, ịzị Ikirisiti sì ịrẹyị ayị na za. Ama ọ̀ yị navọ wa zụ yẹ nịnị ịzị Ikirisiti sì ịrẹyị awụ nịnị ne tù, agụvị dị avaba ịsa ozoza ana vị Óohomorihi, ọ̀ rẹ zụ gụ tụ́ ịnị avaba ayị awụ nịnị.

Anẹhwẹsọsị 3:8

Àa ka à na kà ịrẹyị aza Ohomorihi, ẹmị vị awụhwẹ ị́rẹsụ ẹnya. Ama Ohomorihi ọ sị sị ụbanyị yị ẹngụ anị, dị ọ sị oze yị mị ka ma kà enube ọyịza yị anẹhẹ nị. Ẹ yị nyị ọza ene zụ sì iruvo, dị ọ̀ yẹ ụbanyị ịsa oni Ikirisitiī sịị yị ọza.