Imatiwu 15:19 - IWE ỌNỊNỊ

¹⁹ agụvị ka ịnị ayị ọza áriro odiviī hụrẹẹ vẹ nị, anaā mẹ ka ọ̀ọ wụ̀ ọza, dị ọ̀ọ sẹ̀ ịrẹka, di òo yi oyi, di ò ree dọ ivenu ireche, di ò ree du ọza ịrẹsụ.

Imatiwu 15:19 ပူးပေါင်းရင်းမြစ်များ

Oyinyima 6:5

Ẹnẹyịmavara o ve re ka ebira edivi ana aza aa mẹ ịnị ẹhẹ ọ sị vị ẹnẹmẹhị, ariro odivi pooro kẹnẹ o hì ịnị ayị aza nị.

Oyinyima 8:21

Ịjị Ẹnẹyịmavara wụ́ àgụ̀ ozoza ịsọvọ ọnọọ, dị ọ kà a ịnị ayị anị dị ọ ka, “Ọnị ọ mā vana hụ agụvị ọza chì hi ẹtẹ. Ọ kà ọnị ọ yẹ ka ọ mẹ̀ hụrẹ vi ozweyi, ariro odivi ọ yà ịnị ayị anị. Ọ kà ọnị ọ mā rẹ vana maanị wụ̀ avaba ịsa ana aa tụ́ ụhwẹ.

Ahẹ Ụgama 119:113

Onogevegeve vị ana ayị anịị kụ mị, ama mê sì ịrẹyị ọda ọnị ụ mẹ.

Ụhịrẹyị 22:15

Ụra vi ene chi ezweyi ayị, ama inori aā sị kụ ụra hụrẹ wa ẹngụ nị.

Ụhịrẹyị 24:9

Avaba eto ọnị ọnụra aa mẹ̀ vị ọhịmị. Aza vị anaā nyị ịhyẹrẹ ọza anaa sị ọzaa mẹ enyinyi.

Ụhịrẹyị 4:23

Sị eyi pe ẹtẹ ụ mẹmẹ e ro ịrẹyị. Ọza mee ro ịrẹyị ọọ ra ẹhẹ anị nị.

Ụhịrẹyị 6:14

Ẹnịnị vi eneē ro ịrẹyị odivi ọza pooro, dị ẹ yaa kụ aza ịrẹsụ nya ẹngụ;

Ayịsaya 55:7

Navọ ọza ọhịmị ọ và hụụnị ẹhẹ odivi anị, dị ọza odivi ọ̀ và hụụnị aro odivi anị. Navọ ẹnịnị ẹ̀ và ka Ẹnẹyịmavara vẹ ka ọ vaa vayị ẹnịnị. Ẹnịnị ẹ̀ và ka Ohomorihi ayị vẹ, ka ọ vaa vaa gu wa ẹtẹẹtẹrẹ.

Ayịsaya 59:7

Eē zwe echi na mẹ odivi, dị ẹ yaa wụ̀ ọza ẹnẹ ẹ yị nyị ịsị ọ mẹ wa. Ịrẹyị odivi kẹnẹ eē ro nị. Avaba ịzị ẹ̀ẹ ngụ vị ọnị ẹẹ̄ gara chuku-chuku ha.

Ijeremaya 17:9

Ẹnẹyịmavara kà, ẹnẹ zụ yẹ́ ayị ọza kẹ? Ẹ́ yị nyị ịsị ee vene ọza anka ayị ọza; oo divi ẹtẹẹtẹrẹ ana ahịka ọza ẹ yị zụ tenyi ọ.

Ijeremaya 4:14

Ẹwụ nịnị Anijerusarẹmị, hụụnị ebira odivi awụ nịnị dị wa ha. Ịzị ụ maanị vaa sị ịrẹyị odivi tụ ịnị ayị nee tu nịnị?

Ịrịka 22:29

Dị Ịbaraamị tụ ịkẹrịkẹtẹ ohi ka agụvị ka ọ jị ọnị ụra. Ọnị ọ̀ọ nyị ụhwọ ọnị yaanị wụ̀ ọ tụ ịzẹnị booro aanị nị.

Imatiwu 15:20

Ịsa ẹnẹnị eē du ọza ẹngụ nị. Ama wàaa rị ịsa dị ụ wẹ̀ yị nyịna ụvọ awụ anka ọda ohiku nị, o yi zụ du wu ẹngụ.”

Imatiwu 5:28

Ama ẹma kà a wụ nịnị nị ka ọza ene èe re ọnyẹnẹẹ, di eyi anị ọ̀ yị hụụnị ẹngụ anị nị, ọ raà sị ayị anị pee sẹ̀ ịrẹka da.

Imatiwu 9:4

Ijeesu ộ yẹ ịsị eyee ro; dị ọ ka, “Sị ẹ vẹ di u wee ro ịsa odivi ịnị ayị awụ nịnị?

Odeyi 8:22

Ro ịnẹ varẹma hụụnị ariro odivi awụ ọnọnị, dụ wa mẹ̀ aduwa hi Ohomorihi ka ọ̀ọ zụ vagu wu ịnị ịrẹyị oni u ro aanị!

Aniroomi 7:18

Mâ yẹ ka ẹmị anka ọzarẹyịrẹsụ, ẹ yị nyị ịsị ẹ yà ịnị ẹngụ amị ana zụ mẹ ka ma mẹ̀ ịsa ene zoza ọnyọọnyị. Ịzẹyịza mee sì ka maa mẹ̀ ịsa ana vọrọ, ama mẹyị zụ mẹẹ.