Imatiwu 15:14 - IWE ỌNỊNỊ

¹⁴ Navọ wa, ka ogweyi ana aa zụ̀ ogweyi oze, ẹ vị nị. Ogweyi àaa zụ̀ ogweyi oze, ẹnị ẹyịva vị anaa hyẹdụ nee ngụ ini orosi.”

Imatiwu 15:14 ပူးပေါင်းရင်းမြစ်များ

Ayịsaya 31:3

Ama tamayị nịnị o, ka Anijipiti vị aza rị ẹyị ịrẹsụ, ẹ yị vị Ohomorihi ẹ vị. Umaata ẹnịnị vị uye kẹnẹ, ẹnịnị ẹ yị vị arịjẹnụ. Ịjị Ẹnẹyịmavara ọ̀ọ tana ụvọ za wa, aza ana nọ ịnị ọgụvọ ọnịrị aza ana a ka à na gụ ụvọ vi ene dudu vaa và angga dị ẹ hyẹdụ. Avaba ẹnịnị e vee vú ẹtẹ nị.

Ayịsaya 42:19

Áá nyị ọza ene gu eyi anka ozi ahụ amị? Áá nyị ọza ene gu ụtọ anka ọnụtụ ọnị mịị̄ tụ́ ụtụ?

Ayịsaya 56:10

Ọ kà, “Avaba ẹnị ọdọvịdị ana a vọrọ ka ẹ̀ kà aza amị ọnọ, vị ogweyi. Ẹ yị nyị ịsị ẹnịnị yẹ. Ẹnịnị vị ana sị mẹẹ anka irezi enee sere ẹtẹ ama dị ẹ̀ yị ma hà. Ẹnịnị vị anaā hụtẹtẹẹ hi ẹtẹ kẹnẹ dị ẹyaa ra ụra. Ê sì ka ẹnị ẹẹ sụ̀ ara ẹtẹẹtẹrẹ.

Ayịsaya 9:16

Aza ana ka vị ẹnị aa sị oze zụ̀ aza ẹnẹẹ nị vị ana aa kụ́ waa nyeeyi. Aza ana a ka vị a zụ̀ oze zi nị vi ana a kụ́ nyeeyi.

Ijeremaya 5:31

Ọnịsẹ nịnị kụkụ èe cheeche; ohirẹsụ irehi Ohomorihi nịnị vị ana kụkụ a sị ọda ẹngụ ẹnịnị mẹ ịsị ẹ yaa mẹ, dị aza anị vavọọ yị si ọ ka a vavọọ mẹẹ nị. Ama sị ụ vaa mẹ nịnị ịnị ẹzẹtẹ anị kẹ?

Ijeremaya 6:15

Ẹnẹyịmavara kà, ụhị waa vanaa nyị wa ka ẹnị ệ mẹ ụnọ da? Ịzị ọ na vị, ụhị ọ ma nyị wa vụrụ-vụrụ ụhị ọ ma nyị wa dị è sị eyi tẹ ka aza ee re nị. Avọọ ụmẹ ọnị ọnị ọọ vaa sị ụyaa rị Anijerusarẹmị nịnị, ẹnị nyẹmba vị ana vaa sẹ ẹdụ anka aza ana vọ. Ịsị ẹ vaa za ẹhẹ ẹnịnị ịrẹsụ ọ vị ọnọọ nị.

Ijeremaya 8:12

Ọ kà, ụhị waa vanaa nyị aza anị ka ẹnị ệ maanị mẹ ịsị edivi ẹnẹnị da? Ịzị ọ na vị. Ụhị ọ ma nyị waa vụrụ-vụrụ. Ẹnịnị ẹ ma sị eyi tẹ ka aza ee re ẹnị, avọọ ẹnịrị aza ana vọ ẹ vaa hyẹdụ nị. Ẹ́ ẹnịnị vaa ta ịhị ọnị aa sị ụyaa rị wa.

Ihoseya 4:17

Ehwireemi ọ̀ raà bẹ ụvọ tụ́ ịnị ahẹkẹ ori nịnị. Agụvị avọọ aa ha ẹtẹ tụ ọ.

Ịmarakayị 2:8

Ẹnẹyịmavara kà ẹnịnị ohirẹsụ irehi Ohomorihi ẹ sị ha hụrẹ oze ịrẹyị ịzẹyịza. Ẹ raà mẹ aza ọrụrụ-ọrụrụ ka e nyee eyi agụvị ka e yee cheeche tụ ịnị ịrẹyị Ohomorihi. E reè du ịsị Ohomorihi ka yị Anireevi ka ọnị vaa mẹ yị wa.

Iruuku 6:39

Dị Ijeesu sị ụhịrẹyị dị aa sịị kà ịrẹyịị yị wa ka, “Ogweyi ọ́ọ́ zụ sị oze zụ̀ ogweyi? Wéé ro ka ẹ yị vị ẹnị ẹyịva aa hyẹdụ nee ngụ orosi?

Ịjọọnụ 9:39

Dị Ijeesu ka, “Mâ vẹ ẹhẹ ọnọnị ka ma va mẹ̀ ọkarẹyị, dị ogweyi nịnị èe re ẹtẹ, dị aza ana ka eni ee re ẹtẹ è gu eyi.”

1 Itimoti 6:5

dị ẹyaa nyị ahankata pooro kẹnẹ. Ẹngụ aza ẹnẹẹ, eyi kuku zụ ro ịrẹyị ana vọrọ, ẹyị zụ kà ịzẹyịza. Ẹngụ aza ẹnẹẹ ee ro ka ahẹkẹ Ikirisiti vị oze ọnị ọza zụ hụra zị rị ọgụ.

2Ipita 2:1

Ịnị ịyẹẹyẹ, ọnịsẹ ireche nịnị hi ini Aniju nịnị. Ọnịsẹ ireche nịnị ẹnị rẹ vaa jịnẹ ịnị akakana awụ nịnị. Di e were vẹ, dị ẹyaa sị irechee zụ̀ aza, ana vaa mẹ azaa nyeeyi. Ẹ vaa kà a ka ẹnị ẹ́ yị yẹ Ijeesu Ikirisiti Ananyị yị, ọza ana hị́ wa varẹma. Agụvị avọọ, ẹ́ yị vaa jẹẹ, dị ẹ̀ wụ ẹngụ ẹnịnị và ha.

2Ipita 2:17

Onireche ẹnẹẹ vị ana sị mẹẹ anka ịkangga ẹnẹ ẹ̀ yị nyị enyi avọọ. Vị ẹ rẹ yà anka eguhi ọnị ahị aa kụ́ụ zịịzị nị. Ịnị ịrahụ ruma-ruma Ohomorihi sị eehi ẹnịnị tụ́ pooro zịna-zịna nị.

Ẹtore 19:20

Dị a za uye ịnị avị ọnọọ ọnịrị ọnịsẹ ireche anị ana vịdị aa mẹ̀ ụkọrọ ohyozirenu éyi anị nị. Ụkọrọ ohyozirenu ọnọọ ọ sị vene aza ana nyị apọtẹrẹwa uye ịnị avị ọnọọ, dị ẹ rẹ hẹkẹ ori anị nị. Dị a za uye ịnị avị ọnọọ ọnịrị ọnịsẹ ireche ọnọọ, dị a kụ́ wa va hi ịnị adagu ịra ana a sị ohuru tụ́ ịnị anị nị.

Ẹtore 22:15

Eyi ẹhẹ ẹ́ngụ aza ẹnẹnị vee hi nị: aza edivi nịnị ọnịrị ẹnẹbẹ nịnị beri ọsẹrẹka nịnị ọnịrị ọwọza nịnị ne beri aza ana aa hẹkẹ ori, ọnịrị aza ene sì ịrẹyị ireche, di e re yee cheeche.