Imatiwu 14:33 - IWE ỌNỊNỊ

³³ Dị aza ene hi ịnị ẹpa va ku ẹtẹ, dị ẹ ka, “Ịzẹyịza, Ozi Ohomorihi ụ vị nị.”

Imatiwu 14:33 ပူးပေါင်းရင်းမြစ်များ

Ahẹ Ụgama 2:7

Dị ọza ọnị ọ sị rị ohinọyị ka, ọnị vaa kà a yị avaba aza ọda ẹnị Ẹnẹyịmavara mẹ. Ẹnẹyịmavara ộ hị́ ohinọyị dị ọ ka Ẹwa vị ozi emi nị, ajịnị mị ma wụ nị.

Ịdanịyẹrị 3:25

Dị ọ rẹ họ̀ wa ka, sị ẹ vẹ dị ọnị vee ré ka aza ẹnị ẹẹna aa zị ụsẹ ịnị ịra nị? Ọ kà ịsa a sị sụ wa ọ sị ngwara, ẹ yị rẹ nyị ịsa ana sị zụ ka aa kata wa ẹngụ, dị ọnị ọhụna ẹnịnị sị mẹẹ anka anggẹẹrị avọọ nị.

Imatiwu 14:32

Dị ẹnị ẹyịva ngụ ịnị ẹpa, dị ahị sị jẹẹ nị.

Imatiwu 15:25

Ịjọnọọ dị ọnẹẹ ọnọọ vẹ, dị ọ va ku ẹtẹ ọ́vịdị anị, dị ọ ka, “Ọga, gụ mị ụvọ de!”

Imatiwu 16:16

Dị Ịsayịmọnị Ipita tụ́ ohi, dị ọ ka, “Ẹwa vị Ikirisiti, Ozi Ohomorihi ana yára nị.”

Imatiwu 17:5

Ọ màa yịị kà ịrẹyị, re, dị eguhi ọnya aanị ana aa zẹtẹ, wụsẹ dà và kú wa nị. Re, dị ọngwẹ ọnya hụụnị eguhi ọnọọ vẹ ka, “Ozi emi oni mi sì ịrẹyị anị yị, ịnẹ amị ô hine tù ọọ ẹtẹẹtẹrẹ, waa wụ́ ịrẹyị anị nịnị!”

Imatiwu 2:11

Ịjị ẹ sị ngụ ịnị irehi ọnọọ, ê re ozi ọnọọ ọnịrị Imeri ọnyị anị, dị ẹnịnị va ku ẹtẹ, dị ẹ kụ ọ nị. Â nyị ẹnya ẹnẹ ẹ za na, ịjị ẹ sị ọ hụ, dị ẹ sị igooru ọnịrị eturare ana aā rị ịra ne beri eturare ọsa ene e siī sisi ẹngụ, dị ẹ sị mẹ Ijeesu ẹyịza nị.

Imatiwu 26:63

Ama Ijeesu o yi tụ́ ohi. Dị ohirẹsụ ọbanyị irehi Ohomorihi ọnọọ ka, “Mâ sị Ohomorihi ana yàra tụra wụ, kà a yị, ẹwáá vị Ikirisiti Ozi Ohomorihi ọnọọ nị?”

Imatiwu 27:43

Ộ sị ayị tụra Ohomorihi; Ohomorihi òo sì ọọ, ọ̀ dọ ọ tụ́ booro aanị kẹ! Ộ kà a ka Ozi Ohomorihi ọ́nị vị nị.”

Imatiwu 27:54

Ọga isoja ẹchẹhị nịnị ọnịrị isoja nịnị ana yà pe e ene ee sere Ijeesu, ê re, ẹ́tẹ mè henyi ọnịrị avaba ịsa ana mẹ. Angwa ô hí wa, dị ẹ ka, “Ịzẹyịza, ọnọrụ ọnọnị vị Ozi Ohomorihi o!”

Imatiwu 28:17

E mè re Ijeesu, ệ va ku ẹtẹ kụ́ ọọ. Ama aza ẹnyị aa yịị jị ọọ ịrẹka.

Imatiwu 28:9

Kẹnẹ, dị Ijeesu ve tù wa, dị ọ kụ́ wa nị. Dị ẹ kà pe e, dị ẹ za ahụ Ijeesu, dị ẹ va ku ẹtẹ kụ́ ọọ nị.

Imatiwu 4:3

Dị ọzamọzare ọnọọ ka a vẹ, dị ọ ka, “Àa vị Ozi Ohomorihi ụ vị nị, mẹ ọda ka ịrẹta ẹnẹnị ẹ̀ vara akara!”

Ịmaakị 1:1

Aanị énube ọyịza Ijeesu Ikirisiti Ozi Ohomorihi meme nyima nị,

Ịmaakị 14:61

Dị Ijeesu kú irenu, di ò yi tụ́ ohi nị. Dị ohirẹsụ ọbanyị irehi Ohomorihi rẹ ka, “Ẹ wáá vị Ikirisiti, Ozi Ohomorihi nị?”

Ịmaakị 15:39

Ọga ana sị eyi pe isoja ẹchẹhị nịnị ana jẹẹ và eyi ká Ijeesu ô re e, o meme nowu, dị ọ hụrẹ ụhwẹ ụvọ; dị ọ ka, “Ịzẹyịza, ọnọrụ ọnọnị vị Ozi Ohomorihi!”

Iruuku 24:52

Dị ezirẹma ẹnẹẹ tana tụra ẹtẹ kụ́ ọọ, dị ẹ sị ịrajẹ ọyịjẹ ọbanyị varẹma aa nọ Ijerusarẹmị nị.

Iruuku 4:41

Dị ụhwẹ echu nịnị ẹnị rẹ jịnẹ hụụnị ẹngụ ọza ọrụrụ-ọrụrụ, di eyee nowu ka, “Ẹwa vị Ozi Ohomorihi nị!” Ọ màa tụ́ wa ohuvọ, ọ yị zẹẹ ka ẹ̀ kà ịrẹyị, agụvị ka ẹnịnị ệ yẹ ka Ikirisiti ọ vị nị.

Iruuku 8:28

O mè re Ijeesu, di o nowu zẹtẹ, dị ọ tana tụra ẹtẹ ọ́vịdị anị, di o nowu tụ́ ẹba ka, “Sị ẹ jị gẹ ẹmịrị ẹwụ, Ijeesu ana vị Ozi Ohomorihi ana nẹba hu keekere? Aarịhịnị, mâ dá ịpẹ wụ, asị ụ sị ụya rị mị!”

Ịjọọnụ 1:49

Dị Inatanẹrị tụ́ ohi, dị ọ ka, “Ọga, ẹwa vị Ozi Ohomorihi nị. Ẹ wa rẹ vị Ohinọyị Anisirẹrị nịnị nị.”

Ịjọọnụ 11:27

Di Ịmata ka, “Hịịn, Ananyị yị, mâ dọ wụ́ ka ẹwa vị Ikirisiti ọnọọ ana vị Ozi Ohomorihi ana a kà a ka ọ vaa vẹ ẹhẹ nị.”

Ịjọọnụ 17:1

Íjeesu mẹ̀ maanị sị ịrẹyị ẹnẹẹ kà kẹnẹ, dị ọ kụ̀rà eyi anị tụ́ ẹbẹẹba nị, dị ọ ka, “Ọga, ụmẹ o si tù, sị igirima yị Ozi ewu, dị Ozi ewu ọnị ọ̀ rẹ sị igirima yị wụ!

Ịjọọnụ 19:7

Dị Aniju nịnị tụ́ ọọ ohi, dị ẹ ka, “Yâ nyị ọda ọnya. Anka ọda ayị ọnọọ, vị a vọrọ ka ò sú nị, agụvị ka aa hị́ ẹngụ anị Ozi Ohomorihi nị.”

Ịjọọnụ 6:69

Ya sị dọ wụ́, ya rẹ sị yẹ ka ẹwa vị Ọza Ọnịnị Ohomorihi nị.”

Odeyi 8:36

Ẹ màa na óze, e ve tù aha ọnya aanị, ịzị enyi yà. Di osuretu ọnọọ ka, “Enyi yọ, sị a vọrọ ka ọ̀ za mị ka asị a mẹ̀ ọyịhwọzenyi mị?”

Aniroomi 1:4

Ama ini oze ka Ohomorihi ộ ha a hụụnị isu, ọnọọ ộ sị zụ̀ ka ịdị Ohomorihi ọ hụrẹ vẹ nị, ọnịrị ka Ozi Ohomorihi ọnị ọ sị avaba ụkata yị ọ vị nị.