Imatiwu 14:20 - IWE ỌNỊNỊ

²⁰ Dị avaba ẹnịnị rị, dị ịnẹ há wa nị. Dị ẹ kụ́ ana vọ, dị ọ vị ohihi uji ẹwụrẹva nị.

Imatiwu 14:20 ပူးပေါင်းရင်းမြစ်များ

Ọyịkụra 16:12

“Ma raà wụ́ Anisirẹrị màa rị ihuhuu. Kà ẹ yị wa ka ịnị ụmẹ oruva ẹ vaa rị uye, dị ẹ rị ịsọyịrị ẹnẹnẹ dị ịnẹ há wa. Ịjọnọọ ẹ vaa yẹ ka ẹma vị Ẹnẹyịmavara ana vi Ohomorihi awụ nịnị nị.”

Ọyịkụra 16:8

Di Imosiisi rẹ ka, “Ẹnẹyịmavara ọ vaa sị uyee wụ nịnị oruva dị ọ rẹ sị ịsọyịrị wụ nịnị ẹnẹnẹ o mè zee wu eyi nịnị nị. Ọ vavọọ aa sị wụ nịnị agụvị ka ọ sị wụ́ ka waa rị ihuhuu hi ọnị nịnị. Ẹ yị nyị ịsị ẹyị vị, ẹ yị vị ẹyị ụ waa rị ihuhuu hi nịnị, Ẹnẹyịmavara ụ waa rị ihuhuu hi nịnị nị.”

Ụhịrẹyị 13:25

Ọnịzẹyịzaā nyị ẹhụ ịsa ana hụ ọ rị ama aza ọhịmị vị ọnị ụngwẹ kụ pooro.

Ireevi 26:26

Ẹnẹyịmavara kà ọnị vee gù wa oze ịsọyịrị ẹnịnị, dị ọnyẹnẹẹ ẹẹwụ aa mẹ̀ ịsa ịnị arasị ọnya. Dị a kụkụ aa gà ịsọyịrị swẹ-swẹ tụ wa ụvọ. Ẹnịnị ẹ̀ẹ rị ọ, ịnẹ ẹ́ yị vaa há wa.

Ịhagayị 1:6

Ọ kà ẹnịnị ê chire ịsa ọrụrụ ama dị ahịka ịsa chee kẹnẹ e re hụụnị anị nị. Ẹnịnị yáa rị ama ịnẹ ọ yị ha wa, e yee hu eche ama ọ yị nọ wa onyi, ẹ yaa sị ịta ku ẹngụ ama ọ yị ku wa ahị. Ẹ yaa dọ ẹkẹhị ụkọrọ ama dị ahịka ẹ yaa va a hi oku awuru ọ jị iruvo nị.

Imatiwu 14:21

Ọnọrụ ana rị ịsa vị akahị-akahị oze ẹẹhị (5,000). Ọza ọyị za anyẹnẹẹ ọnịrị ezweyi tụ́ ọọ.

Imatiwu 15:33

Dị ezirẹma anị ka, “Ịnị ụnọmị ịzẹnị ịzị aza è yi hi aanị, ịzị i zụ re ịsa ana hụ otomiroku aza ẹnẹnị rị?”

Imatiwu 5:6

Aza ene enyi aa kụ̀, dị ụngwẹ aa kụ̀ ka ẹnị ẹ̀ zụ mẹ ịzẹyịza vaa daa jẹ, agụvị ka Ohomorihi vaa vayị ẹnịnị.

Iruuku 1:53

Ộ sị ịsa ozoza yị aza ọnị ụngwẹ aa kụ̀, dị ọ dụ opisa nịnị aa nọ eehi avosusu nị.

Iruuku 9:17

Avaba ẹnịnị ệ rị, dị ịnẹ há wa nị. Dị ẹ sị uji kụ́ ana vẹtẹ, dị ọ vị ohihi uji ẹwụrẹva nị.

Ịjọọnụ 6:7

Dị Ihwiripi tụ́ o ohi, dị ọ ka, “Yàa daka hị́ Ịbụrẹẹdị achuchu ẹẹva, dị a ka ọzọza ọ̀ dà rị kiiki nị, ẹ yị hyakụ nyị ịzị o tù wa.”