Imatiwu 13:35 - IWE ỌNỊNỊ

³⁵ Ộ maanị mẹ, agụvị ịrẹyị ọnị ọnịsẹ vịdị kà, ọ̀ zụ sẹ ka, “Màa kà ịrẹyị yị wa, ụhịrẹyị mị vaa sị kà a nị. Mị vaa kà a yị wa ịsa ana tẹ yị aza, a mẹ̀ hụrẹ mẹ ẹhẹ.”

Imatiwu 13:35 ပူးပေါင်းရင်းမြစ်များ

Ahẹ Ụgama 49:4

Mee sì ka me che ụhịrẹyị dị ma rẹ sị àgidibò kà iruvo anị.

Ahẹ Ụgama 78:2

Mi vee che ụhị ịrẹyị, dị mị sị iruvo ịrẹyị ana a mẹ ịyẹẹyẹ tụ́ ẹhẹ.

Ayịsaya 42:9

Re, ịsa ẹnị mị vịdị kà a ka ẹ vaa mẹ, ẹ́ va sị mẹ parahu. Ọyaanị, mị vaa kà ịsa ọwọọwaa tịtẹ dị ẹ̀ va mẹ.”

Emọsị 3:7

Ịzẹyịza Ananyị yi Ẹnẹyịmavara ọ mā mẹ̀ ịrẹyị dị asị ọ sị iruvo anị zụ ezi ahụ anị ana vị ọnụtụ anị.

Imatiwu 13:14

Ịnị ịrẹyị ẹnịnị, ịrẹyị ana Ayịsaya ọnịsẹ kà, ọ sị sẹ. Ọ kà, ‘Ụ vaa sị ụtọọ pe ẹtẹ nịnị pooro, dị ụ waa wụ́ ịrẹyị nịnị, ama wẹ yị vaa yẹ ịsị ụ waa wụ́ nịnị. U vee re ẹtẹ nịnị, ama wẹ yị vaa yẹ ịsị u wee re nịnị.

Imatiwu 13:3

Dị ọ sị ụhịrẹyị, dị aa sịị kà ịrẹyị ọrụrụ-ọrụrụ zụ̀ wa nị. Dị ọ ka, “Re, â nyị ọza ịnya aanị ene ne mi ịsa ọyịna.

Imatiwu 25:34

Ịjọnọọ dị Ohinọyị kà a yị aza ene hi eyi ụvọrị anị ka: ‘Wa vẹ nịnị, ẹwụ nịnị ana Ada amị raà mẹ ka ò zé yị! Ngụ ịzị Ohomorihi yà aa mẹ ịjọva, oni o si tenyi tịtẹ wụ nịnị, ẹ́hẹ mè hụrẹ nyima.

Imatiwu 5:2

Di o nyima, dị aa zụ̀ wa ịsa nị, dị ọ ka:

Iruuku 10:14

Ọ vaa daahi yị anẹkụra Ịtaya ọnịrị Ịsịdọnị huna wu nịnị ịnị ẹkụhị ọkarẹyị.

Ịjọọnụ 17:24

“Ọga, mị yaanị sì ka ẹnị ọnị ụ raà sị mị, ẹ̀ yà ịzị màa yà, dị ẹnịnị è zuu re igirima amị, ọnị ụ sị yị mị, agụvị ka wê sì ịrẹyị amị hụrẹ ụmọrụmọ, dị a va yẹ ka aa mẹ ẹhẹ.

Odeyi 15:18

 yẹ ịsa ẹnẹnị hụrẹ ụmọrụmọ.”

1 Anịkọrịntị 2:7

Ịrẹyọyẹ ẹnẹ ẹmị aa sịị kà ịrẹyị vị ịrẹyọyẹ Ohomorihi oni iruvo anị nyịnẹ, ene eyi ọza ọ̀yị vịdị há tù. Ama hụrẹ ụmọrụmọ dị a va yẹ ka aa mẹ ẹhẹ, Ohomorihi ọ raà mẹ eto ịsa ẹnẹẹ ka ya va nyị tụ́ ịnị ụbanyị anị.

Anẹhwẹsọsị 3:5

Ịyẹẹyẹ, Ohomorihi ọyị vịdị sị ịrẹyị ẹnẹẹ zụ̀ aza. Ama booro aanị, Ohomorihi ọ raà mẹ ka Ụhwẹ Ọnịnị ọ̀ sị zụ̀ odeyi ọnịnị ọnịrị ọnịsẹ anị nịnị.

Anẹhwẹsọsị 3:9

Ohomorihi ọ rẹ mẹ mị ka ma sị zụ̀ aza, dị è re e Óhomorihi mẹmẹ aa mẹ̀ ịsa ọnị ọ vịdị mẹ eto anị tịtẹ. Hụrị ụmọrụmọ dị a va yẹ ka aa mẹ ẹhẹ, Óhomorihi ana mẹ avaba ịsa hụrẹ sị ịsa ọnọọ tẹ nị.

Anihiburu 1:1

Ịnị ịyẹẹyẹ, Ohomorihi ộ kà ịrẹyị yị ohiku ayị nịnị ịnị ụmẹ ọrụrụ-ọrụrụ ini oze irenyi-renyi. Ịnị ụmẹ ọnọọ, oze ịnị ụvọ ọnịsẹ nịnị ọ vavọọ zịị kà ịrẹyị nị.

Ẹtore 13:8

Avaba aza ene hi ịnị ẹhẹ vaa hẹkẹ uye ọnọọ; ọnọọ vị ka aza ọnị ọza ọ̀ yị chẹrẹ ịrẹha ẹnịnị dị a va yẹ ka aa mẹ ẹhẹ tụ́ ini iwe aza ana yàra pooro zịna-zịna oni Ozi Atẹmẹ anaa vịdị wụ nyị.

Ẹtore 17:8

Uye oni u re avọọ, ọ́ọ vịdị yàra, ama ọyị kụkụ yàra booro aanị. Ọ vaa jịnẹẹ hụụnị ọbọbọọ vẹ, dị ọ nọ ịzị ọ vaa yàa vu ẹtẹ. Aza ene hi ẹhẹ ọnị ọza ọ̀yị chẹrẹ ịrẹha ẹnịnị dị a va yẹ ka aa mẹ ẹhẹẹ tụ́ iwe aza ana yàra pooro zịna-zịna, èeyee re uye ọnọọ, o vee hí wa irenu. Uye ọnọọ ọ́ọ vịdị yàra, ọyị kụkụ yàra booro aanị, ọ rẹ vanaa sị ẹngụụ tụ́ ẹhẹ.